ඔබේ දරුවා සතුටින් තබන්නේ කොහොමද

happy-child

සිනහව කියන දේ හරිම වැදගත්. අපි කවුරුත් කැමතියි සිනහවෙන් සතුටින් කල් ගත කරන්න. අපි සිනහා වන විට අපේ සිරුරේ තිබෙන රුධිරය ක්‍රියාකාරිත්වය ඉහල යන අතර රුධිරයේ සංයුතියද වෙනස් වෙනවා. අපි සෑම විටම සිනාමුසු මුහුණනි සිටින විට අපි කාටත් ප්‍රිය වෙනවා. දුක, වේදනාව සියල්ලම සිනාව මගින් යටපත් කල හැකිය. අපි හැම මොහොතකම දුකෙන් සිටින විට අප කරන සියල්ලම අවුල්සහගත වෙනවා. මෙය දරුවන්ටත් පොදු කාරණයක්. දරුවා නිතරම සතුටින් සිටින විට එය දරුවාගේ මතක ශක්තිය වර්ධනය වීමට බලපානවා.

පර්යේෂණ අනුව පෙන්වා දෙන්නේ සිනාව ස්වභාවික ප්‍රතිශක්තිකරණය ශක්තිමත් කරන අතර දවසක් සතුටින් සිටිනවා යනු දින දෙකක ප්‍රතිශක්තිකරණය ශරීරය තුල ඇති වීමට බලපාන බවයි. ඒ නිසාම ඔබේ දරුවා නිතරම සිනාවෙන් තැබීම ඔබ සතු දෙයක්. මේ සදහා ඔබට දරුවා විවිධ ක්‍රියාකාරකම් වලට දරුවා යොමු කල හැකිය.

  • විනෝද විය හැකි ගීත ගයන කරන්න ඉඩ සලස්වන්න.
  • සිනහ ගැන්වෙන කතාන්දර කියා දෙන්න

අන්දරේගේ කතා ඉතාමත් විනෝදජනකය. එම නිසා එවැනි කතා වලින් දරුවන් සතුටු වනවා නියතය. ළමයින් විනෝද වෙන්න විහිලු කතා කියන්න හරිම කැමතියි. දරුවන්ගේ ළමා ලෝකයට සමීප ඔවුන් ඉත්මාත් ප්‍රිය කරන චරිත මගින් කතන්දර කියා දිය හැකිය. එවිට දරුවාට සතුටක් විනෝදයක් ලැබෙනවා මෙන්ම දැනුමක්ද එමගින් ලබා දිය හැකිය.

  • විවිධ සතුන් අනුකරණය කරමින් ඔබට ඔබේ දරුවා සිනහා ගැන්විය හැකිය.
  • සිනහා යන පින්තුර පෙන්වා දරුවා සමග එකට සිනාවෙන්න.
  • කණ්ඩායම් ක්‍රියාකාරකම් මගින් දරුවා සමග සිනාවෙන්න.

කුඩා දරුවන් එකට එක් වූ විට විවිධ ක්‍රියාකාරකම් සිදු කරයි. එවැනි අවස්ථාවලදී සිදු වන කුඩා දේවල් වලට පවා දරුවන් සිනා වෙනවා. ඇතැම් දරුවන් එකට එක් වූ විට පෙරළෙනවා, පොරකනවා. කිතිකවා ගන්නවා. එවැනි දෑ සිදු කිරීම හොදය.

  • අනපේක්ෂිතව දරුවා පුදුම කරවමින් සතුටු කල හැකිය.

දරුවට නොදන්වා කැමති කෑමක්, තෑග්ගක් ලබා දිය හැකිය. අතීත සිදුවීම මතක් කරමින් ෆොටෝ වීඩියෝ පෙන්වමින් දරුවා සමග සතුටින් කතා කරන්න. ඔයා පුංචි කාලේ මේ වගේ ආදී ලෙස දරුවා කුඩා කාලයේදී සිදු කල දගකාර ක්‍රියාකාරකම් ඔහුට නැවත මතක් කල දිය හැකිය. එවිට දරුවා ඒ පිලිබදව වඩාත් සතුටු වනු ඇත.

දරුවන් සතුටින් තැබීම හරිම වැදගත්. ඔවුන්ට දැනෙන ආතතිය, මානසික අසහනයෙන් සිනහව මගින් මිදිය හැකිය. දරුවාගේ මනස සැහැල්ලු වීමට එය බලපානවා. ඔබ දරුවා සතුටින් තබන විට ඔබේ සෙනෙහස, ආදරය, ආරක්ෂාව දරුවාට වැඩිපුර දැනෙන්න ගන්නවා. එමෙන්ම ඔබේ දරුවා සතුටින් සිටින විට එය ඔබගේද සතුටට හේතුවක්. එසේම දරුවා සතුටින්, විනෝදයෙන් කල් ගත කරන විට දරුවාගේ අධ්‍යාපනය කටයුතු නිසියාකාරව සැහැල්ලු මනසකින් යුතුව දරුවාට කර ගෙන යා හැකිය.

නමුත් ඇතැම් දෙමාවුපියන්ට තම දරුවාගේ සතුට පිලිබදව එතරම් සැලකිලිමත් වන්නේ නෑ. දරුවාට අවශ්‍ය දෑ සැපයු පමණින් ඔවුන් සතුටින් සිටිනවා යැයි නොසිතන්න. ඔබ බොහෝ කාර්යබහුලයි නම් දරුවාගේ සතුට ගැන සොයන්නට ඔබට කාලයක් නොමැති වන්නට පුළුවනි. නමුත් එය දරුවාගේ බුද්ධි වර්ධනයටද බලපානු ලැබේ. ඒ නිසා ඔබේ කාලය මදක් දරුවාගේ සතුට වෙනුවෙන් වෙන් කරන්න.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here