අපේ දරුවන්ගේ කිසිම පිළිවෙලක් නැහැ.

දරුවන්ට පිලිවෙල නැති වුනාම ඒ චෝදනාව අනාගතයටත් සම්බන්ධ වෙනවා. විශේෂයෙන් දරුවන් පිළිවෙලක් නැතුව හැදුනාම දොස් නගන්නේ දෙමව්පියන්ටයි. ඒ නිසා එබේ දරුවා මුල් කර ගෙන ලෝකයෙන් චෝදනා විදිනවාට වඩා බාල කාලයේ පටන්ම දරුවා පිලිවෙලක් ඇතුව හුරු කිරීම ඉතාම වැදගත්. එහෙමනම් දරුවෙකු පිලිවෙලක් ඇතිව හදා වඩා ගන්නේ කෙසේද…

මුලින්ම ඔබ ආදර්ශමත් වෙන්න

දරුවන් සමාජයට ඇතුලු වීමට පෙරාතුව ඔවුන් අනුගමනය කරන්නේ තමන්ගේ දෙමව්පියන්. ඒ නිසා ඔබ දෙස බලා ගෙන ඔවුන් හැදෙන වැඩෙන නිසා නිතරම තමන්ගේ දෙමව්පියන් අනුකරණය කරනවා.ඒ නිසා ඔබ දරඅවන්ට ආදර්ශමත් විදිහට පිලිවෙලක් ඇති චරිතයක් වීමට ඉටා ගන්න.

දරුවාටත් වගකීම් දෙන්න

බාලකාලයේ පටන්ම දරුවාටත් යම් යම් වගකීම් පවරා දෙන්න.පුංචි හිතට වගකීම් ලැබෙන විට තමා වැදගත් තැනැත්තෙක් බැව් දරුවාටත් ඒත්තු යනවා. තමන්ගේ ඇ‍්ඳුම් අල්මාරිය, සපත්තු රාක්කය, සෙල්ලම් බඩු ආදිය පවත්වා ගැනීම, ආරක්ෂා කර ගැනීම ආදිය ගැන දරුවාටත් වගකීමෙන් කටයුතු කිරීමට ඉඩ දෙන්න.

හැම දෙයම කර දෙන්න එපා

දරුවාට ඔබ ආදරය බව සැබෑය. ඒත් දරුවාගේ සියලු දෙයම දෙමව්පියන් විදිහට කිරීමට වඩා යම් යම් කාර්යන් වෙනුවෙන් දරුවා හුරු කරන්න.අද බොහෝ දරුවන් පිලිවෙලකට තමන්ගේ බත් පිගානවත් හසුරුවා ගැනීමට නොදනී. අද උස් මහත් වුන දරුවන් පවා සරම වළල්ලක් සේ තබා යන තැනට පත්ව සිටින්නේ ඒ පිලිබඳව කිසිදු හුරුවක් නොමැති නිසාය.

වැඩට හුරු කරන්න

දරුවාට කුඩා කාලයේ පටන්ම යම් යම් දේවල් කර ගැනීමට ඉඩ දෙන්න. පුංචි කමට පුංචි වැඩ ඔවුන්ට පවරන්න. මේස් කුට්ටම සෝදා ගන්න, රෙදි වැනීම,අත්පිස්නාවන් සෝදන්න. ලේන්සුව සෝදා ගැනීමට වැනි පුංචි වැඩ කොටස් පවරා දෙන්න.

පිලිවෙළ නිසා ඇති වාසි

පිලිවෙලකට වැඩ කිරීම නිසා කාලය ඉතිරි වෙන බවත් දරුවන්ට කියා දෙන්න.අපිලිවෙලට වැඩ කිරීම නිසා කාලය අපතේ යෑම සිදු වෙන බැව් දරුවන්ට ක්‍රියාවෙන්ම කියා දෙන්න. උදාහරණයක් විදිහට පොත් ගොඩක් කිසිදු පිලිවෙලක් නොමැතිව තබා තිබෙනවාට වඩා විෂයන් අනුව වෙන් කර පිළිවෙලකට ගොඩ කර තිබෙන විට වඩාත් පහසුවෙන් අවශ්‍ය පොත් සොයා ගැනීමට දරුවාට අවස්ථාව ලැබෙන බව කියා දෙන්න.

නිර්මානශීලී වෙනවා.

පිලිවෙලකට වැඩ කරන විට දරුවා නිර්මානශීලීත්වයෙන් හැඩ ගැහෙනවා. එය නොදැනීම සිදු වෙන්නක්. තමන්ගේ කටයුතු පිළිවෙලට කිරීමට අවශ්‍ය උපාංගයන් සොයා ගැනීම එසේත් නැත්නම් විවිධ උපකරණ සකස් කර ගැනීම වැනි කටයුතු නොදැනීම මුවහත් වීම සිදු වෙනවා.

මනස නිරවුල්

අද විශ්ව ශක්තිය පිලිබඳව ඇති පිලිගැනීම පිලිවෙලට බොහොම සමීපයි. පිලිවෙල නිසා විශ්ව ශක්තිය ළගා කර ගැනීමට ඉතාම පහසුයි.පොත් මේසයක වුනත් පිලිවෙල දකින විට පාඩම් කිරීමට යම් උත්ජෙනයක් ලැබෙනවා සේම අපිළිවෙල සහිත මේසයක් නිසා මනසට ඇති වෙන්නේ විඩාවක්.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here