මනස සුවපත් දරුවෙක් බිහි කරමු.

 දරුවෙකුගේ කුස පිලිසිඳ ගත් මොහොතේ පටන්  සිට දෙමව්පියන්ගේ එකම බලාපොරොත්තුව ශාරිරික ලෙසින් නිරෝගි වූ දරුවෙක් ගොඩ නගා ගැනීමේ සිහිනයයි. දරුවා උපත ලැබීමෙන් පසුව ඔවුන්ගේ ශාරිරික නිරෝගිතාවය වගේම අකුරු සාස්තරයට දක්වන හැකියාව වැඩි දියුණු කරමින් අනාගතයේදී වැදගත් සමාජ ස්ථරයකට දරුවා ඔසවා තැබීමේ අපේක්ෂාවෙන් කටයුතු කරනවා.

නමුත් දෙමව්පියන් අතර මනස සුවපත් දරුවෙක් නිර්මානය කිරීමේ සිහිනයත් ඔවුන්ගේ සිහින ඉලක්ක අතරට එක් විය යුතුයි. එය එතරම් අසීරු කටයුත්තක් නොවෙයි. එහෙමනම් අපි අද පටන්ම මනස සුවපත් දරුවෙක් නිර්මානය කිරීමේ ඉලක්කය ජය ගැනීමට අවශ්‍ය පසුබිම සූදානම් කරමු.

නිවස පසන් නිවසක් වීම

දරුවාගේ මනස සුවපත් කිරීමට නම් ඔබේ නිවස පවුලක් ලෙසින් ජීවත්වීමට සුදුසුම පරිසරයක පැවැතීම ඉතාම වැදගත්. කොටින්ම එය පසන් නිවසක් විය යුතුයි. සිනාවෙන්, විනෝදයෙන් බියක් නැතුව ජීවත්වෙන පරිසරයක් නිර්මානය වුනොත් දෙමව්පියන් ලෙස සැබෑවටම ඔබ දිනුම්.පවුලක් ලෙසින් පවතින සමගිය, සාමය නිසා දරුවා සතුටින් කාලය ගත කිරීම නිසා  සුවපත් මනසකින් යුක්තව ගොඩ නගා ගැනීම කිසිම අපහසුවක් නැහැ. ඒ නිසා නිවසේ සතුට ගැන දෙමව්පියන් ලෙස ඔබ අද දවසේ වැඩි අවධානයක් දක්වන්න.

ලිංගික  අඩන්තේට්ටම්..

බාල කාලයේදී ලිංගික අතවරයන්ට පත් බොහෝ දරුවන් එම අවාසනාවන්ත තත්වයට පත්ව ඇත්තේ ඔවුන්ගේම සමීපතයින්ගෙන් බැව් සමීක්ෂන මගින් හඳුනා ගත් තත්වයක්. ඒ නිසාම නිවසේ සිටින ඥාතීන් සහ මෙහෙකාරවරුන්ගෙන් දරුවා ආරක්ෂා කර ගැනීම ඉතාම වැදගත්.ඒ නිසා පවුලේ අයෙකු හෝ වේවා දරුවාගේ සිරුර අනවශ්‍ය ලෙසින් ස්පර්ශ කිරීමට ඇති ඉඩ ප්‍රස්ථාව අවුරා තබන්න. ඔවුන්ට යමක් තේරුම් ගත හැකි වෙන විට මේ ගැන පැහැදිලිව කියා දෙන්න.

කෝප ගැන්වීම

දරුවා කෝප වීමට වඩා දෙමව්පියන් විසින් ඔවුන් කෝප ගන්වන අවස්ථා ඇත. ඇතැම් දරුවන්ගේ කෝපය දැඩි ආවේගයක් පනට පත් විය හැකියි. ඒ නිසා දරුවාගේ කෝප වීමේ අවස්ථාවන් හැකිතාක් අවම කිරීමත් වැදගත්. ඇතැම් විට ඔබ දරුවාගේ කෝප වීම නොසලකා සිටියත් මෙසේ කෝප වීම දරුවාගේ මානසකත්වයට අහිතකර බලපෑම් අති කිරීමට ඉඩ තිබෙනවා. ඒ නිසා මනස සුවපත් දරුවෙත් දකින රිසියෙන් ඔබ සිටිනවා නම් ඔවුන්ගේ කෝප වීම් පාලනය කිරීම ඉතාම වැදගත්.

දරුවා දුකින් සිටින විට..

දරුවන්ගේ හිතේ ඔබට නොකියන හෝ සඟවන ගැටළු බොහෝ විට ඇති. ඒත් ඔබ හිතන්නේ අපි හැම දෙයම ලබා දෙනවා. දරුවන්ට මොන ගැටලුද..? ඒත් දරුවාගේ හැසිරීමේ යම් වෙනසක් හෝ මානසික ගැටුමකින් සිටින බැව් පෙනී ගිය විට ඒ ගැන දරුවා සමග කතා බස් කරන්න.

දරුවා ස්වාධින කරන්න.. 

බාල කාලයේ පටන්ම දරුවා ස්වාධීන චරිතයක් ලෙසින් ගොඩ නගන්න. ඔවුන්ට හැකි දෙය කර  ගැනීමට ඉඩ දෙන්න. නොහැකි දෙයට උදව් වෙන්න.බාල කාලයේ පටන්ම තමන්ගේ කටයුතු තමා විසින්ම කර ගැනීමේ හැකියාව ගොඩ නැගුන විට දරුවා අනාගතයේදී ස්වාධීන චරිතයක් ලෙසින් ගොඩ නැගෙනු ඇත. මේ ස්වාධීන ශක්තිය නිසාම දරුවා සුවපත් මනසකින් යුක්ත පෞරෂ පූර්ණ දරුවෙකු ලෙසින් නිර්මානය වේ.

අභිමානයක් ලබා දෙන්න..

දරුවෙක් යනු පවුලක සිටින කුඩාම සාමාජිකයා බැව් සැබෑය. එහෙත් දරුවාටත් යම් වටිනාකමක් ලබා දෙන්න. ඔවුන් නිග්‍රහයට ලක් කිරීම මෙන්ම නොසලකා හැරීම නිසා මානසිකව දැඩි ලෙසින් පිඩාවට පත් වේ. සමාජය ඉදිරියේ අපහාසයට පත් වීම, පවුල තුළ විතැන් වීම කුඩා දරුවෙකුට දැරීමට අපහසු මානසික තත්වයන් බැව් අමතක නොකරන්න.

අධ්‍යාපන කටයුතුවලට සහය දෙන්න..

ඔබගේ එකම සිහිනය දරුවා රටේ ජනප්‍රිය පාසලකට ඇතුලත් කිරීම විය හැකියි. නමුත් දෙමව්පියන් ලෙෂ ඔබ එතැනින් නිදහස් නැත. දෙමව්පිය සෙවෙන් පටන් ළදරු පාසලට එතැනින් පසුව දිනපතා පාසලට යන දරුවාට දිනපතා පාසලේ පවතින අධ්‍යාපන රටාවේදී යම් යම් අපහසුතාවයන් ඇති විය හැක.

  • විෂය පිලිබඳව..

පාසලේදී දරුවා සෑම විෂයක් වෙනුවෙන්ම එක සමානව දක්ෂතාවයන් නොදක්වන්නට පුලුවනි.ඒ නිසා දරුවාගේ අපහසුතාවයන් ගැන විමසා බලන්න. ඒ වෙනුවෙන් උපකාර වෙන්න. ඉගෙනුම් කටයුතුවලින් ඇති වෙන පීඩනය නිසා දරුවා දැඉි ලෙසින් මානසික පීඩනයට පත් විය හැකියි. ඒ නිසා නිතරමඑ ් ගැන විමසා බැලීමත් ඉතාම වැදගත්.

පංතිය පාසල තුළ අඩන්තේට්ටම්

අද පංතිය පාසල තුළ දරුවන් වෙනුවෙන් විවිධ පීඩාවන් එල්ල වේ. මේවා දරුවාට දරා ගැනීමට අපහසු වෙන අවස්ථාවන්හිදී ඔවුන් පාසල් ගමන පවා ප්‍රතික්ෂෙප කරන අවස්ථාවන් තිබේ. ඒ නිසා නිතරම දරුවා සමග පංතිය. පාසල, මිතුරු සමාගම ගැන සාකච්ඡා කරන්න. එවිට දරුවා වෙතින්ම තමා මුහුණ දෙන අපහසුතාවයන් ගැන ප්‍රකාශ කිරීමට ඉඩ තිබෙනවා.

දවස කළමනාකරනය කිරීමට උදව් වෙන්න..

දරුවාටත් දවසේ විවිධත්වයක් තිබීම වැදගත්. ඒ නිසා විවිධත්වයක් ඇති වෙන ලෙසින් දවස කළමනාකරණය කරමින් දවස ගෙවීමට දරුවාට උපදෙස් ලබා දෙන්න.එකාකාර රටාව දරුවාගේ මනසටත් වෙහෙසක් විය හැකියි. ඒ නිසා දවස අතරේ සතුට ලැබෙන යම් යම් ක්‍රියාකාරකම්, සෙල්ලම් කිරීමට ඉඩක් වගේම කුමන හෝ විනෝදංශයක් වෙනුවෙන්තු ඉඩක් ලබා දෙන්න.එය දරුවාගේ මනස සුවපත් කරන ඔසුවක් තරම් ප්‍රබල විය හැකියි.

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here