- Advertisement -

ටාගට් තියෙන්න පුළුවන් පිරිමින්ට විතරද?

-

ක්ලාස් ඉවර වෙන්න පැය තුන හතරක්‍ යනවා. එතන මොනවා කරන්නද? එව්චර දුරක් ගිහින් ආයේ ගෙදර ඇවිත් පුතා එක්කන් එන්න යන එක තේරුමක් නැහැ. තෙලුත් නැහැ. මට වැඩ වගයකුත් තියෙනවා.

සුදත්ගේ මේ කතාව ඇහුණු කාන්තිට එක වරම කල්පනා වුණේ තමනුත් ඔහු එක්ක යන්න කලින් දවසේ ඉඳලම සැදී පැහැදී සිටිය බවයි. තමා ඔවුන් සමග එන බව පෙර පවසා තිබුණත් සුදත්ට ඒ පැය තුන හතර ගෙවා ගන්න විදියක් නැතිව විසඳුම් හොයන බව තේරුණ කාන්තිට එක්වරම ඇසට කදුළක් නැගුණේ තමාට සැමියා සමග සුළු මොහොතක් හෝ ගත කරන්න ඇවැසි වුවත් ඔහුට එවැනි අවශ්‍යතාවයක් නොමැති බව හිතුණු නිසාම පමණක් නොවේ. දරුවන් වෙනුවෙන් නිවසටම කොටුව ඔවුන්ගේ වැඩ රාජකාරී අතරේම හිර වුණු ඇයගේ ජීවිතය කිසිදු වටිනාකමක් නැති ජීවිතයක් නේද යන දුක්බර සිතුවිල්ල ක්ෂණයකින් සිතට කාවැදුණු නිසාත්ය. මේ කතාව දුර දිග ගෙන නොයන්න ඇය හිතුවත් එය ඇයට ඉවසුම් නොදුන් කාරණයක් වුණායින් ඇය සුදත්ට බැන වදින්නට පටන් ගත්තේ පසුගිය දින කිහිපයක් පුරාම හිතේ තද කරන් හිටිය තවත් කරුණු ගණනාවකුත් මතක් කරදෙමිනි. 

- Advertisement -

සුදත් දැන් ඔයාට ඔය පැය තුන හතර එළියට ගිහින් මාත් එක්ක කතා කර කර ඉඳලා කෝපි කෝප්යක් බීලා ගෙවාගන්න බැරි තරම් දිග කාලයක්ද? කසාද බැදලා මෙච්චර කාලයක් වෙනවා.. ඔයයි මායි අඩු තරමේ තනියම කෝපි එකක් බොන්න ගිහින් තියෙනවද?

නෑ නෑ මම කිව්වේ ඔයා එක්ක ඉන්න බෑ කියලා නෙවෙයි

ඔව් ඔව් ඔයා කිව්වේ එහෙම නෙවෙයි තමයි. ඒත් මම අහන්නේ මාත් ඉන්නවා නම් ඔයාට ඔය පැය කීපය ගෙවා ගන්න එච්චර අමාරුද කියලා. ඔය වෙලාව ඇතුළත අපි‍ දෙන්නට කරන්න කිසිම දෙයක් නැද්ද ?

වැරදියට තේරුම් ගන්න එපා කාන්ති.. මම එහෙම කිව්වේ තව වැඩ වගයකුත් තියෙන නිසයි. 

වැඩ වැඩ වැඩ… කොච්චරවත් ඔයාට වැඩ. ඒ වැඩ අතරේ නැද්ද වෙලාවක් මම එක්ක ගත කරන්න‍

ඉතිං මම මේ ගෙදරනේ ඉන්නේ.. 

බබෙක් වගේ කතා කරන්න එපා සුදත්.. ගෙදර ඉන්නවා කියන එකයි, තමන්ගේ වයිප් එක්ක නිදහසේ කාලය ගත කරනවා කියන එකයි, ඒක වෙනුවෙන් වෙලාවක් යොදාගන්න කල්පනා කරනවා කියන එකයි, එහෙම දෙයක් හිතේ අහලකටවත් එන්නේ නෑ කියන එකයි එකක් නෙවෙයි. ගොඩක්‍… කරුණාකරලා මම ඔයාට කියන්නේ ඔයාට මාව අවශ්‍ය නැත්නම් මගෙන් අයින් වෙලා යන්න. මට කිසිම දුකක් නෑ.. ඔයා, ඔයාගේ ටාගට්වලට යන්න. ඔයාට ලොකු ඒවා විත‍රනේ…

ඔව්.. මිනිහෙක් වුණාම ටාගට් එකක් තියෙන්න ඕනේ තමයි. 

ආ ඇත්තද? ගෑණියෙක් වුණාම ටාගට් එකක් තියෙන්න ඕනේ නැද්ද එතකොට

කාන්ති, ඔයාට ටාගට් එකක් නෑ කියලා මම මොනවා කරන්නද?

‍හා එහෙමද? 

කාන්තිට එතැනින් එහාට කිසිවක් පවසා ගත නොහැකි වූයේ ඇයට හැඬුුම් ආ නිසාත් පුතා අවදි වී මුළුතැන් ගෙයට පැමිණි නිසාත්ය. කදුළු පිරුණු දෑස සඟවා ගනිමින් පුතුට ගුඩු මෝනිං කියා දරුවා වැලඳ ගත් ඇය දරුවාට නොපෙනෙන්නට කදුළු පිස ගත්තාය. එතැන් පටන් හිතින් තමා සමගම තර්ක කරමින් උදෑසන කෑම සෑදු කාන්ති ගැහැණියකගේ ජීවිතය මේ තරම්ම වේදනාත්මකද යන්න සිතුවා පමණක් නොව ඇයට දියණියක් සිටියා නම් කිසිදු දිනක ඇය විවාපත් නොකරන බවත් තම පුතු විවාපත් වනවා නම් ගැහැණියකගේ වටිනාකම ඔහුගේ සිතට තදින් කා වැද්දවිය යුතු බවත් තරයේ සිතා ගත්තාය.

පවුල් තුළ ඇති වෙන ගැටුම් ගැන කල්පනා කරද්දි වෙලාවකට කාන්තාව ගැන ඇති වෙන අනුකම්පාව වචනයෙන් විස්තර කරන්න බැරි තරම්. දෙන්නෙකුගේ ආදරයේ ප්‍රතිඵලයක් වන දරුවන් වෙනුවෙන් වෙන්වෙන්න වෙන්නෙම ගෙදර අම්මාට. එහි කිසිදු අසාධරණයක් නැතත් ඒ කැප කිරීමේ අගය වටිනාකම නොහදුනන පිරිමියෙක් ළඟ එය අති අසාධාරණ කාරණයක්. ගැහැණියක් දරුවෙකු වැදූ පමණින් තම සියල්ල අත්හැරිය නොයුතුය යන සිතුවිල්ල සමහර ස්වාමියන් තුළ තිබුණත් සමහරුන් තුළ එවැනි අල්ප මාත්‍රයක හැඟීමක් නැහැ. ඔවුන් තමන්ගේ ඉලක්ක කරා යාමේ වරදක් නැතත් තමාට පවුලක් ලෙස තනි නොතනියට සිටින යහපත් දරුවන් ලබා සොදුරු පවුලක් හිමි පුද්ගයෙකු ලෙස ‍ලොව ඉදිරියේ ලබන පැසසුම් සියල්ල හිමි වන්නේ බිරිඳ මවක් ලෙස සිය පවුල තුළ සිදුකරන අසීමිත කැපකිරීම නිසාමය. සැමියෙකු විසින් එය වටහා නොගැනීම ඉතාම ඛේදනීයයි. සැමියෙක්ගේ සාර්ථකත්වය පිටුපස හැමදාම කියන්නා සේ බිරිඳ සිටින බව පිළිගැනීමට ඔයා මොනවද මට කළේ මේ සේරම මගේ මහන්සියෙන් කරගත් ඒවා යැයි තොලේ කටේ නොගෑවී පවසන සෑම සැමියෙක්ම අකමැති වුවත් එය සැමියෙකු අකමැත්තෙන් හෝ විශ්වාස කළ යුත්තකි. දෙදෙනාගේම දරුවන්‍ වෙනුවෙන් වෙන් වෙන කාන්තාව දරුවන් වෙනුවෙන් නිකරුනේ නිවසට වී සිටින්නියක් නොවන බව සැමියෙකු වටහා ගත යුතුය. දරුවන් කියන වගකීම් සමුදාගේ එක් වගකීමක් හෝ මගහැරුණහොත් ඇති වෙන කඩා වැටීම් වෙනුවෙන් ඇය කරන කැපවීම සැමියෙකු වටහා ගත යුතුමය. 

අතීතයේ මෙන් දරුවන් හදා වඩා ගැනීම බිරිඳගේ යුතුකම සහ වගකීම නම් සැමියා කිසිදු අඩුපාඩුවකින් තොරව මුදල් හරි හම්බ කොට සියලු අවශ්‍යතා සැපිරිය යුතුය. බිරිඳ තම යුතුකම් නොපිරිහෙලා ඉටු කරද්දීත් ඇතැම් අවස්ථාවල  මගේ අතේ සල්ලි නෑ මුකුත් කරන්න විදියක් නෑ කියා සැමියාට නිදහස් වීමට අවස්ථාව උදා වන්නේ ඒ කැපකිරීමද බිරිඳක් විසින් සිදුකරන නිසාමය. 

මම ගෙදර වැඩ දරුවන්ගේ වැඩ අඩුපාඩු කරලා නෑනේ.. ඔයා සල්ලි හොයන් එන්න කොහොම හරි… ඔයාගෙනුත් අඩුපාඩු වෙන්න බැහැ.. අපේ බිරින්දෑවරුන් මෙසේ පැවසුවොත් සැමියන් ලෙස ඔවුන් කෙතරම් අසරණ තත්ත්වයට පත් විය හැකිද? සැමියන්ගේ වාසනාවට එවැන්නක් පෙරලා අසන්නට තරම් බිරිදෑවරුන් අකාරුණික වී නැති වුවත් ඉදිරියේදී නම් එයද අනිවාර්යෙන්ම සිදුවන බවට සැක නැත. කෙසේ වුවත් වාසනවාකට මෙන් ගෙදර පොල් ඉවරද වතුරෙන් හෝ රසවත්ව වේල සකසා දෙන ධෛර්යමත් ගැහැණුන් සිටියත් ඇය ඇගයීමට තරම් උසස් මනසක් ඇති පිරිමින් අල්පය. තම බිරිඳට ඇයගේ ටාගට් එකට යන්නට සහය වෙන පිරිමින් අල්පය. තමා තමාගේ ටාගට් කවර් කරගන්නට වෙහෙසෙන අතරේ තම දරුවන් පවුල සුරකින බිරිඳ හෑල්ලු කිරීම ඇය වටිනාකමින් තොර පුද්ගලයෙකු ලෙස ඒත්තු ගැන්වෙන ලෙස හැසිරෙන පිරිමින් තමා ගැන ලැජ්ජා විය යුතුය. ඔබ සැබෑ පිරිමියෙක් නම් දවසකට එක්වරක්වත්  බිරිඳගේ මුහුණට හිනාවක් ගෙන ඒමත් ටාගට් එකක් කරගන්න. 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article