අධ්‍යාපනික මෘදුකාංග, ගුරුවරුන් හා පෙල පොත් වලට ආදේශකයක් වේද?

අධ්‍යාපනික මෘදුකාංග, ගුරුවරුන් හා පෙල පොත් වලට ආදේශකයක් වේද?

කලකට ඉහතදී, පංති කාමරය තුලදී ගුරුවරයා විසින් ශිෂ්‍යයාට මූලික දැනුම ලබා දෙන ලදී. නමුත් කෙමෙන් කෙමෙන්, දැන් මෙම දැනුම සැපයීමේ කර්තව්‍යය සඳහා මෘදුකාංග (Apps) විශාල දායකත්වයක් සපයයි.

වර්තමානයේ දැනුම ලබා ගැනීමේ ප්‍රධාන මෙන්ම පහසු මූලාශ්‍රයක් බවට මෘදුකාංක පත්ව ඇත.
Instructure යන අධ්‍යාපන-තාක්ෂණ සමාගමේ ජුලියන් රිඩන් මහතාට අනුව, මෘදුකාංග, ශිෂ්‍යයින් ප්‍රමුඛ කරගත් ඉගෙනුම් ක්‍රමයකි. මෙහිදී, ගුරුවරයා ශිෂ්‍යයාගේ ස්වයං හැකියාවෙන් කල යුතු අභ්‍යාස සහ පැවරුම් පංතිය වෙත පවරනු ලැබේ.

ලොව පවතින නවීන තාක්ෂණයත් සමඟ යාවත් කාලීන වීමට, සෑම ගුරුවරයෙකුට කාලය මිඩංගු කල නොහැකිය. නමුත් මෘදුකාංගයක් යනු විශේෂ
කාර්යභාරයන් සඳහා නිර්මාණය කර ඇති සරල වැඩ සටහනකි. මෙය භාවිතා කිරීම ඉතා පහසු වන අතර ඕනෑම කෙනෙකුට තනියෙන් මේ සම්බන්ධව හැදෑරිය හැක.
Wanganui Park විද්‍යාලයේ චිත්‍ර හා මාධ්‍ය ගුරුවරයෙකු වන රික් කොනස් ට අනුව මෘදුකාංග යාවත් කාලීන වන අතර පාසල් අභ්‍යාස පොත් වල විෂයන්වල අන්තර්ගතයන් ස්ථාවරව පවතී. මෘදුකාංග දැනුමෙන් අනූන මූලාශ්‍රයක් වෙයි. මීට හේතුව ඒ මඟින් වීඩියෝ දර්ශන සහ අනෙකුත් වෙබ් අඩවි සඳහා මාර්ගෝපදේශයින් සැපයීමයි. තවද මෘදුකාංග, පාසල් අභ්‍යාස පොත් වලට සාපේක්ෂව මිලෙන් අඩු වේ. සමහර මෘදුකාංග වල අන්තර්ගතයන් යෝග්‍ය ලෙස යාවත් කාලීන කිරීම සඳහා ඔබේ සිතැඟි පරිදි ඒවා පාලනය කල හැක.

කොනස් මහතා නිතරම iTunesU හා Schoology වැනි අධ්‍යාපනික වෙබ් අඩවි වලින් තමාට අවශ්‍ය මෘදුකාංග තෝරා ගනියි. ඔහුගේ ශිෂ්‍යයින් තමන්ගේම පොත් සහ චිත්‍රපට නිර්මාණය කිරීම සඳහා iMovie හා iBook Author යන මෘදුකාංග යොදා ගනියි.

Apple ආයතනයේ නිෂ්පාදනයක් වන iTunesU ලෝක ව්‍යාප්ත අධ්‍යාපනික ආයතනයන් විසින් ලබා දෙන විෂය අන්තර්ගතයින් සහිත මෘදුකාංග රැසකට ප්‍රවේශය ලබා දේ. මෙම මෘදුකාංග සමහරක් මිලදී ගත යුතු වන අතර නොමිලේද ලබා ගත හැකි වේ.
Samsung සමාගම විසින් නිර්මාණය කරන ලද Learning Hub යනු අධ්‍යාපනික ආධාර සපයන තවත් අනර්ඝ මූලාශ්‍රයකි. ලොව පුරා ව්‍යාප්ත පිළිගත් පොත් ප්‍රකාශකයින්ගේ ඉගෙනුම් මාර්ගෝපදේශ, වැඩ පොත්, අච්චු පොත්, සහ විචිත්‍රාංගවලින් සමන්විත මූලාශ්‍ර වලින් මෙය සමන්විත වේ.

අන්තර්ජාලය සමඟ සම්බන්ධ වී වැඩ කරනවාට වඩා, ශිෂ්‍යයින් මෘදුකාංග භාවිතායෙන් ඉගෙනුම් කටයුතු වල නිරත වීම කෝනර් මහතා අනුමත කරයි. ඔහුගේ මතයට අනුව මෙම ක්‍රමය මගින් ශිෂ්‍යයාගේ හැසිරිම් රටාව මනාව අධ්‍යයනය කල හැකි වේ. අන්තර්ජාලයේ සැරිසරන ශිෂ්‍යයාගේ මනස සීඝ්‍රයෙන් වෙන දිශාවන්වලට යොමු වෙයි. නමුත් මෘදුකාංග තුලින් දරුවාගේ මානසික ඒකාග්‍රතාවය ඒකාකාරිව පවත්වා ගත හැකි අතර, ඔවුන්ගේ දැනුම් මට්ටම වැඩි දියුණු කර ගත හැක.
Melbourne Symphony Orchestra වැනි සංවිධානවලට ඔවුන් සතු මෘදුකාංග තිබේ. මෙහි ශ්‍රව්‍ය-දෘශ්‍ය, විචිත්‍රාංගයින්ගෙන් සමන්විත වැඩසටහනක් තුලින්, ප්‍රේක්ෂකයාට ඔකෙස්ට්‍රාවේ සංචාරයක නිරත විය හැක.

අධ්‍යාපනික වටිනාකමකින් යුත් දුරකතන මෘදුකාංග වල තවත් වාසියක් වන්නේ මේ තුලින් දරුවාට ඕනෑම තැනක සිට ඕනෑම වෙලාවක ඉගෙනුම් කටයුතු වල නිරත විය හැකි වීමයි. උදාහරණයක් ලෙස, හෙවත් අධි-තාත්ත්වික මෘදුකාංග වලින් ශිෂ්‍යයින්ට සයිබර් අවකාශයේ සැරිසරමින් ලෝකය පිලිබඳ බොහෝ තොරතුරු දැන ගැනීමට අවස්ථාව ලැබේ.

මෘදුකාංගය මඟින් ඩිජිටල් තොරතුරු සහ දර්ශන භෞතික අවකාශය සමඟ සංකලනය කිරීමෙන් ආතාත්වික හා තාත්වික ලෝකයන් එකිනෙක අනුගත වේ. මෙවැනි මෘදුකාංග ජංගම දුරකතනයක් හෝ GPS තාක්ෂණය සහිත ටැබ්ලට් වැනි ඩිජිටල් උපාංගයක් තුලින් ප්‍රේක්ශකයාට වීඩියෝ හා දර්ශන නැරඹීමට සලස්වයි. මෙයින් තාත්වික ජීවිතයේ අත්දැකීම් පෙර නොවූ විරූ ආකාරයකට අත් විඳීමේ අවස්ථාව ඔබට උදා වේ.

ටැස්මේනියාවේ නූතන හා පුරාණ කලා කෘති කෞතුකාගාරයේ මෙම ක්‍රමය අනුගමනය කරනු දක්නට ලැබේ. iPod උපාංගය හරහා කෞතුකාගාරයේ විවිධ ප්‍රදේශයන්හි ඇති කලා කෘති පිලිබඳ වීඩියෝ හා විස්තර ඇතුලත් දර්ශන ප්‍රදර්ශනය කරනු ලැබේ. Aurasma යනු තවත් අධි තාත්ත්වික මෘදුකාංගයකි. ශිෂ්‍යයාගේ පැවරුම් පත්‍රයේ එක් අභ්‍යාසයක් අසල තැබූවිට, අතිරේක ශ්‍රව්‍ය/දෘෂ්‍ය විස්තර ප්‍රදර්ශනය වන ලෙස එම මෘදුකාංගය ක්‍රියාත්මක වේ.

දැනට, ඩිජිටල් උපාංග සඳහා, අත් ඔරලෝසු, පෑන් හා Google Glass ලෙස නිමවූ මෘදුකාංග ප්‍රවර්ධනය වීමක් දක්නට ලැබේ. මෙයට කදිම උදාහරණයක් ලෙස Samsung Smart Pen හැඳින්විය හැක. මෙය මෘදුකාංග රැසක් සමඟ අනුකලනය කොට තිබේ.

දෙමාපියන් හා අධ්‍යාපනික ක්ෂේත්‍රයේ රැකියා වල නිරතවන්නන් හට මෘදුකාංග ලොවේ සැරිසැරීමෙන් දරුවාට ලබා ගත හැකි දැනුම් සම්භාරය පිලිබඳ වැඩි දුරටත් දැන ගැනීම සඳහා ඒවා භාවිතා කරන්නන් වෙත පිවිසිය හැකි බව කෝනර් මහතා යෝජනා කරයි.

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here