ගැහැණු දරුවෙකු වැඩිවිය පත් වුනාට පසුව ඇගේ සමීපතම මිතුරිය බවට පත් විය යුත්තේ අම්මා. පුතෙකුට නම් තාත්තා ….ඔහුට වඩාත්ම සමීප වීම වැදගත්.දියනියකගේ මල්වර වීම සමග ඇය දරුවන් ලැබීමේ සුදුසුකම් ලබනවා. එය ප්‍රසිද්ධියේම මහත් උත්සවාකාරයෙන් සිදු වුනත් පිරිමි දරුවන්ගේත් වැඩිවිය පත්වීමක් සිදු වෙනවා.
කායික සූදානම..
පිරිමි දරුවන්ගේත් සිරුරේ ද්විතියික ලක්ෂණ පහල වෙනවා. මේ කාලයේදී ”ටෙස්ටොස්ටොරොන් “හෝර්මෝනය නිකුත් වීම සිදු වෙනවා. ඒ නිසා පිරිමි දරුවන්ගේත් මෙවැනි ලක්ෂණ පහළ වීම සාමාන්‍ය තත්වයක්.
- වෘෂණවලින් ශුක්‍රානු පිපදවීම
- උස,බර වැඩි වීම සහ උරහිස් පුළුල් වීම
- කටහඩ වෙනස් වීමපප;, ස්වාරලය ප්‍රදේශය විශාල වීම
- රැවුල වැඩීම
- මුහුණේ කුරුලෑ ඇති වීම
- ශිෂ්ණය,වෘෂණ කෝෂ සහ පුරස්ථි ග්‍රන්ථි විශාල වීම
- ශුක්‍ර මෝචනය වීම.
දියණියගේ මල්වර වීම කියන්නේ ඇගේ ඔසප් චක්‍රය ආරම්භ වීමයි. වෛද්‍ය විද්‍යාත්මකව නම් මෙම සංසිද්ධිය විදිහට හැදින්වෙන්නේ කාන්තාවකගේ ලිංගික හෝර්මෝන චක්‍රයේ ආරම්භය හෙවත් ස්ත්‍රි ලිංගික ලක්ෂණ බිහි වීමයි.
පෝෂණය ලබා දීම..
නව යාවුන් වියේ පසුවෙන දරුවාට පෝෂණය ලබා දීම ඉතා වැදගත්. අතීතයේදී නම් දෙමව්පියන් පෝෂණය ගැන වැඩි අවධානයක් දුන්නේ පිරිමි දරුවන්ට. පවුලේ මුදුන්බත වුනත් තාත්තාට පසුව බෙදුවේ පුතාට. ඒ වුනත් පුතාට වගේම දියනියටත් පෝෂණය එක සේ වැදගත්. මේ කාලයේදී නිසි පෝෂණය නොලැබුනොත් අනාගතයේදී ඒවා දැඩි අන්දමින් බලපාන්න ඉඩ තිබෙනවා. පරම්පරාව ගෙන යෑමේ අයිතිකරුවා පුතා පමණක් නොවෙයි. දියනියටත් එහි සෑහෙන කාර්යභාරයක් තිබෙනවා. ඒ නිසා නව යොවුන් වියේ පසුවෙන දරුවන්ට නිසි පෝෂණය ලබා දීම ඉතාම වැදගත් ඒ නිසා ආහාර රටාව සැලසුම් තිරීමේදී එහි පංගුව පමණක් නොව අන්තර්ගත පෝෂණය ගැනත් සැලකිලිමත් වෙන්න. හැකි තරම් සකස් කළ ආහාර වගේම නිසරු ආහාරවලිනුත් දරුවන් දුරස් කරන්න. මෙවැනි ආහාර වෙනුවෙන් නව යොවුන් දරුවන්ගේ ඇබ්බැහි වීම ඉතාම අහිතකර අන්දමින් සිදු විය හැකි නිසා නිවස තුළදී දරුවන්ගේ පෝෂනයට වැදගත් තැනක් ලබා දීම ඉතාම වැදගත්.
සෙල්ලම් කිරීම නිසා ව්‍යායාම ලැබෙනවා..
වැලිපොල්කටුවෙන්, බෝනික්කන් නැලවීමෙන් මිදුනත් නව යොවුන් වියේ දරුවන්ටත් සෙල්ලම ඉතාම වැදගත්.ඒත් අපේ දෙමව්පියන් මේ අවදියේදී දරුවන්ට වැඩි පීඩනයක් ලබා දෙමින් සෙල්ලමට තහංචි පනවනවා.
- පොතක් පතක් අල්ලන්න එපා..සෙල්ලම..සෙල්ලම..බැට් පිත්තයි … බෝලයයි ..තමා..
පිරිමි දරුවන්ට එහෙම දෝෂාරෝපනය කරමින් හෝ සෙල්ලමට ඉඩක් දුන්නත් දියණියට නම් සෙල්ලමට අවස්ථාවක් ලැබෙන්නේ නැහැ..
- දැන් සෙල්ලම් කරන වයසක් නොවෙයි..ඔයා ලොකු ළමයෙක්..ඉස්සර වගේ දිවිලි පැනිලි බැහැ..
මේ විදිහට තහනම් නියෝග පැනවුනත් ඇයටත් ශාරිරික සහ මානසික ව්‍යායාමයන් අවශ්‍ය වෙනවා.ගැහැණු දරුවෙකුගේ ජීවිතයේ ආරක්ෂාව පිළිබඳ සීමාවන් අවශ්‍ය වුනත් ඒ මතම සීමා පනවමින් ඇයට සෙල්ලම වෙනුවෙන් හෙවත් කායික ක්‍රියාකාරි කටයුතු වෙනුවෙන් තහංචි පනවන්න එපා. එදා ගැහැනු දරුවා නිවසේ වැඩකටයයුතු තුලින් ඇයට අවශ්‍ය ශාරිරික වයායාම මනා සේ ලබා ගත්තා. නමුත් අද වතුර බාල්දියක්වත් එහා මෙහා නොකරන ගැහැණු දරුවන්ට ව්‍යායාම වෙනුවෙන් අවස්ථාවක් ලබා ගැනීම ඉතාම වැදගත්.ඒ නිසා සෙල්ලමට හෝ ඉඩක් ඔවුන්ට අවශ්‍ය වෙනවා.
ගැහැණු දරුවන් ශාරිරික ව්‍යායාමයන්හි නිරත නොවුනොත් තරබාරුව වැනි ගැටලු නිසා අනාගතයේදී බෝනොවන රෝගවල ගොදුරක් බවට පත් වීම සහ දරුවන් ලැබීමේ විවිධ ගැටළු ඇති වීමට ඉඩ තිබෙනවා.
දුරස් වෙන්න දෙන්නත් එපා…
සාමාන්‍යයෙන් දරුවෙකුගේ නව යොවුන් අවදිය කුනාටු කාලයක් විදිහට හදුන්වා තිබෙනවා. ඒ නිසා කුනාටුවට අසු වී දරුවාගේ ජීවිතය විනාශයට පත් වෙන්න පුලුවනි. මේ අවධියේදී විරුද්ධ ලිංගිකයන් වෙත ඇති වෙන ආකර්ශනයට වඩා බරපතල තත්වයන් දැන් තියෙනවා. අතීතයේදී නම් පිරිමි දරුවෙකු කුමන ආකරයේ වැරැදද්ක් කළත් පය සෝදා ගෙට ගන්න පුලුවන් කිව්වත් අදට එය ගැලපෙන්නේ නැහැ.මත්ද්‍රව්‍ය, ලිංගික අපයෝජනය වැනි විවිධ දුරාචාරයන්ට දියනිවරුන් වගේම පිරිමි දරුවනුත් යොමු වීමට පුලුවනි. ඒ නිසා නව යොවුන්වියේදී ආදර සම්බන්ධතාවයක් ඇති කර ගැනීමට වඩා නව යොවුන් දරුවන්ගේ ජීවිත විනාශ වීමට තිබෙන ඉඩ ප්‍රස්ථාවන් බොහොමත්ම දරුණුයි.
- තරුණ දරුවන් නොමග යෑම ගැන මහත් වූ ආන්දෝලනාත්මකව කතා කරන අපි නිකමටවත් එහෙම වෙන්නේ ඇයි කියල හිතුවොත්…
දරුවන් වැරදි ක්‍රියාවන්ට යොමු වීමටත් අපි නොදන්න මානසික පසුබිමක් තිබෙනවා. දරුවන් මානසිකව හුදෙකලා වීම නිසා මේ තත්වය ඇති වෙනවා.අම්මා,තාත්තා රාජකාරිය මත්තේම නැහෙනවා. ආහාර පාන කිසිම අඩුවක් නැහැ. ඇඳුම්වලත් අඩුපාඩුවක් නැහැ. නමුත් දරුවා සමග කාලය බෙදා ගෙන ඇසුරට හිතවත් අයෙක් ජීවිතයේ නැහැ. ඒ නිසා ඔවුන් වැරැදි කටයුතුවලට යොමු වෙනවා.තරුණ දරුවන් සිටින දෙමව්පියන්ට ඔවුන් සමග වැඩි කාලයක් ගෙවන්න නොහැකි බව ඇත්ත.ඒ නිසා දරුවන්ගේ කාලය යහපත් අයුරින් ගෙවන්න හැකි පහසුකම් සලසා දීම වැදගත්.ඔවුන්ගේ මනසට සතුටක් ලැබෙන විනෝදාංශ හදුන්වා දෙන්න.ඒවා සමග දරුවා කාලය ගත කරන බැව් තහවුරු කර ගන්න. තමන්ගේ දවසේ කාලය ගෙවන්න හිතට සතුටක් දෙන ගණුදෙණුවක් වෙතොත් දරුවා අනවශ්‍ය අය සමග ඇසුරක් ගොඩ නගා ගැනීම සිදු වෙන්නේ නැහැ.මත්ද්‍රව්‍ය , අනවශ්‍ය ලිංගික ඇසුර වැනි කටයුතුවලට ඇබ්බැහි වුන දරුවන්ගේ පසුබිම ගැන සලකා බලන විට ඔවුන්ගේ දෙමව්පියන් උසස් වෘත්තින්හි නිරත, හොද පවුල් පසුබිමක් ඇති,ආර්ථිකව ශක්තිමත් දරුවන් බැව් සමීක්ෂණ මගින් පවා පෙනී ගිය කරුණක්. ඒ නිසා නිතරම දරුවන් මානසිකව හුකෙලා චරිත බවට පත් කරන්න එපා.
පෞද්ගලික සනීපාරක්ෂාව..
ගැහැණු දරුවෙකු වැඩිවිය පත් වීමෙන් පසුව ඇගේ සනීපාරක්ෂාව ගැන මවගේ අවධානය යොමු වීම ඉතාම වැදගත්.මාසික ඔසප් චක්‍රය සිදු වීම, අදාල කාලයේදී සනීපාරක්ෂාව, ඔසප් වෙන දිනයන් ගැන අවධානයෙන් සිටිම වැනි කරුණු ගරන දියණියට කියා දීම ඉතාම වැදගත්. ඒ වගේම ප්‍රසිද්ධියේ කතා නොකලත් පිරිමි දරුවන්ගේශුක්‍ර තරලයේ පිටවී සිදු වෙනවා. නින්දෙන් ශුක්‍ර තරලය පිටවීම සාමාන්‍ය සිදුවීමක්. ඒ නිසා අනාගතයේදී ලිංගික දුබලතාවයන් ඇති වෙනවාය යන මිථ්‍යාවන් තිබෙන නිසා මේවා ගැන දරුවන් දැණුවත් කිරීමත් පියාට බාරයි. එසේ නැති වූ විට දරුවා මෙවැනි තත්වයන් නිසා මානසිකව අසහනකාරී තත්වයකට පත් වෙන්න පුලුවනි.
එහෙමනම්..දරුවන් හිටවැටෙන කාලයට වඩා දැඩි අවධානයක් නව යොවුන් වියේදී දැක්වීමේ වැදගත්කම ගැන දැන් ඔබටත් තේරුම් යන්න ඇති.හිටවැටෙන කාලයේදී දරුවන්ට ඇති වෙන කායික අනතුරු සුව කර ගත හැකි වුනත් නව යොවුන් වයසේදී ඔබෙන් සිදු ප්‍රමාදයට දරුවා ඔවුන්ගේ ජීවිතයෙන්ම වන්දි ගෙවනු
