- Advertisement -

ත්‍රිපෝෂ සඳහා ආදේශක සකස් කිරීම සහ ත්‍රිපෝෂවලින් රසවත් රෙසිපි

සැමවිටම තම දරුවන්ගේ පෝෂණය ගැන අපේ මව්වරුන් සිටින්නේ කණස්සල්ලෙන්. දරුවාගේ ආහාර වේලේ පෝෂණය වර්ධනයට ප්‍රමාණවත්ද? දරුවා කෙට්ටු වැඩිද ? ක්‍රියාකාරකම් ප්‍රමාද වෙයිද කියන ගැටලු අම්මාගේ හිතේ නිතර නිතර ඇති වෙනවා. දරුවන් වෙනුවෙන් රාජ්‍ය මැදිහත් වීමෙන් ලබා දෙන ත්‍රිපෝෂ ගැන බොහෝ මව්වරුන් විශ්වාසය තබ‍ා සිටින්නේ එය සැබවින්ම දරුවාගේ වර්ධනයට අවශ්‍ය පෝෂණය නොඅඩුව ලබා දෙන ආහාරයක් නිසාමයි. ඒත් එකම ආකාරයට සකසා දීම නිසා දරුවන් ත්‍රිපෝෂ ආහාරයට ගැනීම ප්‍රතික්ෂේප කළ හැකියි. අන්න ඒ නිසාම අද මෙම ලිපිය තුළින් දරුවන්ට ත්‍රිපෝෂ ලබාදීමේදී ඒවා සකස් කර ගත හැකි වෙනස් වෙනස් ආකාරයේ රෙසිපි කිහිපයක් ගැන කතා කරන්නට බලාපොරොත්තු වෙනවා. 

ත‍්‍රිපෝෂ වල බඩ ඉරිඟු, සෝයා බෝංචි, කිරිපිටි අන්තර්ගත වන අතරම අද වෙද්දී ත්‍රිපෝෂ හිඟයක් පැවතුනත් ඒ වෙනුවෙන් ආදේශකයක් සකසා ගැනීමට හැකියාව තිබෙනවා. එහිදී අපිට පහසුවෙන් සපයා ගත හැකි ආදේශක එක් කොට එය සකසා ගත හැකියි. උදාහරණ ලෙස බඩ ඉරිඟු ධාන්‍යයක් නිසා ඒ වෙනුවට සහල්, සෝයා බෝංචි පියලි ඇට ඒ නිසා ඒ වෙනුවට කව්පි/මුං ඇට, කිරි පිටි වෙනුවට  ඕනෑම කිරි පිටි වර්ගයක්/කිරි වැනි ආදේශක යොදා නිවසේදීම එය සකසා ගත හැකියි. 

- Advertisement -

අපේ දරුවන්ට ත‍්‍රිපෝෂ ලබා දිය හැකි ආකාර  

අවුරුද්දට අඩු දරුවන්ට සීනි හා ලුණු ආහාරයට එකතු නොකරන බව සෑම මවක්ම දන්නා තරුණක්. එසේම ත‍්‍රිපෝෂ පිසූ ආහාරයක් නිසා නැවත රත් කලොත් එහි ගුණාත්මකභාවයට හානියක් විය හැකි බවත් සිහි තපා ගත යුතුයි.

ත්‍රිපෝෂ තලප ලෙස

මෙය මාස 6 ට වැඩි දරුවන්ට දිය හැකි ක‍්‍රමයකි. මේ සඳහා උතුරුවා නිවාගත් ජලය හා ත‍්‍රිපෝෂ මිශ‍්‍ර කර සාදාගත හැකියි. නැතහොත් පොල් වතුර/තැඹිලි වතුර එක්කර සතසා ගත හැකියි.

ත්‍රිපෝෂ පළතුරු සමග

මෙයද කුඩා ළදරුවන්ට සුදුසු වේ. මේ සඳහා පැපොල්, කෙසෙල් හෝ අලි පේර භාවිත කල හැකියි. 

සාදා ගැනීමේදී,

පැපොල් කැබැල්ල සූරා මදය භාජනයට දමා ගන්න. එයටම ත‍්‍රිපෝෂ එක්කර හොඳින් මිශ‍්‍ර කරගන්න. අවශ්‍ය නම් උතුරුවා නිවාගත් ජලය ස්වල්පයක් එක් කරන්න. මේ අයුරින්ම කුඩාවට කපා ගත් කෙසෙල් ගෙඩි සමග මිශ‍්‍ර කර හෝ අලි පේර ගෙඩියකින් භාගයක මදය සූරා එයට ත‍්‍රිපෝෂ එක්කර තලපයක් සේ සාාදාගත හැකියි. 

ත්‍රිපෝෂ හබල පෙති සමග

පොඟවා ගත් හබල පෙති සමග ත‍්‍රිපෝෂ එක්කර මිශ‍්‍ර කර සකසා ගත හැකියි. මෙයට රසවත් වීමට පොල් එකතු කරගත හැකියි. 

ත්‍රිපෝෂ අග්ගලා ලෙස

දරුවාට මාස 8, 9 වන විට කැබලි සහිත ආහාර ලබා දෙන නිසාම පොල් එක්කර අග්ගලා සකසා ගැනීමට හැකියි මේ සඳහා,

  • ගාගත් පොල් සමග ත‍්‍රිපෝෂ එක්කර ගුලි සාදාගැනීම
  • ගාගත් පොල් බැදීම/ඩෙසිකේට් කර එයට ත‍්‍රිපෝෂ එක්කර ගුලි කරගැනීමට අවැසි තරමට උතුරුවා නිවාගත් ජලය ස්වල්පයක් කලවම් කර අග්ගලා සාදා ගැනීම. 

මීට අමතරව දරුවා සඳහා සකස් කරගත් පොල් කිරි සහිත කැඳවලට හෝ කිරි හොද්දකට එකතු කර හෝ ත්‍රිපෝෂ ලබාදිය හැකියි. දරුවාට වසරක් සම්පූර්ණ වූ පස් ලුණු හා සීනි අඩංගු දේ සුළු වශයෙන් එක් කිරීම වරදක් නොවන හෙයින්. 

තලප සෑදීමේදී,

  • ඉදුණු කෙසෙල්/පැපොල්/අලිපේර සමග ත‍්‍රිපෝෂ එක්කර ඊට කිරි එකතු කිරීම  
  • මෙම මිශ‍්‍රණයටම බැද කුඩු කරගත් රටකජු කුඩු/කජු කැබලි/තල ඇට එකතු කිරීම 
  • එසේම මෙසේ සකස් කරන තලපයට පිරිසිදු පොල් පැණි/කිතුල් පැණි/හකුරු කුඩා ප‍්‍රමාණයක් එකතු කිරීමද කල හැකියි. 

අග්ගලා සෑදීම

  • ලියා ගත් හකුරු
  • පොල්
  • ත‍්‍රිපෝෂ
  • බැදගත් හෝ බැද නැති තල ඇට

මිශ‍්‍ර කර ගුලි සාදා ගැනීම

  • මේ සඳහා අමතරව රසවත්භාවය සඳහා හකුරු වෙනුවට කිතුල්/පොල් පැණි එකතු කල හැකියි. 
  • එසේම චොකලට් කුඩු කුඩා ප‍්‍රමාණයක් එකතු කිරීමද වෙනස් රසක් ලබාදීමට හේතූ වේ. 
  • බැද කුඩු කරගත් රටකජු, කජු කැබලි එක් කිරීම මගින් රසය මෙන්ම ගුණයද වැඩි කරගත හැකියි. 
  • හකුරු වෙනුවට, කුඩාවට කපාගත් රට ඉඳි ද යෙදිය හැකියි
  • එසේම වේලපු විදිද එකතු කිරීම කල හැකියි. 
  • හබල පෙති එකතු කිරීමේදී ද ඉහත ආකාරයටම එකතු කරගත හැකිවා මෙන්ම රසවත්භාවයද වෙනස් කරගත හැකියි. 
  • බැදපු මුං ඇට කුඩු කර එකතු කිරීමෙන්ද රසවත්භාවයද වෙනස් කරගත හැකියි. 
  • බැදපු මුං ඇට කුඩු කර එකතු කිරීමද රසවත්භාවයට මෙන්ම ගුණාත්මකභාවය වැඩි කිරීමට හේතුවක් වේ. 
  • රට ඉඳි එකතු කිරීමේදී රට ඉඳි ගෙඩි තුනක් පමණ මද උණුසුම් වතුරේ දියකර එකතු කිරීමෙන් තෙතමනයද පවත් ගත හැකියි. 
  • ආමන්ඩ් එකතු කරනවා නම්, එය උකු පොල් කිරි වලින් විනාඩි 3/4 ක් තම්බා ගෙන ඊට ත‍්‍රිපෝෂ හා රට ඉඳි/මුද්දරපලම් එකතු කර රසවත් ලෙස සකසා ගත හැකියි. 

 

විශේෂඥ මතය, අදහස සහ මූලික සටහන:

අයිරාංගනී ගගලගමුව

පවුල් සෞඛ්‍ය සේවා නිළධාරීනි

සෞඛ්‍ය වෛද්‍ය නිලධාරී කාර්යාලය

බුලත්සිංහල

 

 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article