- Advertisement -

ප‍්‍රතිශක්තිකරණය හා සම්බන්ධ මේ කරුණු පිළිබඳව මව්වරුන් දැනුවත් විය යුතුමයි

-

අප අවට පරිසරයෙන් එහෙමත් නැතිනම් රෝගී පුද්ගලයෙකුගෙන් යම් විෂබීජයක් අපේ සිරුරට ඇතුළු වූ විට සිරුර තුළ ඇති විශේෂිත ෙසෙල මගින් ඊට එරෙහිව සිදුකරන යම් ප‍්‍රතික‍්‍රියාවක් හේතුවෙන් රෝගය බෝවීම වලක්වා විෂබීජය විනාෂ කරදැමීමේ ක‍්‍රියාවලිය හඳුන්වනු ලබන්නේ ප‍්‍රතිශක්තිකරණය ලෙසයි. එදිනෙදා ජීවිතයේදී මේ ආකාරයට විෂබීජ සිය දහසක් අපේ සිරුරු තුළට ඇතුළු වුවද විෂබීජ සමග සටන් වැදී රෝගය පරාජය කිරීමේ හැකියාව සෑම නිරෝගී පුද්ගලයෙකුම සතුය. රෝග වැළ`දීමේ අවධානම පවතින්නේ යම්හෙයකින් සිරුරට ඇතුළු වන විෂබීජ ප‍්‍රමාණය අධික වීම හේතුවෙනි. ප‍්‍රතිශක්තිකරණය ස`දහා සිරුරට පිටත් අවශ්‍ය එන්නත් ලබාදීම අවශ්‍ය වන්නේ මෙවැනි තත්ත්වයන්හිදී රෝගවලින් වැළකී සිටීමටයි. එන්නත් කරනු ලබන ප‍්‍රතිදේහජනක සහ සිරුර තුළ ස්වභාවිකව පවතින ප‍්‍රතිශක්තිකරණ පද්ධතියට අයත් ෙසෙල අතර ඇතිවන ගැටීම හේතුවෙන් සිරුරේ ප‍්‍රතිශක්තිකරණ හැකියාව වැඩි වන අතරම ඉන් පසු කාලයකදී රෝගකාරක විෂබීජයක් ශරීරයට ඇතුළු වූවාට රෝගය වැළදීමේ හැකියාවක් නොමැත. ප‍්‍රතිශක්තිකරණ එන්නත් මගින් එනම්, රෝග තත්වය ඇතිකිරීමට හැකියාවක් නොමැති ප‍්‍රතිදේහජනක සිරුර තුළට එන්නත් කිරීම මගින් අධික ලෙස විෂබීජ සිරුරට ඇතුළු වූ අවස්ථාවන්හිදී සිරුර තුළ රෝගය පාලනය කිරීමට අවශ්‍ය වටපිටාව සකසයි.

දරුවන්ට එන්නත් ලබා දෙන්න සුදුසු නුසුදුසු අවස්ථා මොනවාද?

දරුවාට උණක් සෙම්ප‍්‍රතිශ්‍යාවක් වැළදුණත් ඇතැම් මව්වරුන් එන්නත් ලබාදීම ප‍්‍රමාද කරනවා. නමුත් ඔබ මතක තබාගත යුතු මූලික කරුණක් වන්නේ රජයේ සායනයෙන් හෝ පෞද්ගලික අංශයෙන් හෝ වේවා දරුවෙකුහට එන්නත් ලබාදීමට ප‍්‍රථම ඔබේ දරුවා සුදුසුකම් සහිත පළපුරුදු වෛද්‍යවරයෙකුගේ පරීක්‍ෂාවට ලක් වෙනවා. යම් හේතුවක් මත දරුවා එන්නත් ලබාගැනීමට නුසුදුසු තත්ත්වයේ සිටිනවා නම් වෛද්‍යවරයා ඒ පිළිබඳව ඔබට දැනුම් දෙනවා. කුඩා දරුවන්ට නිතර වැලදෙන, ඒවගේම සුව වීමටත් යම් කාලයක් ගත වෙන සෙම්ප‍්‍රතිශ්‍යාව, කැස්ස වැනි රෝග තත්ත්ව මත දරුවන්ට එන්නත් ලබා දීම ප‍්‍රමාද කිරීම ඉතා අනුවණ ක‍්‍රියවක් වන අතරම, දරුවාගේ නිරෝගී පැවැත්ම පිළිබ`දව සිතා බැලීමේදී විශාල අසාධාරණයක් වනු ඇත. එවැනි සුළු රෝග තත්ත්ව පැවතුනද දරුවා සාමන්‍ය පරිදි ක‍්‍රියාකාරකම්වල යෙදෙමින් සිටිනවා නම් එන්නත් ලබා දීම කිසිසේ්ත් ප‍්‍රමාද කළ යුතු නොවේ. මව්වරුන් අනවශ්‍ය බිය නිසා තම තනි මතයට ලබාගන්නා මෙවැනි තීරණ හේතුවෙන් එන්නත් මගින් වළක්වා ගත හැකි රෝග තත්ත්ව නිසා දරුවන්ගේ ජීවිත අවදානම් තත්ත්වයන් කෙරේ ඇද වැටීමට ඉඩ ඇත.

- Advertisement -

දරුවන්ට එන්නත් ලබාදෙන්න, මව්වරුන් බිය විය යුතුද?

ශ‍්‍රී ලංකාව වෙත ආනයනය කරනු ලබන සියලූ එන්නත් සෞඛ්‍ය අමාත්‍යංශයේ නීති පද්ධතියට අනුකූල ප‍්‍රමිතිය යටතේ පවතීද යන්න පිළිබ`දව ජාතික ඹෟෂධ පාලන අධිකාරියේ ඒ සම්බන්ධව පුහුණුව ලැබූ විශේෂඥ වෛද්‍යවරුන්ගේ පරීක්‍ෂාවට ලක්කෙරෙන අතරම අපේ ජාතික ප‍්‍රමිතිය ලෙස සැලකෙන්නේ ලෝක සෞඛ්‍ය සංවිධානයේ ප‍්‍රමිතියයි. ලෝක සෞඛ්‍ය සංවිධානයේ ප‍්‍රමිතියට අනුකූල නැති එන්නත් කිසිවිටකත් ශ‍්‍රී ලංකාවේ ලියාපදිංචි කිරීම සිදුනොවේ.
උපතේ සිටම දරුවන්ට එන්නත් ලබාදීම රජයේ සායන සහ රෝහල් මගින් වගේම පෞද්ගලික අංශයේ රෝහල් හා වෛද්‍යවරුන් හරහා සිදුකෙරෙනවා. අපේ රට තුළ මේ සෑම ස්ථානයකදීම ලබා දෙන්නේ සෞඛ්‍ය අමාත්‍යංශයේ අනුමැති ලද එන්නත් පමණක් නිසා කුමන ස්ථානයකින් ලබාගත්තද එහි කිසිදු හානියක් ඇති නොවේ. නමුත් ඒ සඳහා සැමවිටම විශ්වාසවන්ත, වැඩි වශයෙන් එන්නත් අලෙවි වන රෝහලක්/සායනයක් කරා යොමුවීම ඉතා වැදගත්ය. එන්නත් සැමවිටම ශීත දාමය රැුකෙන පරිදි ගබඩා කර තැබීම ඉතා වැදගත් වන අතරම අවම වශයෙන් දිනකට දෙවරක් ශීතකරණයේ උෂ්ණත්වය සටහන් කිරීම රෝහල් සහ සායන හරහා සිදුවිය යුතු අනිවාර්ය කටයුත්තකි.
එන්නත් ලබාගැනීමේදී එය ලබාගන්නා ස්ථානය, ප‍්‍රමිතිය පමණක් නොව, නිසි ප‍්‍රයෝජන ලබාගැනීමට එන්නත් කිරීමේ නියම ක‍්‍රම අනුගමනය කිරීම බොහොම වැදගත්. උදාහරණ ලෙස ත‍්‍රිත්ව එන්නත අන්තර්පේශීව ලබා දේ. නමුත් එම් එම් ආර්, පැපොළ වැනි එන්නත් ලබාදෙන්නේ අධෂ්චර්මීයවයි. මෙසේ ලබාදෙන එක් එක් එන්නත සඳහා යොදාගන්නා සිරින්ජරය මෙන්ම ඉඳිකටුවද වෙනස් විය හැකියි. ඒ පිළිබඳව හොඳ දැනුමක් වෛද්‍යවරයා සතුවිය යුතුයි.
පුළුල් ප‍්‍රතිශක්ති වැඩපිළිවෙළට ඇතුළත් නොවන ඇතැම් එන්නත් වර්ග අද වන විට පෞද්ගලික අංශය මගින් රෝහල් මගින් ලබා දෙන අතරම රැුකියාවල නියුතු ඇතැම් මව්වරුන්ට රජයේ සායන වෙත ගොස් රැු`දී සිටීමට කාලය අවම නිසා ඔවුන් බොහෝවිට තම දරුවන්ට අවශ්‍ය සියලූම එන්නත් බලාගන්නේ පෞද්ගලික අංශයෙනි.
රජයේ සායනය හෝ පෞද්ගලික අංශයේ රෝහල මගින් හෝ එන්නතක් ලබා දුන් පසු එහි කල්ඉකුත් වීමේ දිනය, කාණ්ඩ අංකය, එන්නත ලබා දුන් දිනය, ලබාදුන් ස්ථානය, ලබාදුන්නේ කවුරුන් විසින්ද සහ තව මාත‍්‍රා ලබාදිය යුතු නම් නැවත පැමිණිය යුතු දිනය සඳහන් කර තිබේදැයි පරීක්‍ෂා කරන්න. එය අත්‍යවශ්‍ය කරුණක් වන්නේ යම්හෙයකින් අතුරු ආබාධයක් ඇති වූ අවස්ථාවක මේ කරුණු ඉතා වැදගත් වන බැවිනි. එසේම වැදගත් වන අනෙක් කරුණ වන්නේ එන්නත් ලබාදීමෙන් අනතුරුව යම් අතුරු ආබාධ තත්ත්වයක් ඇති වුවහොත් එන්නත ලබාගත් සායනය/රෝහල හෝ වෛද්‍යවරයා වෙත දැනුම් දීමයි. එමගින් ඔබට අවශ්‍ය නිසි වෛද්‍ය උපදෙස් කරා යොමු විය හැකිය.
නිරෝගිමත් දරුපරපුරක් දැයට දායාද කරන්නට සැරසෙන දැයේ නැණවත් මව්වරුන් වන ඔබ බෝවන රෝග රැුසකින් දරුවන්ගේ ජීවිත රැුකගැනීම ස`දහා පළපුරුදු නිසි වෛද්‍ය උපදෙස් සමගින් විශ්වාසවන්ත රෝහල/සායන හරහා ඔබේ දරුවාට අවශ්‍ය එන්නත් අදාල කාල සීමාවේදී ලබාදෙන්නට කටයුතු කරන්න.

එන්නත් සහ වෛරස රෝග විශේෂඥ වෛද්‍ය ඔමාලා විමලරත්න 
මහත්මිය සමග කරන ලද සාකච්චාවක් ඇසුරෙනි.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article