දස මසක් කුස හොවා මෙලොවට බිහිකරන නිරෝගී දරු පැටියා අම්මාගේ සම්පතයි. ඔබේ දරුවාගේ නිරෝගී බව තහවුරු කරගැනීමට මෙන්ම යම් අසාමාන්‍යතාවයක් ඇත් දැයි දැන වෛද්‍ය උපදෙස් කරා යොමුවීමටත් මවක සතුව යම් දැනුමක් තිබීම ඉතා වැදගත් වේ. දරුවන්ගේ යම් යම් ඉන්ද්‍රියයන් ආශ‍්‍රිතව බහුල වශයෙන් දැකගත හැකි නොයෙක් ආකාරයේ විකෘතිතාවයන් මව්වරුන්ට හ`දුනාගත හැකිවන්නේ එවිටයි. මේ ලිපිය සැකසෙන්නේ ගැහැණු දරුවන්ගේ ලිංගේන්ද්රිය හා පියයුරු ආශ‍්‍රිතව ඇති විය හැකි යම් යම් විකෘතිතා හ`දුනා ගැනීමට මව්වරුන් දැනුවත් කිරීමේ අටියෙනි.
ගැහැණු දරුවෙකුගේ ලිංගික පද්ධතිය තුළ මුත‍්‍රා මාර්ගය හා යෝනි මාර්ගය ප‍්‍රධානව පිහිටා ඇත. එසේම පිරිමි ශිෂ්ණයට සමාන වූ ක්ලයිටොරිස් ^Clitoris) සහ එම අවයව වට කොට සමෙන් ඇතිවු ආවරණ දෙකක් ද සහිතය. මේ අතරින් තෙතමනය පවතින කොටස ලේබියා මයිනෝරා (Labia Minora) ද වියලි සාමාන්‍ය සම ලේබියා මෙජෝරා (Labia Majora) ද නම් වේ. ගැහැණු දරුවන්ගේ කන්‍යාපටලය යෝනි මාර්ගය පටන් ගන්නා ස්ථානයෙහි පිහිටයි. යෝනි මාර්ගයට ලිහිසි ද්‍රව්‍ය ශ‍්‍රාවය කරන බාතෝලියන් සිස්ට් (Bartholian Cyst) නම් ග‍්‍රන්ථ දෙකක් යෝනි මාර්ගයේ දෙපස පිහිටා තිබේ. මේ පිහිටීම්වල යම් යම් අසාමාන්‍යතා ඇතැම් විට දැක ගත හැකිය.
ගැහැණු දරුවන්ගේ ලිංගේන්ද්රිය ආශි‍්‍රතව ඇති සුලබ රෝග තත්ත්ව :
සම්පූර්ණ ලිංගික පද්ධතිය වැසී පැවතීම (ලේබියල් ඇඞ්හිෂන්ස් – Labial Adhesion)
මෙහිදී සිදුවන්නේ තෙතමනය සහිත ලේබියා මයිනෝරාවන් සුළු සීරීම් හෝ ආසාදන හේතුවෙන් එකට ඇලීම සිදුවේ. මේ නිසා මුත‍්‍රා මාර්ගයේ විවරය හෝ යෝනි මාර්ගයේ විවරය, සම්පූර්ණයෙන්ම හෝ එසේත් නැතිනම් මද වශයෙන් හෝ වැසී යා හැක. එමගින් මුත‍්‍රා පිටකිරීමේදී ඇති වන අවහිරතාවය සහ යෝනි මාර්ගයේ ශ‍්‍රාවයන් පිටතට නොපැමිණීමෙන් ඇති වන විෂබීජ තත්ත්වය නිසා ඒ අවට කැසීමක් ඇති විය හැකිය. එසේම දුර්ගන්දයක් ඇතිවීමටද ඉඩ ඇත. එය මුත‍්‍රාශයේ හෝ වකුගඩුවල ආසාදන තත්ත්වයන් ඇති වීමට හේතුවක් විය හැකිය. මෙවැනි අවස්ථාවන්වලදී එය ඉතා භයානක තත්ත්වයක් යැයි සිතා දෙමාපියන් බොහෝ සේ කලබලයට පත් වුවද ඕනෑම තෙතමනය සහිත පෘෂ්ඨ දෙකක් ආසාදනය වී හෝ සිරීම් ඇති වී එක ළග තිබෙන විට ඇලීම් ඇති වීම ස්වභාවික තත්ත්වයකි.
වැඩිවිය පත් වූ දැරියකට මෙවැනි තත්ත්වයකට මුහුණදීමට සිදු නොවන්නේ සිරුරේ පවතින ඊස්ට‍්‍රජන් /ප්‍රොජෙස්ටරෝන් යන හෝමෝන මගින් ඇලිම වළක්වාලන බැවිනි. කුඩා ගැහැණු දරුවන්හට මේ තත්ත්වය ඇති වූ විට ඊස්ට‍්‍රජන් හෝමොනය ඇතුළත් ආලේපන වර්ග වෛද්‍ය උපදෙස් මත ලබා දේ. ආලේප මගින් 100%ක් මෙම තත්ත්වය සුව අතට හැරණද ගැහැණු දරුවා වැඩිවිය පැමිණෙන තෙක් වරින් වර මේ පිළිබ`ද අවධානය යොමුකිරීම ඉතා වැදගත් වේ.
සැ. යු. හෝමෝන වර්ග අඩංගු ආලේපන වර්ග කිසිදු විටෙක සති තුනකට වඩා වැඩි කාලයක් භාවිත නොකළ යුතුය. මන්ද එහි අන්තර්ගත හෝමෝන නිසා ගැහැණු දරුවා ද්විතියික ලිංගික ලක්‍ෂණ පෙන්නුම් කළ හැකි නිසාය. යම් හෙයකින් දරුවා ද්විතීයික ලාංගික ලක්‍ෂණ පෙන්නුම් රයි නම් වහාම වෛද්‍යවරයෙකු වෙත යොමුවනන.
කන්‍යාපටලයේ සිවිය වැඩිපුර පැවතීම (Hymnal tags)
මෙය රතු පැහැයෙන් හෝ අසාදනයක් ලෙස හෝ පිහිටිය හැකි අතරම සුළු ශල්‍යකර්මයකින් ඉවත් කළ හැකි වේ.
යෝනි විවරය සම්පූර්ණයෙන්ම විවෘතව නොපැවතීම (Imperforate Hyman)
ඉතා කලාතුරකින් හමුවන මේ අවස්ථාවේදී සිදුවන්නේ ගැහැණු දරුවා වැඩිවිය පැමිණි පසු ඔසප් රුධිරය ගලා යෑමට එමගින් ඇති වන බාධාව නිසා යෝනි මාර්ගය සහ ගර්භාෂය ඔසප් රුධිරයෙන් පිරෙන අතරම අධික වේදනාවක් හට ගැනීමයි. මේ සඳහා සරල ශල්‍ය කර්මයක් මගින් සහනය සලසාගත හැකිය.
බාතෝලියන් ග‍්‍රන්ථ ඉදිමීම
ඉඳහිට වාර්තා වන මේ තත්ත්වය විශේෂිත ශල්‍යකර්මයක් මගින් යථා තත්ත්වයට පත්කළ හැකියි.
ඊට අමතරව මුත‍්‍ර මාර්ගයේ බිත්තය පහළට වැටීම (Urethral Prolapse) මුත‍්‍ර මාර්ගයේ ඇති වන වතුර ගෙඩි (Urethral Cysts)/ගුද මාර්ගය, යෝනි මාර්ගය ආසන්නයේ පිහිටීම/ ගුද මාර්ගය යෝනී විවරය තුළ පිහිටීම වැනි අවස්ථාද කලාතුරකින් දැකගත හැකි අතරම මේ තත්ත්වයන් ද විශේෂ ශල්‍යකර්ම මගින් යථා තත්ත්වයට පත්කිරීම සිදු කළ හැකිය. එසේම පිරිමි දරුවන් ලිංගිකව, ගැහැණු දරුවන් ලෙසද ගැහැණු දරුවන් ලිංගිකව, පිරිමි දරුවන් ලෙසද පිහිටන අවස්ථා ද දරුවන් අතර වාර්තා වේ. දරුවාගේ අනන්‍යතාවය තහවුරු කිරීම උදෙසා පළමුව දරුවාගේ නිවැරදි ලිංගිකත්වය පරීක්‍ෂා කොට සැත්කම් මගින් නිවැරදි ලිංගිකත්වයට ඉක්මණින්ම දරුවා යොමු කරයි.
මවගේ හෝමෝනවල බලපෑම මත ඉපදුණු විගස දියණියකගේ ගර්භාෂයේ රුධිර වහනයක් ඇති වී යෝනි මාර්ගයෙන් රුධිරය පිටවුවද ඒ තත්ත්වය දින දෙක තුනකින් මගහැරී යයි.
මේ අවස්ථාව හැර යෝනි මාර්ගයේ රුධිරය පිටවිය හැකි අවස්ථා ලෙස දැරියක වැඩිවිය පැමිණීම දැකවිය හැකිය. නමුත් එම වයස් සීමාවට නොපැමිණිනි කුඩා දැරියකට මෙවැනි තත්ත්වවයක් ඇති වන්නේ නම් එය ඉතා කුඩා වයසේදීම සිදුවිය හැකි වැඩිවිය පැමිණීමක් (Precocious puberty) නිසා විය හැකිය. කෙසේ වුවද රුධිරය සමග සැරව හෝ දුගදක් හමන්නේ නම් යෝනි මාර්ගයේ සිරවී ඇති අමතර ද්‍රව්‍ය (Foreign Bodies) තිබේදැයි සොයා බැලීම ස`දහා වෛද්‍ය උපදෙස් පරිදි ස්කෑන් (US / CT Scan) පරීක්‍ෂණ හා ස්කෝප් පරීක්‍ෂණ (Cystoscopy/Vaginocsopy) වෙත යොමුවීම වැදගත් වේ.
දරුවන්ගේ පියයුරු අශ‍්‍රිතව දැකිය හැකි සුලබ රෝග තත්ත්ව:
මවගේ කිරි නිපදවීමේ හෝමෝන දරුවා තුළද ක‍්‍රියාත්මක වීම නිසා දරුවාගේ ද කිරි නිපදවී තනපුඩුවලින් කිරි පිටවීම සාමාන්‍ය තත්ත්වයකි. දරුවාගේ කුඩා තනපුඩුවල ප‍්‍රධාන නාල වර්ධනය වී නැති අවස්ථාවන්හිදී කිරි එකතුවී අසාදනයට ලක්විය හැකිය. මෙවිට කළ යුත්තේ මද රස්නේ වතුරෙන් තවන ගමන් ඉතා මෘදුව කිරි ඉවත් කිරීමට උත්සාහ ගැනීමයි. තන පුඩු පැසවා සැරව එකතු වී ආසාදනයට ලක් වුවහොත් ශල්‍යකර්මයකට යොමු කිරීමට සිදුවන අතරම ගැහැණු දරුවෙකුගේ නම් ඇයගේ පියයුරුවල මතු ක‍්‍රියාකාරීත්වයට බාධාවක් නොවන පරිද්දෙන් ශල්‍යකර්මය සිදුකිරීම වඩා වැදගත් වේ. (අතීතයේදී දරුවාගේ තනපුඩු මිරිකා කිරි ඉවත් කිරීමට වැඩිහිටියන් පුරුදුව සිටියද එමගින් පියයුරුවල පටක තුවාල වී කිරි සමග මිශ‍්‍ර වී බැක්ටීරියා ආසාදනයක් ඇති විය හැකිය. ඒ හේතුවෙන් සැරව ගෙඩි ඇතිවේ. එබැවින් මිරිකා කිරි ඉවත්කිරීම අවදානම් සහගත විය හැකිය.)
තවද ඇතැම් දරුවන්ගේ කුඩා කාලයේදීම අසාමාන්‍ය ලෙස පියයුරු වර්ධනය වන අවස්ථා දැක ගත හැකිය. ගැහැණු දරුවන්ගේ පමණක් නොව පිරිමි දරුවන්ගේද එක් පැත්තක පියයුරක් අසාමාන්‍ය ලෙස වර්ධනය වන අවස්ථා සුලබව දැක ගත හැකිය. පියයුරේ තනපුඩුව යට බොත්තමක් (Breast Disc) සේ ඇති කොටස ඉදිමී වේදනාවක් ගෙනදෙන අතරම මේ තත්ත්වය ඇති වීමට විශේෂිත හේතුවක් ස`දහන් කළ නොහැකිය. එසේම ඇතැම් ගැහැණු දරුවන්ගේ පියයුරුවල ගෙඩි වැනි තත්ත්වයන් ඇති විය හැකි අතරම ඔවුන්ට ශල්‍ය වෛද්‍යවරයෙකුගේ උපදෙස් හා ප‍්‍රතිකාර අත්‍යවශ්‍ය වේ.
මෙහිදී වැදගත් වන තවත් කරුණක් වන්නේ පරිණත නොවූ ගැහැණු දරුවන්ගේ පියයුරු එකම ප‍්‍රමාණයෙන් වර්ධනය වන්නේ නම් කුඩා කාලයේදීම වැඩිවිය පත්වීමේ (Precocious puberty) පෙරනිමිත්තක් ලෙස එය දැක්විය හැකිය.
දරුවන්ට ඇති විය හැකි යම් යම් ආබාධ පිළිබදව හ`දුනා ගැනීමට මව්වරුන් ලෙස ඔබ තුළ කෙතරම් දැනුවත් බවක් තිබිය යුතුද යන්න පිළිබ`දව දැන් ඔබට පැහැදිලි ඇති.
