ඔබේ දරුවා සමාජයේ වටිනාකමක් ඇති එහෙම නැත්නම් ස්මාර්ට් දරුවෙකු ලෙසින් හැම දෙනාගේම ආදරය සහ අවදානය දිනා ගන්නවා නම් මව්පියින් ලෙසින් එය ඔබටත් නිහතමානී ආඩම්බරයක්. එහෙමනම් බාල කාලයේ පටන්ම දරුවන් හදා වඩා ගැනීමේදී ඔබ විසින් අවධානය යොමු කළ යුතු කරුනු කාරණා කීපයක් තිබෙනවා.
දරුවා පිරිසිදුව තබන්න…
සාමාන්ය කියමනටත් කියන සේ පිරිසිදු දරුවෙක් සෝදා ඒ වතුර පානය කරන්න පුලුවනි. ජනවහරේ පිරිසිදු බවට ලබා දුන් අලංකාර වාක්ය එයයි. ඉතින් ඔබේ දරුවා ගැනත් සමාජය ඒ අන්දමින් කතා බහ කරනවා නම් සැබැවින්ම එය ඔබ විසින් දරුවාට ලබා දුන් සුවිශේෂී වරප්රසාදයක්. දරුවෙක් පිරිසිදුව තබා ගැනීමට අතිරේකව මුදල් අවශ්ය නැහැ. ඔබ සතු ඇදුම් වලින්ම ඒ වැඩ කොටස ඉටු කරන්න පුලුවනි. තිබෙන ඇඳුම් කීපය වුනත් සෝදා පිරිසිදුව අන්දවන්න. නිතර මුහුණ සෝදා , දත කට මැද පිරිසිදුව තබන්න. එවිට ඔබේ දරුවා ගැන සමාජයේ පිළිගැනීමක් ඇති වෙනවා.
පිළිවෙල…
දරුවෙකුගේ පිළිවෙල බාල කාලයේ පටන්ම ගොඩ නැගිය යුතුයි.එසේ නැත්නම් දරුවා සමග ඔවුන්ගේ අපිලිවෙලත් වර්ධනය වෙනු ඇති. ගත් දෙයක් ඒ තැන තැබීමට, පොත පත පරිස්සමින් පාවිච්චි කරන්න, ආහාර ගැනීමේදී තවත් අයෙකුට අප්රසන්න වන පරිදි කටයුතු නොකිරීම, ආහාර ගැනීමෙන් පසු එතැන පිරිසිදු කිරීම වැනි පුංචි පුංචි වුනත් දරුවාට කළ හැකි කටයුතු ඔවුන් විසින්ම ඉටු කිරීමට ඉඩ දෙන්න. එවිට දරුවා කුඩා කාලයේ පටන්ම යම් පිලිවෙලකට තමන්ගේ වැඩ කටයුතු කිරීමට හුරු පුරුදු වෙනු ඇති.
දරුවන්ටත් විනෝදාංශයක්
අද දවසේ අප විසින් ගෙවන යාන්ත්රික ජීවිතයේදී කොතැනකින් හෝ යම් සතුටක් ලබා ගැනීමට ඉඩක් තිබීම ඉතාම වැදගත්. ඒ නිසා දරුවන්ටත් බාල කාලයේ පටන්ම විනෝදාංශයක් වෙනුවෙන් යොමු වීමට අවසරයක් ලබා දීම ඉතා වැදගත්. අතීතයේදී නම් දරුවන්ට විනෝදාංශ යනු ඔවුන්ගේ ජීවිතයේම කොටසක් වුනා. සරුංගලයක් හදන්න…යවන්න…පොල්කොල, කොස් කොළ සෙල්ලම් බඩු හදන්න..පීනන්න.. කවි කියන්න..වැනි එදිනෙදා ජීවිතයේ බොහෝ දේ වෙනුවෙන් අවසර තිබුනා. නමුත් කාලයත් සමග ඒ වෙනුවෙන් ඉඩහසර නැතැත් දරුවන්ටත් කුමන හෝ ක්රියාකාරකමක යෙදෙන්න ඉඩක් ලබා දීම ඉතා වැදගත්. මල් හදන්න, සූප ශාස්ත්ර , අත්කම්, ගීත ගායනය..වාදනය…නර්තනය වැනි කුමන හෝ විනෝදාංශයක යෙදෙන්න අවසරය තිබෙනවා. ඒ නිසා දෙමව්පියන් විදිහට දරුවාටත් යම් විනදොංශයක යෙදෙන්නට ඉඩ ලබා දීම වැදගත්.
උදව් ඉල්ලන්න
දරුවන් යනු තවමත් ඔබගේ ආදරය වගේම මාර්ගෝපදේශය අවශ්ය පිරිසක්. ඒ නිසා ඔවුන්ට උදව් වෙන්න. දරුවෙක් උදව්වක් ඉල්ලූ විට ‘‘ මට දැන් බැහැ…වැඩ තිබෙනවා යැයි …“ දරුවාගේ ඉල්ලීම ප්රතික්ෂෙප කරන්න එපා. යමෙක් උදව්වක් ඉල්ලන විට ඒ තුළ යම් මනෝවිදයාත්මක පිලිගැනීමක් තිබෙනවා. මට අම්මා හෝ තාත්තා වෙතින් මේ උදව්ව ලබා ගත හැකිය යන විශ්වාස සිතින් එන විට දරුවා පලවා හරින්න එපා. සැබැවින්ම කාර්ය බහුල ජීවිතයේදී දරුවා විසින් ඉල්ලා සිටින උදව්ව ඔබට ඒ අවස්තාවේදී ලබා දීමට නොහැකි බව ඇත්ත. නමුත් ඔබේ වැඩ කටයුතු අවදාන වූ පසුව හෝ දරුවා විසින් ඉල්ලා සිටි උදව්ව ලබා දීමට පොරොන්දු වෙන්න. පොරොන්දු වූ අන්දමින්ම එය ලබා දෙන්න.
උදව් වීම…
දරුවා ඔබේ උදව් ඉල්ලා සිටිනවා වගේම පෙරලා අනිත් අයටත් උදව් කිරීමේ පුරුදු දරුවා තුළ ගොඩ නගන්න.එය එකම කාසියක දෙපැත්තක් විය යුතුය. නැත්නම් දරුවා ඒක පාර්ශවීය වශයෙන් උදව් ඉල්ලන සහ අනුන් මත යැපෙන චරිතයක් ලෙසින් ගොඩ නැගෙනු ඇත. ඒ නිසා උදව් ඉල්ලීම වගේම දරුවාට හැකි සෑම විටම උදව් ලබා දීමටත් පුරුදු වෙන්න. එවිට ඔබේ දරුවාගේ යහපත් ගති පැවැතුම් ගැන සමාජය විසින් කතා බහ කරනු ඇත.
සමාජශීලී වීම…
දරුවන්ගේ කුඩා කාලයේදී කුලෑටි නැති චරිත ලෙසින් සිටියත් කාලයත් සමග ඔවුන් සමාජය සමග ගනුදෙනු කිරීමට අකමැති චරිත බවට පත් වීමේ රටාවක් දැන් ගොඩ නැගී තිබෙනවා. ජංගම දුරකථන සහ අන්තර්ජාල නිසා මේ තත්වය ගොඩ නැගී ඇති බවට අපි චෝදනා කරනවා. ඒත් සමාජය සමග ගනු දෙනු නොමැති හුදෙකලාගත චරිතයක් ලෙසින් ජීවත්වීම අනුමත කිරීමට නොහැකි අතර එය ප්රායෝගික නොවේ. ඒ නිසා කොතරම් විද්යුත් මාධ්ය සමග ගණුදෙනු සිදු වුනත් නිවසට නෑ හිත මිතුරෙක් පැමිණි විට ඔවුන් සමග සුහද පිලිසදරක යෙදෙන්නට දරුවාටත් ඇරයුම් කරන්න. මේ තත්වය නොමැති නිසා අද පරම්පරාව සහ ලේ ඥාතීන් අතර පවා සම්බන්ධතාවයන් නොමැති පිරිසක් ලෙසින් නිර්මානය වෙන බවට අපි අනතුරු දැනුම්දීම් කළත් ඒ තත්වයෙන් මිදෙන්නට අවශ්ය කටයුතු සැලසුම් කිරීමට තවමත් ප්රමාද වී සිටිනවා. නමුත් ඔබේ දරුවාට සමාජය සමග කටයුතු කිරීමේ වැදගත්කම ක්රියාවෙන් අවබෝධ කර දුන් විට ඔවුන් වෙනුවෙන්ද සමාජයේ වටිනාකම් ගොඩ නැගීම අනිවාර්යෙන්ම සිදු වෙන්නකි.
සවන්දීමට පුරුදු කරන්න…
බොහෝ දරුවන් තුළ අද සවන්දීමේ පුරුදු සම්පූර්නයෙන්ම ගිලිහී ගොස් ඇත. කොටින්ම ඔවුන් සවන්දීම ගැන කථා කරන්නේත් ඉතාම අප්රසන්න ලෙසයි. ‘‘ මම මේ කණෙන් අහලා අනිත් කනින් පිට කරනවා..ඔවුන් උජාරුවෙන් එලෙස කිව්වත් සවන්දීම නිසා ඔවුන්ගේ ජීවිතයේ මානසික ඒකාග්රතාවය ගොඩ නැගෙනවා පමණක් නොව දරුවා අවධානයකින් සවන්දීම සිදු කරන විට දරුවා මුල් කර ගෙනත් සමාජයේ වටිනාකම් ගොඩ නැගෙනු ඇත.
ධනාත්මකව සිතන්න..
දරුවන්ටත් බාල කාලයේ පටන්ම ධනාත්මකව සිතන්න පුරුදු කරන්න. ඔව්..එය මට කළ හැකියි..යන විශ්වාසයෙන් ජීවිතයට මුහුණ දීමට හුරු කරන්න. එවැනි දරුවන් සමග ගනු දෙණු කිරීම සමාජයටත් ඉතා පහසු අතර එවැනි දරුවන් ගැනත් සමාජය බෙහෙවින් ප්රශංසාවෙන් කතා බහ කිරීම අනිවාර්යෙන්ම සිදු වෙන්නකි.
ඒ නිසා ඔබේ දරුවා දෙස බලා අනේ ඔයාගේ පුතා හරිම Smart කියන දිනයකදී එහි නිහතමානී අයිතිකරු ඔබ නොවේද..?
