අපි පොඩ්ඩන්ව කන්ට්‍රෝල් කරන්නේ කොහොමද…?

මේ දවස්වල වැඩිහිටියන්ට නම් ලැබුන විවේකයෙන් යම් ප්‍රයෝජනයක් ලබා ගන්න
පුලුවනි.ඒත් හයක් හතරක් නොතේරෙන පොඩ්ඩන් එක්ක මේ කාලය ගත කරන එකත්
ලේසි නැහැ.ඒ ඇයි කිව්වොත් මේ වසංගතයේ තරම දරුවන් දන්නේ නැහැ.කිව්වට
තේරුම් ගන්නත් බැහැ.ඒ නිසාම ඔවුන්ද යම් සීමාවක් වෙනුවෙන් සිර වෙලා. වෙනදාට
නම් විවේකයක් ලැබුනාම එලියේ ඇවිදින්න,මිතුරන් සමග සෙල්ලමට, නෑදෑ ගමනක්
යන්න තිබුන අවසරය දැන් අකමැත්තෙන් වුනත් සීමා වෙනවා.කන්න බොන්න වුනත්
වෙනදා වගේ බැහැ.ඇයි දැන් හෙටක් ගැනත් හිතන්න එපායැ.මේ සියල්ල අතර
පොඩ්ඩන්ගේත් මේ වගේ වෙනස්කම් ඇති වෙන්න පුලුවනි.

❖ බොරුවට ලෙඩ කියාවි..
වෙනදා තිබෙන ක්‍රියාශීලි ජිවිතය නැති නිසා ඇති වෙන මානසික තත්වය හින්දාම දරුවන්
බොරු හිසරදය, බඩ රිදෙන බව වගේ හොර ලෙඩ කියන්න පුළුවනි.ඒ තත්වය හරියට
උදේට පාසල් යන්න කම්මැලි වුනාම දක්වන රගපෑමට සමානයි.

❖ අවධානය ගන්න බලනවා.
දැන් දෙමව්පියන් විදිහට වෙනදා මානසිකත්වය ඇත්තටම නැහැ. අසල ගෙයක සොරකම්
කලගිය දවසක …තමන්ගේ නිවස රැකගෙන සිටිනවා වගේ ලෝකය පුරා වසංගතයට
ගොදුරු වෙන ප්‍රවනතාවය නිසා ඇති වෙන කම්පනය..ඒ වගේම අපේ රටේ වසංගත
තත්වය ගැන තොරතුරු..ඒ සියල්ල අතර අපේ පවුල සමග හැම දෙනාම ආරක්ෂා
වෙන්නේ කොහොමද..?ඒ වෙනුවෙන් වූ පිලිවෙත් ගැන වැඩි අවධානය සමග ආහාරපාන
ගැනත් උනන්දු වෙන්න වෙලා.මේ එකක්වත් පොඩ්ඩන්ට ප්‍රශ්න නොවෙයි.හැබැයි
..ඔවුන්ට එකක් තියෙනවා.වෙනදා නිවසේ,අසල්වැසියන් අතර වගේම ගමේ තිබුන
සාමාන්‍ය තත්වය අද නැහැ. ඇදිරි නීතිය නිසා හැමදෙනාම ඒ වෙනුවෙන් අනුගතයි.මේ
තත්වය දරුවාට නුහුරු නිසා ඔවුන් වැඩිහිටි අවධානය ගැනීමට විවිධ විදිහට
හැසිරෙන්න පුලුවනි.ඒ නිසා දරුවන් අවධානය ගැනීම වෙනුවෙන් වැඩිහිටියන් කෝප
වෙන්න එපා.

❖ දඩබ්බර වෙන්න පුලුවනි
අවධානය ගැනීම සාර්ථක නොවුන තැන දරුවන් දඩබ්බර ගති පැවතුම් පෙන්වන්න
පුලුවනි.ඒ වගේම බොරුවට අඩන්න..බඩු මුට්ටු පොලවේ ගහන්න වගේ දඩබ්බර
හැසිරීම් පෙන්වන්නත් පුලුවනි.මේවා ගැන දෙමව්පියන් එතරම් උරණ විය යුතු
නැහැ.දරුවන්ට ඔවුන්ගේ සාමාන්ය ජනජීවිතය අහිමි වීම නිසා මේ විදිහට ප්‍රතිචාර
දක්වන්න පුලුවනි.

අපි පොඩ්ඩන්ව කන්ට්‍රෝල් කරන්නේ කොහොමද…?

කොරෝනා වෛරසය නිසා ඇති වී තිබෙන මේ පරිසර තත්වය තාවකාලික බව
දරුවන්ට පැහැදිලිව කියා දෙන්න.එහෙම නැති වුනොත් දරුවන් අපේක්ෂා භංගත්වයට
පත් වෙනවා.හැම දෙනෙක්ම ජීවත් කරන්නේ බලාපොරොත්තුවයි.දරුවන්ටත් ඔවුන්ගේ
තරමට බලාපොරොත්තු තිබෙනවා.ඒ නිසා හෙටක් නැහැ…යන සංකල්පය ඔවුන්ගේ
හිත්වලට ඇතුළු කරන්න එපා.

තත්වය තාවකාලිකයි..
වසංගත රෝග තත්වයක් නිසා ඇති වුන මේ තත්වය තාවකාලිකයි.ඒ වෙනුවෙන් අපි සහයෝගය දැක්වුවොත් ඉක්මනින්ම ඉස්සර තත්වයට පත් වෙන්න පුලුවන් බව දරුවන්ට කියා දෙන්න.අදටත් ඇදිරි නීති කඩකරමින් රට පුරාම විකාර චරිත බිහිවී තිබෙන්නේ බාලකාලයේදී ඔවුන්ගේ වැඩිහිටියන් රටක නීතියට අවනතව ජීවත් වෙන විනය දරුවන්ට අවබෝධ කර නුදුන් නිසයි.ගෙදර පුංචි පුංචි අඩුපාඩු ඇති වුනත් කඩපිලට ඇදිරි නීතිය ඇති වේලාවට යන්නේ විනයක් නැති අය මිසක පුතාගේ අම්මා..තාත්තා ඒ වගේ වැරදි වැඩ කරන අය නොවන බව පැහැදිලිව පහදා දෙන්න. ඒ නිසා අද හය හතර නොතේරෙන දරුවා ඉදිරියේ වැඩිහිටියන් විදිහට ඔබ ඇදිරි නීතියට අනුගතව කටයුතු කරන්න.දරුවාගේ වයසේ හැටියට නීතියට අනුගත වෙන කලාව කියා දෙන්න.

කාලසටහනක් ගොඩ නගන්න
දරුවාට වුනත් විවේකය වැඩි වුනොත් දවස දිගු වෙන්න පුලුවනි.ඒ නිසා ඔවුන්ටත් යම් කාල සටහනක් හදන්න.අම්මා,තාත්තා දරුවාගේ සෙල්ලමට සහකරු වෙන්න. වෙනදා වගේ අසල්වැසි දරුවන් නොමැති පාඩුව එවිට පිරිමහ ගැනීමට පුලුවනි.මේ කාලසටහනේම පාසලේ වැඩටත් යම් අවස්ථාවක් දෙන්න.අතපසු වුන පාඩම්වල කොටස් නිරවුල් කර ගැනීමට වේලාවක් ලබා දෙන්න.ඒ වගේම විනෝදය සහ සතුට ලැබෙන කුමන හෝ ඉසව්වක් අවස්ථාවේ හැටියට සලසා දෙන්නත් අමතක කරන්න එපා.

නිවසේ කටයුතුවලට සහය
ඔබ නොහිතුවත් පුංචි දරුවන් වැඩිහිටියන්ගේ වැඩ කටයුතුවලට උදව් කරන්න හරිම කැමැතියි.ඒ නිසා ඔබේ වැඩ කටයුතුවලදී දරුවාගෙන් පුංචි පුංචි අත්උදව් ගන්න.නමුත් අනවශ්ය විදිහටවතුර සමග කටයුතු, දූවිලි පරිසරයට නම් දරුවන් නිරාවරනය කිරීම එතරම් සුදුසු නැහැ.හදිසියේවත් උණ,ප්රතිශ්යාව මේ දවස්වල විවිධ විදිහට අර්ථ කථනය වෙන්න පුලුවනි.

ලස්සන කවි.ගීත, කථන්දර අහන්න..
ලද විවේකයෙන් ප්‍රයෝජන අරගෙන දරුවන්ගේ සාහිත්‍ය වැඩි දියුණු කරන්න පුලුවනි.ඔවුන්ට කථන්දර කියා දෙන්න දැන් පුංචි විවේකයක් තියෙනවා.කවියක්,ගීතයක්අහන්න සලසා දී ඒවා කටපාඩම් වෙන තෙක් කටේ හිරි ඇරෙන්න ගයන්න අවස්ථාව දෙන්න. රාමුවක්ට කොටු වී සිටින නිසා ඇති වී තිබෙන ආතතිය එයින් දුරු වේවි..

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here