උදාබාධය (Morning Sickness) සෞඛ්‍යමත් දරුවකු ලැබීම සඳහා පෙරනිමිත්තක් වේද?

උදාබාධය (Morning Sickness) සෞඛ්‍යමත් දරුවකු ලැබීම සඳහා පෙරනිමිත්තක් වේද?

ගර්භණී අවධියේ පසුවන ඔබත් උදෑසන වමනය යාමේ ගතියෙන් පෙලෙනවාද? සමහර මව්වරුන්ට මෙම කාලය දරා ගත නොහැකි ලෙස අපහසුතා ඇති කරන නමුත් එහි යහපත් ප්‍රතිඵල ඇති බව ඔබ මතක තබා ගත යුතුය. මන්ද උදෑසන ගැබිනි මවට ඇතිවන මෙම අසහනකාරි තත්ත්වය නීරෝගි දරුවකු බිහි කිරීම සඳහා ඉවහල් වන හෙයිනි.

ඔබට දරුණු ලෙස උදාබාධය ඇතිවන්නේ නම්, වහාම වෛද්‍යවරයකු හමුවී අසහනය සමනය කර ගැනීම සඳහා පහත ක්‍රියාමාර්ග අනුගමනය කරන්න.

-දවසේ ආහාර වේල් ගැනීමේදි හැකි පමණ කුඩා ප්‍රමාණයේ කටවල් අනුභව කරන්න.

-පෙපර්මින්ට් හා ඉඟුරු ආශ්‍රිත සීනි බෝල විකන්න.

-ජලය හොඳින් පානය කරන්න.

-හොඳින් විවේක ගන්න.

-ඇට වර්ග ආහරයට ගන්න. (ආමන්ඩ් වැනි )

-ප්‍රසූතියට පෙර අනුමත කරන විටමින් ලබා ගැනීමේදි මාරු කරන්න.

උදාබාධය සම්බන්ධයෙන් කර ඇති පර්යේෂණ හා සමීක්ෂණ වල ප්‍රතිඵල.

ගර්භණී අවධියේ මුල් මාස 3 හිදි සාමාන්‍යයෙන් උදෑසන ගැබිනි මව්වරුන්ගෙන් 85% කට වමනය යන ගතියක් සහිත, කෑම අරුචියක් ගෙන දෙන අසහනයක් දැනිය හැක. මෙය ඉංග්‍රීසියෙන් “morning sickness” (උදාබාධය) ලෙස හඳුන්වන්නේ සාමාන්‍යයෙන් මෙම ලක්ෂණ උදෑසන කාලයේදි දැනෙන නිසාවෙනි. මෙම තත්ත්වය මවට මානසික හා ශාරිරික ලෙස බලපෑ හැකි නමුත් ” Journal of Reproducitve Toxicology” සඟරාවේ වාර්තාවකට අනුව මෙම සාමාන්‍ය සිදුවීම නීරෝගි දරුවකු ලැබීම සඳහා පෙරනිමිත්තක් ලෙස සැලකිය හැක.

විද්‍යාඥයින් මිලියන 850ක ගර්භනී මව්වරුන්ගේ නියැදියකගෙන් කල සමීක්ෂණයකින් හෙලිවී ඇති ආකාරයට මෙසේ උදාබාධයෙන් පෙලුණු මව්වරුන් නීරෝගි දරුවන් බිහි කර ඇති අතර ඔවුන්ට ගබ්සාවන් ඇති වීමේ ප්‍රවණතාවයද අඩුවී තිබුණි. 6.4% පමණ අල්ප ප්‍රමාණයක නොමේරු දරු උපත් සිදුවි ඇති අතර උදාබාධයෙන් නොපෙලුනු මව්වරුන්ගෙන් 9.5% නොමේරු දරු උපත් ලබා තිබුණි.

ගර්භණී අවධියේ පලමු කාර්තුවේ මවගේ වැදෑමහෙන් නිකුත් වන හොමෝනයක් වන Chorionic Gonadotropin නිසා මෙසේ මව්වරුන්ට උදාබාධය ඇතිවේ. එම නිසා ගර්භණී මවක් ලෙස ඔබත් මෙම උදාබාධයෙන් පෙලෙන්නේ නම් ඔබ කිසිසේත් කලබල විය යුතු නැත. ඔබට මෙම අසහනකාරි තත්තවයක් ඇති නොවන්නේ නම් වැඩිය නොසිතා ගර්භණී අවධිය සැහැල්ලු මනසකින් අත් විඳින්න. ඉහත සඳහන් සමීක්ෂණ මව තුල ඇති අනවශ්‍ය බිය පහ කරන අතර ඔබ ගර්භණී අවධියේදි විඳින වේදනා අවසානයේදි ඔබට වටිනා ප්‍රතිඵල ගෙන දෙන බව තහවුරු කරයි.

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here