මවක් විමට ඔබත් සුදානම් ද?

මවක් විමට ඔබත් සුදානම් ද?

ඕනෑම කාන්තාවක් විවහා දිවියට පත් වූ දා සිට සිහින මවන්නේ මවක් වීමටය.මවක් විම සෑම කාන්තාවකගේම සිහිනයක් වුව ද එකී මාතෘ ධුරයට හිමිකම් කීමේ වාසනාව උදා වෙන්නේ කිහිප දෙනෙකුට පමණි.කෙසේ වෙතත් මවක් වීමට සුදානම් වන විට සැලකිලිමත් විය යුතු කාරණා ගණනාවකි.

බිය විය යුතු නැත

කාන්තාවක් ගර්භනී වූ විට ඇය තුල ප්‍රසූතිය පිලිබදව අනියත බියක් හට ගැනීමක් දක්නට ලැබේ.විශේෂයෙන්ම පළමු දරුවා බිහි කිරීමට සුදානමින් සිටින සමයේ දී මෙය දැකිය හැකි තත්වයකි.සත්‍ය වශයෙන්ම මෙය නොපැවතිය යුතු බියකි.ඇතැම් විට මෙම බිය ප්‍රසුතියට හානිකර අන්දමින් බලා පෑ හැකිය.ප්‍රසුතිය සම්බන්ධයෙන් මව නිසි පරිදි දැනුවත්ව සිටින්නේ නම් මෙවන් ගැටළු ඇති වීමේ අවධානම් හට නොගනී.

වසරකට ලොව පුරා මාතෘ මරණ 585000ක් සිදු වන අතර මින් 99%ක්ම සිදු වන්නේ සංවර්ධනය වෙමින් පවතින අප වැනි රටවල් වල බව අප අමතක නොකළ යුතුය.එනම් මෙමගින් පැහැදිලි වන්නේ සෑම මිනිත්තුවකට වරක්ම ලොව කොතැනක හෝ මාතෘ මරණයක් සිදු වන බවය.ඒ අනුව වසරකට ලොව පුරා උපදින දරුවන්ගෙන් සැලකිය යුතු ප්‍රමාණයක් මරණයට පත් වේ.මේ නිසාම ගර්භනී සමය ඉතා වැදගත්ය.

ඔබේ වයස ද වැදගත්

දරුවෙකු මෙලොවට බිහි කරන විට මවගේ වයස ද බලපානු  ලබයි.මන්ද දරුවාගේ නිරෝගී භාවයට මවගේ වයස ද අනියම් අන්දමින් බලපාන බව මේ වන විට සොයා ගෙන ඇත.සාමාන්‍යයෙන් පළමු දරුවා ලැබෙන විට මවගේ වයස අවුරුදු 40 ඉක්මවා තිබෙන විට බිහි වන දරුවාගේ මානසික වර්ධනය හා සම්බන්ධව ගැටළු ඇති වීමට ඉඩ තිබේ. Down’s Syndrome (මන්ද බුද්දික) නමින් හදුන්වන දරුවන් ලැබීම කෙරෙහි ද මවගේ වයස බලපානු ලබයි.මෙවන් දරුවන් බුද්ධි මට්ටමින් හීනය.වයස අවුරුදු 40 ඉක්මවන විට දියවැඩියාව,හදවත් රෝග වැනි තත්වයන්ට ගොදුරු වීමේ වැඩි ඉඩකඩ පවතින අතර විවිධ රෝග සදහා ප්‍රතිකාර ලබන තත්වයක් ඔවුන් පසු වේ.

මවගේ වයස වැඩි වීම මෙම ඉතා ලාබාල මවක් විසින් බිහි කරන දරුවන් අතර ද විවිධ ආකාරයේ ගැටළු ඇති වීමට ඉඩ තිබේ.සාමාන්‍යයෙන් කාන්තාවකගේ වයස අවුරුදු 20-21 පමණ වන තෙක්   ඇගේ ප්‍රජනන පදධතියේ වර්ධනය සිදු වේ.එහි වර්ධනය දරුවෙකු දැරීම සදහා අවශ්‍ය මට්ටමින් සිදු වන්නේ වයස අවුරුදු 20-22 පමණ වන විටදීය.ඊට පෙර ඇගේ ගර්භාෂය තුල දරුවෙකු පිළිසිද ගත්ත ද එම දරුවා වර්ධනය වීමට සහ නියමිත කාලයෙන් පසු දරුවා බිහි විමට අවශ්‍ය පරිදි ඇගේ ප්‍රජනක පද්ධතිය වර්ධනය වි නොතිබීම හේතුවෙන් එම දරුවා තුල විවිධ අකාරයේ ගැටළු පැන නැගේ.එනම් නොමේරූ දරුවන් බිහි වීම,බුද්ධි මට්ටමින් හීන දරුවන් බිහි විම ආදී තත්වයන් දැකිය හැකිය.

රෝග පිලිබදව සැලකිලිමත් වන්න

ගර්භනී සාමය තුල සරම්ප,පැපොල.කම්මුල්ගාය,දියවැඩියාව වැනි රෝග මවට වැලදුනහොත් එය කලලයට අහිතකර බලපෑම් ඇති කරයි.ජරම්න් සරම්ප වැළදුණු මවකට බොහෝ දුරට මල දරු උපතක් සිදු විය හැකිය.උපදින දරුවා ජිවත් වුවත් ඔහු අන්ධ බිහිරි දරුවෙකු විය හැකිය.මේ නිසාම බොහෝ  ffjoHjreka විවාහයට පෙර ජර්මන් සරම්ප එන්නත ලබා ගැනීම සුදුසු යැයි නිගමනය කොට ඇත.

සතුටින් සිටීම වැදගත්

ගර්භනී සමයේ මවගේ සිතුවිලි පවා වැදගත් වේ.මව නිතර නිතර දුකින් කනගාටුවෙන් පසුවන්නේ නම් දරුවාගේ ස්නායු පද්ධතියේ දුර්වලතා සදහා බලපානු ලබයි.මව සතුටු වන සැම මොහොතකදීම දරුවා සතුටු වන බව පර්යේෂණ හරහා සොයා ගෙන ඇත.මේ නිසාම මවක් නිතරම සතුටින් සිටීම ඉතා වැදගත් වේ.

මවක් වීමට සිහින මවන ඔබ සහ ,දරු ප්‍රසුතියට සුදානම් වන ඔබ ද මෙවෙනි කරුණු කෙරෙහි අවධානය යොමු කිරීම වටි.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here