අති උතුම් මව් සෙනෙහසට දරුවෙකු පෝෂණය කරන්නත් පුළුවන්

අති උතුම් මව් සෙනෙහසට දරුවෙකු පෝෂණය කරන්නත් පුළුවන්

– අගෝස්තු 1 සිට 7 දක්වා යෙදෙන ජාත්යන්තර මව්කිරිදීමේ සතිය නිමිත්තෙනි –

මව්කිරට පණ ඇති බව ඔබ දන්නවද?

උත්තරීතර මව් සෙනෙහස නිසාම මෙලොවට බිහි කරන කිරිකැටියා පෝෂණය කිරීමට මවගේ පියයුරෙහි නිපදවෙන මව්කිරි ජීවී දියරයකි. රුධිරයේ අන්තර්ගත රක්තාණු හැර සුදු රුධිරාණු සහ අනෙකුත් ජීවි ෙසෙල මව්කිරේ අඩංගු වෙනවා. කුස තුළ ගෙවූ දස මස මවගෙන් පෝෂිත දරුවා මෙලොවට බිහිවීමත් සමගම මව්කිරෙන් සිය පෝෂණය ලබයි. උපතින් පැය භාගයක් පමණ ගත වන විට මව්කිරි දීම අරඹන අතරම මවගේ පියයුරට ළං කළ විගස දරුවා කිරි උරා බීම අරඹයි. එවිට මවගේ මොළයට යන පණිවිඩය හරහා පියයුර උත්තේජනය වී (මවගේ මොලයේ පිටියුටරි ග‍්‍රන්ථියේ අපරභාගයෙන් නිපදවෙන පෝලැක්ටින් හෝමනය ශ‍්‍රාවය වීම හේතුවෙන්* කිරි නිපදවීම ඇරඹේ. මාස හයක් පුරා දරුවා මව්කිරෙන්ම පමණක් පෝෂණය කිරීමට අවශ්‍ය කිරි ප‍්‍රමාණය නිපදවීමේ හැකියාව මවක් සතුය. අමතර ආහාර සඳහා සිරුර සැකසෙන තෙක් දරුවා පෝෂණය වන්නේ මව්කිරෙන් පමණි. උස – මිටි, සිහින්- තරබාරු භේදයකින් තොරව දරුවෙකු බිහිකරන සෑම මවකටම මව්කිරි නිපදවීමේ උපරිම හැකියාව ඇත. සැබවින්ම මෙය ආදරයේ ප‍්‍රාතිහාර්යයක් බඳුය.

අලූත උපන් දරුවාට කිරි පෙවීමේදී,

  • දරුවා නිවැරදි ඉරියව්වේ තබාගන්න
  • දරුවාගේ මුව තුළට තන පුඩුව පමණක් නොව පියයුරේ කලූ පැහැති කොටස ද (ඇරියෝලාව) ඇතුළු කරන්න
  • දරුවාගේ නිකට පියයුරේ ස්පර්ශ වී මුව හොදින් විවර වී යටි තොල පිටතට පෙරලී තිබේ දැයි පරීක්‍ෂා කරන්න. (එසේ නම් දරුවා නිවැරදිව පියයුරට සම්බන්ධ සිටී.)

මව්කිරේ පෝෂණය : 

කොලස්ට‍්‍රම් – පියයුරෙන් මුලින් ස‍්‍රාවය වන ලා කහපැහැති ඝනකම ස‍්‍රාවයයි. එහි මවගේ ප‍්‍රතිශක්තිකරණ ප්‍රෝටීනවලින් අන්තර්ගතය. එසේම විටමින් ් බහුලය. කොලස්ට‍්‍රම් ස‍්‍රාවය වන්නේ ඉතා සුළු ප‍්‍රමාණයක් වුවද එමගින් දරුවාගේ  ප‍්‍රතිශක්තිය වඩවමින් රෝගවලින් රැකගනී.

  • නොමේරූ ආන්ත‍්‍රය මත ආස්තරයක් ලෙස පැතිරී උදරයට ඇතුළු වන බැක්ටීරයා විනාශ කරයි
  • කුස තුළ විරේකයක් ලෙස ක‍්‍රියාත්මක ඉක්මණින් මිකෝනියම් (කලූ පැහැති මල* බැහැර කිරීමට ) උදව් වේ
  • එවිට දරුවාගේ සිරුරට පිත්ත ලවණ අවශෝෂණය කරගැනීමට ඉක්මණින්ම අවස්ථාව සැලසේ
  • දරුවා කහ පැහැවීමේ අවදානමද මග හරවයි

දරුවා හොඳින් කිරි උරා බොන විට : 

  • කිරි නිපදවීමද හොඳින් සිදුවේ
  • කිරි ගලා ඒමද වේගවත් වේ
  • සැමවිටම කුස පිරුණු දරුවා ප‍්‍රබෝධමත්ය
  • නිරෝගී දරුවා දිනකට වාර හත අටක්ම කිරි උරා බොයි
  • දිනකට වාර හත අටක්වත් මුත‍්‍රා පිටකරයි

මව් කිරි වල සංයුතිය

කොලස්ට‍්‍රම් අවසන් වූ පසුව නිපදවෙන ඝණත්වයෙන් අඩු අවර්ණ ද්‍රාවණයක් බඳු කිරෙහි 90‍% ක්ම දරුවාට අවශ්‍ය ජලය අන්තර්ගත වේ. එමගින් දරුවාට අවශ්‍ය ජල ප‍්‍රතිශතය ලැබෙන අතරම මුත‍්‍රා පිටවීම හොඳින් සිදු වේ. ඉන් පසුව ශ‍්‍රාවය වන කිරි ඝණකමින් වැඩි සුදු පැහැයකින් යුතුය. එමගින් නිසි පෝෂණයට අවශ්‍ය ප්‍රෝටීන් මේද සංඝටක දරුවාට හිමිවේ. වෛද්‍ය උපදෙස් අනුව එක් පියයුරක කිරි අවසන් වනතුරුම දරුවාට ඉරීමට අවස්ථාව සැලසිය යුතුවන්නේ මේ නිසයි.

මව්කිරිවල අන්තර්ගත සුදු රුධිරාණු

  • දරුවාගේ කුසට ඇතුළු වන බැක්ටීරියා විනාශ කරයි
  • රෝගවලින්න් දරුවා රැකගනී
  • බඩවැල් මේරීමට උපකාරී වේ
  • ආසාත්මිකතා මග හරවයි
  • ජීරණ අපහසුතා මගහරවයි
  • ජීරණය පහසු කරවයි

Previous article කිරි දෙන මවටත් කිරි බොන පැටියාටත් හිමි වන වාසි
Next article ළදරුවාට මව්කිරි ලබා දෙන නිවැරදි ඉරියව්
අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here