අලුත් නංගියා හෝ මල්ලියා පිළිගැනීමට ඔබේ වැඩිමහල් දරුවා සූදානම්ද?

පවුලට අලුත් සාමාජිකයෙකු එකතු වීමේදි, ඔබේ දරුවාව ඒ සඳහා සූදානම් කර තැබීමේ උපදෙස්

පවුලට අලුත් සාමාජිකයෙකු එකතු වීමේදි, ඔබේ දරුවාව ඒ සඳහා සූදානම් කර තැබීමේ උපදෙස්.

ගර්භණී කාලය පුරාවට තම වැඩිහිටි දරුවාව, කුස තුල සිටින නව සාමාජිකයා සමඟ සම්බන්ධ කර තබා ගැනීමට උත්සාහ ගන්න. දරුවා කුමක් කරන්නේද, ඔහුට\ඇයට කුමක් හැඟෙන්නේද යනාදිය පිළිබඳව වැඩිමහල් දරුවා සමඟ කතා කරන්න. ඔබ බිළිඳාට මවු කිරි දෙන අවස්ථාවේදි, දරුවාට පියා සමඟ කාලය ගත කරන ලෙස දිරිමත් කරන්න. පහත සඳහන් ක්‍රම අනුගමනය කිරීමෙන් දරුවාත්, බිළිඳාත් අතර සහෝදර සම්බන්ධතාවය වර්ධනය වේ.

නව සාමාජිකයාව, අපේ බබා හෝ අපේ නංගි හෝ මල්ලි ලෙස හඳුන්වා දෙන්න.
ළඳරුවන් පිළිබඳ කියවෙන කතන්දර දරුවාට කියා දෙන්න. ඔබේ වෛද්‍යවරයා ඊළඟට හමුවන අවස්ථාවේ , ඔබේ දරුවාට කුස තිල සිටින බිළිඳගේ හෘද ස්පන්දනය ඇසීමට සලස්වන්න. ළඳරුවාගේ කාමරය සැරසීම සඳහා ඔබේ දරුවාගේ උපකාරය ලබා ගන්න. බබාට දැමීමට සුදුසු නම් පිළිබඳව දරුවාගේ යෝජනා විමසන්න. රෝහලට ගෙන යා යුතු බෑගය පවුලේ සියල්ලන්ම එකතු වී සකස් කර ගන්න.

පවුල තුල දරුවාට ඇති වැදගත්කම පිළිබඳ අවධාරණය කරන්න.

අලුත් සාමාජිකයාගේ පැමිණීම නිස දරුවාට පවුලේ පෙර තිබූ අවධානය මොහොතකින් නැතිවී යා හැක. මෙය ඊර්ෂ්‍යාව, කේන්තිය හා නොසැලකිල්ලකට ලක්වූ හැඟිම් ඇතිවීම සඳහා මුල පිරිය හැක. දෙමාපියන් විසින් ඔවුන්ගේ වැඩිහිටි දරුවා, හැකියාවෙන් පිරිපුන්, වගකීමක් දැරිය හැකි හොඳ දරුවකු ලෙස හැඟෙන්නට සැලැස්විය යුතු වේ. ඔවුන්ගෙන් පවුලට ඇති වැදගත්කම ගැන අවධාරණය කරන්න. “අමාන්, ඔයාට තනියෙන් පුලුවන් මේස් කුට්ටම ගලවල පැත්තකින් තියන්න” හෝ “ජොනී, ඔයා කුස්සියේ වැඩට අම්මට ගොඩක් උදව් වෙනවා” වැනි කියමන්, දරුවාට පවුලේ වැඩිහිටි සාමාජිකයා ලෙස ඇති වගකීම විදහා පායි. පවුල් සංස්ථාවක, සියලු සාමාජිකයින් එක සේ වැදගත් වන්නේ කෙසේද යන්න සඳහන් කරන්න.

 හැඟීම් ප්‍රකාශ කිරීම දිරිමත් කරන්න.
ගර්භණී කාලය පුරාවටම වැඩිමහල් දරුවා සමඟ ඇති කරගන්නා සන්නිවේදනයේ මාර්ග විවෘතව තබන්න. හැඟීම් පිළිබඳ සාකච්ඡා කිරීම් දිරිමත් කර ඊට අනුකම්පා සහගතව ප්‍රතිචාර දක්වන්න. ඔබ ඔවුන්ට සම සේ ආදරය කරන බව පවසා දරුවාගේ වරිනාකම අගයන්න. සෑම දිනකම දරුවා සමඟ වෙනම කාලයක් ගත කරන්න.

දරු උපතට කලින් අවශ්‍ය පුහුණු වීම් සම්පූර්ණ කරන්න.

වැසිකිළි භාවිතය, ඇඳුම් ඇඳීම, දත් මැදීම, ආදී එදිනෙදා කටයුතු ළඳරුවා ඉපදීමට පෙරාතුව පුහුණු කල යුතුය. වැඩිමහල් දරුවාට මෙම නව හැකියාවන් වලට හැඩ ගැසීමට යම් කාලයක් ගත වන හෙයින් දෙමාපියන් ඒ පිළිබඳව නිතරම සොයා බලා ඔවුන්ට උදව් කල යුතු වේ.

සුරක්ෂිතභාවය දිරිමත් කිරීම.
සහෝදර බල අරගලය මඟ හරවා ගන්න. ගැටුම් අවම කර ගන්න. පවුලේ නව සාමාජිකයාගේ පැමිණීමෙන් පසු වැඩිමහල් දරුවාගේ සුරක්ෂිත භාවය තහවුරු වන සේ කායික හා චිත්තවේගි සෙනෙහස වැඩියෙන් පෙන්නුම් කරන්න.

දරුවාගේ අනන්‍යතාවය වැදගත් කොට සලකන්න.
ඔහුගේ/ඇයගේ කුඩා කාලයේ වීඩියෝ පට හා පින්තූර පෙන්වා දරුවාගේ සුන්දර ළඳරු අවධිය මතක් කර දෙන්න. බිළිඳෙකු ලෙස සිටි දා පටන් අද වන තෙක් දරුවා අසිරිමත් හා සුවිශේෂි ලෙස වැඩී ඇති අයුරු බෙද හදා ගන්න.

පන්ති වලට සහභාගි වන්න.
වැඩිමහල් දරුවන් හට , පවුලට එකතු වන නව සාමාජිකයා හසුරුවන ආකාරය කියා දෙන පන්ති පැවැත්වේ. මෙයින් බිළිඳා මෙලොවට බිහි වන්නේ කෙසේද යන්න හා ඔවුන්ට තිබෙන ගැටලු හා ප්‍රශ්න පිළිබඳව සාකච්ඡා කිරීමට ඉඩ ප්‍රස්ථාවක් සලසා දීම සිදු කරනු ලැබේ. දෙමාපියන්ට මෙම කරුණු, නිවසේදි සාකච්ඡා කිරීම වඩා සුදුසු යැයි හැඟෙන්නේ නම් අලුත උපන් ළඳරුවා දිවා මෙන්ම රාත්‍රී කාලයේ හැඬීමට ඉඩ අති බව පැවසීමට වග බලා ගත යුතු අතර කුඩා දරුවාට සෙල්ලම් කිරීමට ඔබ වැනි වැඩිමහල් අයියා හෝ අක්කා කෙනෙකු සිටින බව දැනගත් විට මෙය වෙනස් විය හැකි බවත් දන්වන්න.

දරු උපතේදි වැඩිමහල් දරුවාවාගේ තත්ත්වය.
අලුත් සහෝදරයා හෝ සහෝදරිය ඉපදීමට සිටින අවස්ථාවේදි, ඔවුන්ගේ පියා හෝ වෙන යම් භාරකාරයෙක් ඔවුන්ව බලා ගනීවි යන්න එම වැඩිමහල් දරුවාට තේරුම් කර දීමට වග බලා ගත යුතු වේ.

දරු උපත සිදුවන ක්‍රියාවලියේදි දරුවන්ව සම්බන්ධ කර ගන්න.
දරු උපත සිදුවන මොහොතේදි, වැඩි මහල් දරුවන්ව එම කාමරයේම රඳවා ගන්නවාද යන්න පිළිබඳව දෙමාපියන්ට තීරණයක් ගත හැක. වැඩිමහල් දරුවාගේ වයස අනුව සෙල්ලම්බඩු කිහිපයක්, පොත් පත් හා ඔවුන් කැමති අනෙකුත් දේවල් කාමරයේ තබා ගැනීමෙන් දරුවාව උද්යෝගිමත්ව තබා ගත හැක. දරු උපත සිදුවන මොහොතේ, ඔහුව/ඇයව මවගේ හිස අසලින් සිටින සේ තබා ගත හැකි අතර මෙමඟින් දරුවාට, තමා දරු උපත් ක්‍රියාවලියට සම්බන්ධ වූයේ යැයි හැඟිමක් ඇතිවිය හැක.
අනපේක්ෂිත අවස්ථාවන් හීදි දරුවාව එතනින් ඉවත් කර ගැනීම සඳහා ඔහු\ඇය සමඟ පවුලේ සාමාජිකයෙකු හෝ මිතුරෙකු ලඟ තබා ගත යුතු වේ. දරුවන්ට දරු උපත් ක්‍රියාවලිය පිළිබඳ මනා අවබෝධයක් ලබා දීම සඳහා දෙමාපියන් වශයෙන් ඔබට ඔවුන්ට “Birth Process” හා “Gentle Birth Choices” වැනි වීඩියෝ පට නැරඹීමට සැලැස්විය හැකිය.

ළඳරුවා උපන් විගසම දරුවන්ව ඔවුන්ගේ අලුත් සහෝදරයා හෝ සහෝදරිය මුණ ගැස් වීම දිරිමත් කරන්න.
පවුලේ අලුත් සාමාජිකයා බැලීමට වැඩිමහල් දරුවා පැමිණෙන විට ඔහුව/ඇයව විශේෂ කොට සලකන්න. දරුවාගේ වයස අනුව ඔහුව\ඇයව මව අසලින් ඉඳ ගැනීමට සලස්වා අලුත උපන් බිළිඳාව රඳවා ගැනීමට ඉඩ දෙන්න. වැඩිමහල් දරුවා අලුත උපන් ළඳරුවාව සෙනෙහසින් තුරුල් කර තබා ගැනීම, සහෝදර බැඳීමේ ක්‍රියාවලියට උපකාරි වේ.

“අයියා” හෝ “අක්කා” හට තෑගි භෝග ලබා දීම දිරිමත් කරන්න.
නව සාමාජිකයෙකු එකතු වීමේ ප්‍රීතිය සැමරීම වෙනුවෙන් පවුලේ වැඩිමහල් දරුවන් වෙත තෑගි භෝග ලබා දීම සඳහා ලඟම මිතුරන් හෝ පවුලේ හිතවතුගෙන් ඉල්ලීමක් කල හැක. මෙය දරුවා කෙරෙහි ධනාත්මක බලපෑමක් ඇති කරනු ඇත.
Image Credit: medicalcenterarlington.com

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here