ඩිජිටල් උපාංග කෙරෙහි දරුවන්ගේ ඇති ඇබ්බැහි වීම, වෛද්‍ය වෘත්තිකයන් හඳුන්වන්නේ “පරිගණක දෘෂ්ටි සහලක්ෂණය” (Computer Vision Syndrome) යනුවෙනි. මෙය දරුවන්ගේ ඇස්වලට කෙතරම් අහිතකර ද?
මීට දශක කිහිපයකට පමණ පෙර, රූපවාහිනිය පමණට වඩා නැරඹීමෙන් සහ ඊට සමීපව වැඩි වේලාවක් රැඳී සිටීමෙන් ඇතිවන ප්‍රතිවිපාක පිළිබඳ දෙමාපියන් දරුවන්ව දැනුවත් කලා මතකද? රූපවාහිනියෙන් සහ පරිගණයකයෙන් ඈත් වීම අද පරපුරේ දරුවන්ට දුෂ්කර කාර්යයක් වී ඇත. මෙයට හේතුව වන්නේ චිත්‍රපට , ටෙලි නාට්‍ය නැරඹීම , වීඩියෝ ක්‍රීඩා වල නිරත වීම මෙන්ම ගෙදර වැඩටත් “ඩිජිටල් තිරය” භාවිතා කිරීමයි.
පරිසරය ට එරෙහිව ඩිජිටල් තිරය
පරිගණකය දිගු කාලයක් භාවිතා කිරීම, අවිදුර දෘෂ්ටිකත්වය හෝ මයෝපියාව හෙවත් භ්‍රෂ්ට දෘෂ්ටිය ඇති වීමට හේතුකාරක වන බව බොහෝ වෛද්‍ය ඉගැන්වීම් වල පෙන්වා දී ඇත. අක්ෂි ගැටලු සහ ඩිජිටල් උපාංග අතර ඇති සම්බන්ධය, දිගු කාලීන පරිගණකය භාවිතය නොවන බව මෙල්බන් නුවර වෙසෙන දෘෂ්ටිමිතික විශේෂඥ ටිම් ෆ්‍රික් ගේ මතයයි. මොහු පවසනුයේ, බොහෝ වේලාවක් නිවෙස් තුල ගත කිරීම හේතුවෙන් අක්ෂි සෞඛ්‍යයට අහිතකර බලපෑමක් ඇතිවන බවයි.
ඩිජිටල් තිරය සමඟ වැඩි කාලයක් ගත කිරීම, එළි මහනේ හෝ පරිසරයට සමීපව ගත කරන කාලය අඩුවීමට හේතුවක් වේ. දරුවන් වැඩි කාලයක් එළි මහනේ ගත කිරීම, මයෝපියාව ඇති වීමේ ප්‍රවණතාව අඩු කරයි.
එක්සත් රාජධානියේ සිදු කල සමීක්ෂණයකට අනුව, එළිමහනේ සෙල්ලම් කරන අවුරුදු 8-9ත් අතර ළමයින්ට , අවුරුදු 15 වන විට අවිදුර දෘෂ්ටිකත්වය ඇති වීමේ ප්‍රවණතාවය අඩකින් අඩුවේ. සිංගප්පූරුවේ සිදු කරන ලද සමීක්ෂණයකින් හෙළිදරව් වී ඇත්තේ මයෝපියාවෙන් පෙළෙන 90% පමණ වැඩිහිටියන්ගෙන් විනාඩි 30ක් හෝ ඊට අඩුවෙන් එළි මහනේ කාලය ගත කරන බවයි. ඒ අතරම, ඕස්ට්‍රේලියාවේ එළිමහනේ පැය 3ක් හෝ ඊට වැඩියෙන් කාලය ගත කරන මයෝපියාවෙන් පෙළෙන්නන් සිටින්නේ 10% පමණි.
තවදුරටත් ෆ්‍රික් සඳහන් කරන්නේ සමස්ත නීරොගී සෞඛ්‍යයක් සඳහා දරුවන් දිනපතා එළිමහනේ සෙල්ලම් කිරීම ඉතා වැදගත් බවය. ඔවුන් පරිගණකය භාවිතා කරන්නේ නම්, නිතර කෙටි කාලීන විවේක ලබා ගත යුතු වනාතර කාමරය තුල මනා ආලෝකයක් තිබේදැයි සලකා බැලිය යුතුවේ.
නිල් ආලෝකයට එරෙහිව LED
ළමයින්ගේ අක්ෂි කෙරෙහි ජංගම දුරකතන, රූපවාහිනි සහ පරිගණක තිර වලින් නිකුත් වන ආලෝකය යහපත් ද අයහපත් ද යන්න තවමත් කිසිවකු නිශ්චිත නිගමනයකට එළඹී නැත. දිගු කාලීනව ආලෝකයට ආවරණය වීමෙන් දෘෂ්ටි විතානයට හානි සිදු විය හැකි බව 2013 දී ස්පාඤ්ඤයේ දි කල අධ්‍යයනයකින් හෙළිවී ඇත.
දරුවන් කුඩා කල පටන් ඩිජිටල් උපාංග සමඟ සමීප වීමත්, මිනිසුන්ගේ ආයු අපේක්ෂාව දීර්ඝ වීමත් හේතුවෙන් අක්ෂි ආබාධ බරපතළ වන බව මෙම සමීක්ෂණයෙන් අනාවරණය කර ඇත. මෙම පර්යේෂණයට අනුව, ඇස නිර්මාණය වී ඇත්තේ ආලෝකය දෙස කෙලින් බැලීමට නොව, ආලෝකය භාවිතයෙන් බැලීමටය.
නිතර ඇස පියවීම සහ අධික විටමින් ඇ හා ප්‍රතිඔක්සිකාරක අඩංගු අහාර වේල් අනුභව කිරීම මනා අක්ෂි සෞඛ්‍ය තත්ත්වයක් පවත්වා ගැනීමට මෙන්ම, ආලෝකයේ අහිතකර බලපෑම අවම කර ගැනීමට ඉවහල් වන බව විද්‍යාඥයින් පවසයි.
දරුවන්ගේ ඩිජිටල් තිර කාල භාවිතය සඳහා නිර්දේශ
අවුරුදු 2 හෝ ඊට අඩු කුඩා දරුවන් පරිගණක හා රූපවාහිනි කාලය අවම කර ගත යුතු ය.
පෙර පාසල් දරුවන් රූපවාහිනිය නැරඹිය යුත්තේ දිනකට පැයක් පමණි. පරිගණකයෙන් වැළකී සිටීම හෝ එහි ස්වල්ප වේලාවක් ගත කිරීම හිතකරය.
අවු 9 හෝ ඊට වැඩි දරුවන් හට දිනකට පැය 1.5-2 ක රූපවාහිනි/පරිගණක කාලයක් ලැබිය යුතු වේ.
පරිගණකයත් සමඟ ගත කරන සෑම විනාඩි 20 කට වරක්ම, අඩි 20ක් ඈතින් තිබෙන වස්තුවක් දෙස තප්පර 20ක් ඇස යොමු කල යුතු බව අක්ෂි සෞඛ්‍ය විශේෂඥයින් නිර්දේශ කරයි.
Image Credit: ibtimes.co.uk
