බොහෝ අවස්ථා වලදී දරුවන්ට ගෙදර වැඩ ලෙස ලැබෙන පැවරුම් දෙමාපියන් විසින් කරන අයුරු අප දැක තිබෙනවා. දරුවෙකුට ගෙදර වැඩක් ලැබුණ විට හැකි හැම ආකාරයකින්ම එය කල් දැමීමට දරුවා උත්සාහ ගන්නවා මෙසේ පැවරුම භාරදිය යුතු දිනය ක්‍රමයෙන් ඈත් වේ. අවසානයේ මව හෝ පියා පැවරුම කරන තත්වයට පත්වේ. මෙය සාධාරණද?
පහත කරුණු අනුව පැවරුම කලින් පටන්ගෙන කලින් අවසන් කිරීමට දරුවාට උපදෙස් දීමට දෙමාපියන්ට හැක.
- කලින් පටන්ගන්න.
දරුවා පැවරුමක් සමඟ ගෙදර ආ විට එහි කාලරාමුව කල් තියා සකසන්න. අවසන් දිනිය කැලන්ඩරයේ ලියන්න. පැවරුම කොටස් වලට කඩන්න. සෑම කටයුත්තකටම අවසන් දිනයක් තීරණය කරන්න. උදාහරණ ලෙස, ග්‍රහලෝක නවය පිලිබඳව පැවරුම ඇති විටදී එය කරුණු පිරික්සීම, කරුණු එකතුකිරීම, කියවීම, සැලැස්ම ලිවීම ආදී වශයෙන් කඩාගන්න. පසුව එක් එක් කාර්යයට නියමිත දිනයක් වෙන් කරන්න.ලිවීමට වැඩි කාලයක් දීමට සැලකිලිමත් වන්න.
- නියමිත දිනයට සියලු වැඩ නිමවන්න
පැවරුමෙහි ප්‍රගතියක් ඇත්දැයි බැලීමට හොඳම ක්‍රමය එය පිරික්සීමයි. දෙමාපියන් නිති පිරික්සා දරුවාට උපදෙස් දිය හැක. උදහරණ ලෙස, කරුනු පිරික්සන විට දරුවාට කරුනු සොයා ගත හැකි ස්ථාන පෙන්වා දීම, පුස්තකාලයට ගෙනයාම ආදිය කල හැකිය. දරුවා එය මගහරීනම් ඔහුව දිරිමත් කරන්න.
- වික්ෂේපවීම් නවත්වන්න
අද සමාජයේ සමාජ වෙබ් අඩවි, වීඩියෝ ක්‍රීඩා, රූපවාහිනි වැනි වික්ෂිප්තවීම් එමටයි. දරුවා තම ක්‍රියාකාරකමෙහි යෙදෙන විට රූපවාහිනියේ හඬ අඩු කරමින් ඔහුට ඉගෙනීමට වටපිටාවක් තනන්න.
- සම්පත් පරිහරනයේදී උදව් වන්න.
දෙමාපියන්ට තම දරුවාගේ පැවරුම් සම්පත් ඒකරාශී කිරීමට හැකි අවස්ථාද ඇත. උදාහරන ලෙස, කතුරු, පෑන්-පැන්සල් වැනි දේ දරුවාට ලබාදීමට කටයුතු කරන්න.
- උදව්වට සිටින්න
දරුවා විශාල පැවරුමක් ලැබුනු විට දුකට පත්වන හේතුව තේරුම්ගත හැක. සමහරවිට ඔවුන්ට දෙමාපියන්ගේ උදව් අවැසි වේ. නිතිමතින් දරුවාගේ වැඩ වලට උදව් වීම හා කැමත්ත පෙන්වන්න. නමුත් දෙමාපියන් ඇත්තේ උදව් කිරීමට මිස පැවරුම කිරීමට නොවේ.
- පැවරුම නොකිරීම ගැන දැඩිව සිටින්න
සමහර දරුවන් තම පැවරුම් කර දෙන මෙන් දෙමාපියන්ගෙන් ඉල්ලයි. ඔවුන්ට උදව් පමණක් ලබා දීමට දෙමාපියන් දැඩි විය යුතුය. දරුවා තනිව වැඩ කිරීමට ඉඩ දිය යුතුය.
- ගුරුවරයාට කතාකරන්න.
ගුරුවරයාට පැවරුම කරන්නේ කෙසේද යන්න උපදෙස් දිය හැකි අතර, පැවරුමේ අවශ්‍යතාද කිව හැක. අදාළ ඉඟි ලැබීම තුලින් පැවරුම සාර්ථකව අවසන් කල හැක.
පැවරුමේ අවසන් අදියරේදී එයින් ඉවත් වීමට දෙමාපියන් වගබලා ගත යුතුය. නැතහොත් දෙමාපියන් දරුවාව අවතක්සේරු කිරීමට පටන් ගනී. දෙමාපියන් වැඩ කලහොත් දරුවා උසස් සාමර්ථ ලබා ගනිනු ඇත. නමුත් දරුවන් ඉගෙන ගනීද, එමගින් අනාගතයේදී ප්‍රතිලාබ ලබයිද? නැත. දරුවා තමන්ම පැවරුම කල විට ඔවුන් කුසලතව ලබනු ඇත.
පැවරුම් හා ගෙදරවැඩ කිරීමෙන් ප්‍රතිලබ බොහෝය. එම නිසාම ගුරුවරුන් හා පාසල් ගෙදරවැඩ කිරීම අගයයි. දෙමාපියන් ගෙදරවැඩ අගය නොකලහොත් දරුවන්ද එසේ කරනු ඇත. පහත ඇත්තේ ගෙදරවැඩවල ප්‍රතිලාබයන්ය.
ගෙදරවැඩ දවසේ කල දේ මෙනෙහි කරයි
ආවර්ජනයෙන් ඉගෙනීම හා ක්‍රියාවෙන් ඉගෙනීම වශයෙන් ඉගෙනීම ආකාර දෙකකි. ක්‍රියාවෙන් ඉගෙනීම වඩා කල් මතකයේ රැඳේ. ගෙදරවැව කිරීම එම උගත් දේ යෙදීමට මඟකි. “ක්‍රියාවේ යෙදීම පරිපූර්ණ කරයි”. ක්‍රියාව, තාර්කික චින්තනය හා ගණිතමය චින්තනය වර්ධනය කරයි.
ස්වයං-හික්මීම ඇති කිරීමට
වැඩක් අවසන් කිරීමට අමතරව, සංවිධානය කිරීම, ඒකරාශී කිරීම හා කාල කලමනාකරණය වැනි කුසලතා වැඩීමට ගෙදරවැඩ කිරීම ඉවහල් වේ. මෙමඟින් සවයං-හික්මීම ඇතිවේ.
ගෙදරවැඩ කිරීම ආකර්ශනීය කරන්න
බොහෝ දරුවන් ගෙදරවැඩ කිරීම වෙනුවට රූපවහිනී නැරඹීමට කැමතිය. නමුත් දරුවා ගෙඩරවැඩ කිරීමට නැඹුරුකිරීමට දෙමාපියන් වගබලා ගත යුතුය. තෑගි බෝග ලබා දීම වැනි දේ මඟින් අධ්‍යාපනයට කැමත්ත ඇති කල හැක. මෙමඟින් ඔවුන් පාසලේදී උගත් දේ මෙනෙහි කල හැකිය.
දෙමාපියන් තම දරුවාගේ පාඩම් වටපිටාව ආලෝකමත්ව, ලිපිද්‍රව්‍ය හා පහසු ඉඳුම් හිටුම් සහිත්ව ඇත්දැයි තහවුරු කල යුතුයි. දුරකතන්, රූපවාහිනී වැනි දේ ඉවත් කරන්න. මුලදී පැවරුමේ අවශ්යතාව දරුවාට කියා දෙන්න. විටින් විට ප්‍රගතිය විමසන්න. මෙවන් සහයෝගයක් මත දරුවා තුල ගෙදරවැඩ අගය කරනා පරිසරයක් ගොඩනැගෙනු ඇත. මෙහි ප්‍රතිලාබ සඳහන් කල යුතු නැත!
