සාමාන්‍ය ජනවහරේදී මොන්ගෝලීයතාවය ලෙස හැඳින්වෙ ඩවුන්ස් සින්ඩ්රෝමය ඇති වන්නේ ජාන විකෘතිතා මුල්කරගනිමිනි. ඩවුන්ස් සින්ඩ්‍රෝම තත්ත්වයට පත් වූ දරුවන් මන්ද බුද්ධික වන අතර ඔවුන්ගේ කායික කි‍්‍රයාකාරකම් ප‍්‍රමාද වේ.
ඩවුන්ස් සින්ඩ්රෝමය වර්ග 3කි. එනම්, ට‍්‍රයිසෝමි 21 (Trisomy 21), ලමොසැයිසිට් මොසැයිසිම් (Mosaisit mosaisim) 3 සහ ට‍්‍රාන්ස්ලොකේෂන් (Translocation) ලෙසටයි.
මේ අතරින් බහුලව දක්නට ලැබෙන්නේ ට‍්‍රයිසොම් 21 වර්ගයයි. ට‍්‍රයිසෝමි 21 යනු 21 වැනි ජාන කට්ටලයේ අතිරේක ජානයක් පිහිටීම නිසා ඇති වන තත්ත්වයයි.
මෙම දරුවන්ගේ
- මුඛය කුඩා වන අතරම උස් වූ වක‍්‍රයක් සහිතව තල්ල පිහිටා ඇත.
- දිව විශාල වන සේ පිහිටා ඇති නිසා නිතරම මුඛයෙන් එළියට දිව දමාගෙන සිටියි.
- නාසය පැතලිය. (නාස් අස්ථි සම්පූර්ණයෙන් වැඞී නැත.
- ඇස් සාමාන්‍යයෙන් උඩ අතට හැරී පිහිටන අතර ඇස්වල ඇතුළු දාරයේ සමේ කුඩා රැුලි පිහිටා ඇත.
- කන්පෙති කුඩාය. සමහර විට කන් පෙති නැත.
- බෙල්ල මිටිය.
- මාංශ පේශීන් ඉතා මෘදුය
- හිස කුඩාය. හිසේ පිටුපස පැතැලිය.
- අතේ පස්වන ඇඟිල්ල සාමාන්‍යයෙන් කුඩාය.
- සම ඝනය, වියළිය.
- සමහර විට හෘදය ආශ‍්‍රිත රෝග ඇත.
- උදරය විශාලය.
- ලිංගික වර්ධනය අඩාලය. වඳය.
මෙවැනි ලක්ෂණ නිසා මොවුන් ”ෆ්ලොපි බේබි” ලෙස හඳුන්වයි. මොවුන් මන්ද බුද්ධිකය.
මෙම දරුවන්ගේ මානසික තත්ත්වය මැන ගැනීමට බුද්ධිය පරීක්ෂා කරන ක‍්‍රමයක් ඇත. එම පරීක්ෂණය අයි කිවු ලෙවල් (I.Q. level) ලෙස හැඳින්වේ. ඩවුන්ස් සින්ඩ්‍රෝම දරුවන්ගේ ෂූ අගය 20 – 50 දක්වා පරාසයක පවතී. කෙසේ වෙතත් මෙම දරුවන් විනෝදයට කැමැතිය. මොවුහු සංගීතය පි‍්‍රය කරති. එමෙන්ම වෙනත් කෙනෙකු අනුකරණය කිරීමට දක්ෂය.
මෙවැනි දරුවන් ඇති වීමට හේතුන් ලෙස උපකල්පනය කරන්නේ :
- මව විකිරණවලට නිරාවරණය වීම
- අවු 38ට වැඩි වීම
- දරුවන් අතර පරතරය අඩු වීම (මෙතෙක් තහවුරු නොවූ හේතුද ඒ අතර වේ)
ඩවුන්ස් සින්ඩ්රෝමය සුව කළ නොහැක. මොවුන්ගේ මෘදු මාංශ පේශි ශක්තිමත් කිරීම සඳහා ශක්තිජනක ව්‍යායාමවල යෙදවිය යුතුවේ. මුල සිටම භෞතචිකිත්සක ව්‍යායාම වෙත යොමු කිරීමෙන් මොවුන්ගේ කායික හා මානසික කි‍්‍රයාකාරකම් වැඩි දියුණු කළ හැකිවේ.
කොළඹ, රිජ්වේ ආර්යා ළමා රෝහලේ ප‍්‍රධාන භෞත චිකිත්සක, වරලත් භෞත චිකිත්සක සංගමයේ සභාපති ආචාර්ය ජාලිය උඩුවැල්ල මහතා සමග සකස්කරන ලද ලිපියකි.
