බිළිඳාට කිරි දීමේදි , ඔබ ඒ සම්බන්ධ උපදෙස් අනුගමනය කිරීම අනිවාර්ය්‍ය වේ. බෝතලය නිවැරදිව අල්ලා ගැනීම මෙන්ම වැඩියෙන් හෝ අඩුවෙන් කිරි දීමෙන් වැලකීමට දෙමාපියන් ලෙස ඔබ වග බලා ගත යුතු ය. ඒ වගේම කිරි බෝතලයේ හා මවගේ තන පුඩුවල පිරිසිදු බව පවත්වා ගැනිම අතිශයෙන් වැදගත් වේ.
පහත දැක්වෙන පිලිවෙත් අනුගමනය කිරීමෙන් ඔබට දරුවාට කිරි දීමේදි, එය සෞඛ්‍යමත්, විනෝදජනක මෙන්ම ආරක්ෂිත අත්දැකීමක් බවට පත් කර ගත හැක.
BPA සහිත බෝතල් මිලදී ගැනීමෙන් වලකින්න.
සමහර ළඳරු බෝතල් වල BPA හෝ බිස්ෆීනෝල් A අඩංගු වේ. මෙම රසායන ද්‍රව්‍යය පිලිකා ජනකයක් ලෙසත්, ශරීර අපචයනයන් සඳහා හේතුකාරකයක් ලෙස හඳුනා ගෙන ඇත. ඝන පොලිකාබනේට් ප්ලාස්ටික් වලින් සෑදූ බෝතල් මිලදී ගැනීමෙන් ද වලකින්න. සාමාන්‍යයෙන්, ළඳරු ආරක්ෂිත නිෂ්පාදන වල ” BPA හෝ PABA රහිතයි” ලෙස සඳහන් කර ඇත.
ගෙවී ගිය හෝ පිපිරීම් වලට ලක්වූ බෝතල් භාවිතා කිරීමෙන් වලකින්න.
සීරුණු, ගෙවී ගිය පෘෂ්ඨයක් ඇති හා වර්ණය අපැහැදිලි බෝතල් වල අහිකර රසායන ද්‍රව්‍ය අඩංගු විය හැකි අතර ඒවා කිරි සමඟ ප්‍රතිකියා කිරීමෙන් ළඳරුවාගේ සෞඛ්‍යයට අහිතකර ලෙස බලපෑ හැක.
මව් කිරි ළඳරු කිරි පිටි සමඟ මිශ්‍ර කිරීමෙන් වලකින්න.
පිටි කිරි වල ගබඩා කාලය පොම්ප කිරීමෙන් ලබා ගත් මව් කිරි වලට වඩා අඩුය. එබැවින්, මේ කිරි වර්ග දෙක එකට මිශ්‍ර කිරීමෙන් හා බොහෝ වේලාවක් ගබඩා කර තබා ගැනීම යෝග්‍ය නොවේ.
අතිරේක කිරි ඉවත් කරන්න.
දරුවාට කිරි දුන් පසු අතිරේක කිරි විසි කරන්න. නැතහොත් ඔබගේ තේ හෝ කෝපි එක සඳහා භාවිතා කරන්න. බිළිඳාට පසුව ලබා දීම සඳහා මෙම අතිරේක කිරි රඳවා තබා ගැනීම නුවණට හුරු දෙයක් නොවේ. මන්ද බෝතලය ජීවානුහරණය කර නැති නිසාවෙනි. තවද මෙමෙ අතිරේක කිරි නැවත උණු කිරීම හෝ මයික්‍රෝවේව් උඳුනේ තැබීම, කිරි වල අඩංගු පෝෂ්‍ය පදාර්ථ විනාශ වීම සඳහා බලපායි.
බෝතලය සමඟ දරුවාව තනියෙන් නොතබන්න.
දරුවාට නිසි පරිදි කිරි බෝතලය අල්ලා ගැනීමට හැකි වුවත්, සෑම මොහොතකම කිරි පෙවීම අධීක්ෂණය කරන්න. අහම්බෙන් දරුවාට කිරි හිරවීමෙන් පිට උගුරේ යා හැක. හැකි පමණින් කිරි බෝතලය තිරස් අතට හරවා කිරි පොවන්නට උත්සාහ ගන්න. මේ මඟින් දරුවාගේ මුව තුලින් වාතය ඇතුල් වී, පසුව බඩෙහි ගෑස් එකතු වීම වලක්වා ගත හැක.
බෝතලය , උණුවතුරේ රඳවා තබන්නට අමතක නොකරන්න.
ජීවානුහරණය කිරීම පිණිස, සියලුම බෝතල් සෝදා, උණු වතුරේ රඳවා තැබීම කල යුතු වේ. බෝතලය, වතුර සමඟ තැම්බීමෙන් වලකින්න. ජීවානුහරණය කිරීම සඳහා බෝතලය උණු වතුරේ මිනිත්තු පහක් පමණ රඳවා තැබිය යුතුය. සෑම කිරි පෙවීමකින් පසුව බෝතලය සේදිම අනිවාර්ය්‍ය වේ.
කිරි වල උෂ්ණත්වය පරික්ෂා කරන්න.
තන පුඩුව හෝ සූප්පුව දරුවාගේ මුවෙහි තැබීමට පෙර, කිරි වල උෂ්ණත්වය පරික්ෂා කල යුතු වේ. ඔබගේ අල්ලේ හෝ මැණික් කටුවට කිරි බින්දු කිහිපයක් දැමීමෙන්, කිරි වල උෂ්ණත්වය, ශරීර උෂ්ණත්වය හා සමානද යන්න මැන ගති හැකි වේ.
දරුවාව කෙලින් පිහිටුවන සේ කිරි පොවන්න.
ළඳරුවාගේ බඩට යන වාත ප්‍රමාණය අවම කිරීම සඳහා ඔහුව/ඇයව අංශක 45 ක කෝණයකින් පිහිටුවන්න. බිළිඳාගේ පසු ප්‍රදේශය ඔබගේ ඔඩොක්කුව මත තිබිය යුතුය. සූප්පුව කිරි වලින් පිරීම සඳහා ඔබ බෝතලය මඳක් ඇල කල යුතුය.
මවගේ තන පුඩුව හා බෝතලය නිතරම පරික්ෂා කරන්න.
කිරි ලබා දෙන තන පුඩුව මෙන්ම කිරි බෝතලය, තැලීම්, පැහැයේ හෝ හැඩයේ වෙනස්වීම් තිබේ දැයි බැලීම සඳහා නිතරම පරික්ෂා කල යුතු වේ.
බිලිඳා සමඟ මනා බැඳීමක් ඇති කරගන්න.
කිරි පෙවීමේදි හෝ දරුවා කිරි බොන අතර තුරදී, ඔහුට/ඇයට ගී ගායනා කිරීමෙන්, කතන්දර කියා දීමෙන්, සිනා සීමෙන් හා කතා කිරීමෙන් මව හා දරුවා අතර ඇති බැඳීම ශක්තිමත් වේ.
සැලකිය යුතුයි : අඩුම තරුමේ ළඳරුවාට මාස හය පිරෙන තෙක් මව් කිරි ලබා දිය යුතු වේ. ඉහත සඳහන් උපදෙස් අදාල වන්නේ, කෘතිම ක්‍රමයට පොම්ප කර මව් කිරි ලබා දෙන මව්වරුන්ට හා මාස හයෙන් පසු බෝතල් කිරි ලබා දෙන අයටයි.
