ගර්භණී අම්මාගේ මානසික සෞඛ්‍ය නිසා දරු පැටියා නිරෝගී වේවි..

Romantic girl with finger on her chin enjoying her pregnancy, posing isolated over pink background, looks at camera, wearing white shirt, has brown hair.

බඩදරු අම්මාගේ ගැබ හෑල්ලු කරනකම් හිතට බරක් දෙන්න හොද නැහැ….. මේ අතීතයේ පටන් අපේ ජන සමාජයේ පැවතුන සංකල්පයක්.අපි මේ ගැන මතුපිටින් කතා බහ කළත් මේ පැවැත්ම අම්මාගේ වගේම දරුවාගේ අනාගතය වෙනුවෙන් මොනතරම් බලපානවාද යන්න ගැන දැන් විවිධ අධ්‍යනයන් පැවැත්වෙනවා.ඒත් අපේ අම්මලා, අත්තම්මලා මේ වගේ දැනමුතුකම් කිව්වේ මානසික විද්‍යාව ගැන දැනගෙන නම් නොවෙයි.ඒත් අත්දැකීමෙන් ඔවුන් උගත් සහ අපව දැණුවත් කළ දේ අද මොනතරම් මනෝවිද්‍යාව සමග ගැලපෙනවාදැයි ඔබත් දැන ගන්න කැමැතිද..? කැමැත්ත විතරක් නොවෙයි,ඔබේ ගර්භණීත්වයත් ඒ අනුවම හසුරුවා ගැනීමත් ඉතාම වැදගත්..

මේ අධ්‍යනය සිදු වුනේ ඔස්ට්‍රේලියාවේ….මෙම අධ්‍යයනයට මව්වරුන් 900 ක් සහ දරුවන් 978 ක් තෝරා ගත්තා.මේ අම්මාවරුන්ගෙත් විශේෂත්වයක් තිබුනා. ඒ ඔවුන් තමන් ගැබ් දරණ කාලය්දී අඩුම වශයෙන් එක් වතාවක් හෝ මානසික අවපීඩන තත්වයට පත් වුන අයයි. ඒ අතරින් 11% ක් එක් වතාවකට වඩා මානසික අවපීඩන තත්වයට පත් වුන අයයි.

මානසික අවපීඩන තත්වය කිව්වාම බියක් ඇති කර ගන්න එපා.

මානසික  අවපීඩනය කිව්වාම ඔබ දැනටමත් ගැබිණි මවක් නම් බියක් ඇති කර ගන්න එපා. මෙතැන මානසික අවපීඩනය කියන්නේ සාමාන්‍ය ජීවිතයේ අපේ බලාපොරොත්තුවක් බිඳ වැටුනාම ඇති වෙන මානසික තත්වය නොවෙයි.අපි මෙහෙම කියමු. ඔබ පුල පුලා බලා සිටි ක්‍රිකට් මැච් එකකින් ඔබේ කණ්ඩායම පැරදුනොත් හිතේ ඇති වෙන දුක ටික වේලාවකින් ඉබේම නැති වී යනවා. 

නමුත් මානසික අවපීඩනයේදී තත්වය ඊට වෙනස්

depression යනුවෙන් ඉංග්‍රිසියෙන් හැඳින්වෙන මානසික රෝගී තත්වයය සිංහලෙන්  අපි  හඳුන්වනවා නම් “විශාදය ”එහෙම නැත්නම් මානසික අවපීඩනය යනුවෙන් සරලව දැක්විය හැකියි. විශාදයේදී සිද්ධ වෙන්නේ මොළයේ රසායනික සංයුතියේ අසමතුලිතතාවයක් ඇති වීමයි. විශාදය යන රෝග තත්වයට පත් වුන පුද්ගලයෙකුගේ මොළයට යන රුධිරය, ඔක්සිජන් සැපයුම සහ ග්ලුකෝස් වැනි පරිවෘත්තිය ක්‍රියාවල අඩු පාඩු පර්යේෂණ මට්ටමේදී පෙන්නුම් කරනවා.මේ නිසා ඇති වෙන රෝග ලක්ෂණ කීපයක් තිබෙනවා.

  • සිරුරේ ශක්තිය නැති වීම වැනි උදාසීන බව
  • හිත වගේම සිරුරත් කඩා වැටුනා වගේ දැනීම.
  • දුක
  • දැඩි කනස්සල්ල
  • ජීවිතය ගැන බලාපොරොත්තු නැති වීම

ගැබිනි මවක් මේ වගේ රෝගයක් නොමැති රෝග ලක්ෂණ හෝ අපහසුතාවයන් ඇති වෙනවා නම් ඒ ගැන නොසලකා සිටින්න හොද නැහැ.

නොසලකා හිටියොත්..

ගැබිනි මවකටමේ වගේ අපහසුතාවයන් දැනුනාම ඇයට වත් ඒ ගැන තේරෙන්නේ නැහැ.වැඩිහිටියෙකුට කිව්වාම වුනත් එතරම් තැකීමක් නොකරන්න පුලුවන්.නමුත් මේ මානසික තත්වයෙන් ගැබිණි මව දිගින් දිගටම පසු වුනොත් ඇගේ මානසික තත්වයෙන් අනාගතයේදී පීඩාවට පත් වෙන්නේ ඇගේම කුසින් බිහි වෙන දරුවා බව කවමදාවත් අමතක කළ යුතු නැහැ.

දරුවාගෙන් මේ වගේ ලක්ෂණ දකින්න පුලුවනි..

අම්මා ගැබ් දරණ කාලයේදී මානසිකව කනස්සල්ලෙන් සිටිය නිසා දරුවා වෙතින් යම් යම් හැසිරීම් වෙනස්කම් දකින්න ලැබෙන්න හැකියි.

  • නිතරම දුකින් පසු වීම
  • සමාජ ඇසුරට ප්‍රිය නොවීම
  • හුදෙකලා වීම
  • බියගුලුබව
  • වයසට සාපේක්ෂව පරිණත නොවීම.

ඉතින් මේ වගේ මානසික තත්වයන් දරුවාගෙන් පෙන්නුම් කරන්න පුලුවනි.

ප්‍රතිකාර වෙනුවෙන් කාලයක් අවශ්‍ය නැහැ.

ඔබ ගැබිනි මවක් නම් මේ මානසික තත්වයක් තිබෙනවා නම් හෝ ඔබේ සමීපතම ඇසුරු කරන ගැබිණි මවකට මේ තත්වයන් තිබෙනවා නම් හෝ කවුරුන් හෝ අනේ..මං දන්නා බබා හම්බ වෙන ඉන්න අම්මෙක් මේ වගේ පැමිනිලි කරනවාය යන ආරංචිය ලැබුනොත් ඒ අයට මානසික උපදේශන වෙතට යොමු වෙන්න අවශ්‍ය බැව් පැහැදිලිව කියා දෙන්න.ඒ වෙනුවෙන් කල් වැඩියි…එහෙම නැත්නම් දැන් ප්‍රමාදයි කියන උපකල්පන ඇති කර ගන්නත් එපා.අද කළ යුතු දේ අදම කරන්න. එවිට හෙට දවසේ මානසිකව නිරෝගි දරු පැටියෙකුගේ මවක වීමට ඔබ ප්‍රමාද වන්නේ නැහැ.

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here