- Advertisement -

ඔබ උපයන මුදල් නිසි ලෙස කළමණාකරණය කරනවද?

-

දින සති මාස ගෙවිලා ගිහින් ඔන්න 2017 වසරේ පළමු මාසයත් නිමාවට පත් වෙලා. මාසය අවසාන වන තෙක් අප බොහෝ දෙනා මග බලන්නේ මාසික වැටුප අතට ගන්නයි. වියදම් නම් කොච්චරක්ද නේද?හැබැයි ඉතින් මේ දේවල් කරන්න දෙයියන්ගේ මල්ලි ඒ කියනනේ සල්ලි ඕනීනේ. ඒත් ඉතින් ඔය දෙයියන්ගේ මල්ලිව නිසියාකාරව මාසය පුරාවටම කළමණාකරණය කරන්නට නොහැකි වුනොත් නම් දෙයියන්ගේ පිහිටවත් ලැබෙන්නේ නැහැ. සිද්ධ වෙන්නෙ හතර අතට ණය වෙන්නයි. කොහොම වුණත් මේ ලිපිය ලියන්න අවශ්‍ය යැයි මට සිතුනේ මගේ යෙහෙළියක් කියපු දෙයක් නිසාවෙන්මයි.

“හැම මාසෙම ක්‍රෙඩිට් කාඞ් එකෙනුත් ජීවත් වෙන්න වෙලා”

- Advertisement -

“ඇයි අනේ ඒ”

“අනේ මන්දා අනේ කොච්චර සල්ලි තිබුණත් මදි.”

“හ්ම්… ගෙදර වියදම් කොහොමද ඔයා කරන්නේ?”

“ඕනි ඕනී දේවල් ඒ ඒ  වෙලාව ගෙදර යන ගමන් ගන්නවා.”

බොහෝ විට ගෙදර විය පැහැදම් කරන්නේ අපේ අම්මලා. සමහර වෙලාවට මාසෙ මැදක් වෙද්දි අතේ සතේ නැතිව දස අතේ කල්පනා කරන්න වෙන අවස්ථා ඔබට උදා වෙලා ඇති. හරි අපි මාතෘකාවට එමු ඔබත් නිවසේ වියපැහැදම් කරන්නේ ඕනී ඕනී වෙලාවටද? එහෙනම් එළැඹෙන නව වසරෙදි නිවසෙ වියදම් කළමණාකරණය කරගන්න සුදානම් වෙන්න. මන්ද පවුලේ සමගිය සතුට වෙනුවෙන් මුදල් කළමණාකරණය වඩාත් වැදගත් නිසා.

මුදල් නිසි ලෙස කළමණාකරණය කරගැනීමෙහි මූලිකම පියවර අය වැය ලේඛණයක් එහෙම නැත්නම් බජට් එකක් පිළියෙල කර ගැනීමය. බජට් එක පිළියෙල කරන්නට ඔබේ සිය`ඵම ආදායම් හා වියදම් සටහන් කරගන්න. බොහෝ විට ආදායම් මුලාශ්‍ර බොහෝමයක් අපට නැහැ. මාසික වැටුප හෝ කුලී ආදායමක්, නිවසේ සිට උපයන මුදල් තමයි අපේ මාසික ආදායම්. ආදායම් සීමිත වුවත්  වියදම් නම් බොහෝමයකි. ඒ ඒ වෙලාවට වියදම් කරන ඔබගේ පසුම්බිය හිස් වන්නේ ඔබටත් නොදැනුවත්වමය. එනිසා වියදම් පිළිබඳ නිශ්චිත අවබෝධයක් නොතිබුණා නම් අද සිට ඔබේ වියදම් පිළිබඳ අවබෝධයක් ලබා ගන්නට උත්සහ කරන්න. මෙහිදී ඔබ මතක තබා ගත යුතු වැදගත්ම කාරණය  නම් සුළු වියදම්ද සටහන් කර ගැනීමය. කුඩා සටහන් පොතක් ගෙන සියළු වියදම් සටහන් කරගන්න. මුලින්ම ඔබට ස්ථිරවම මාසිකව ඔබ දැරිය යුතු වියදම් සටහන් කරගන්න. ඊට අමතරව ඔබට දරන්නට සිදුවේ යැයි නිගමනය කරන වියදම් සටහන් කරගන්න.

උදාහරණ ලෙස ආහාර ,ගෙවල් කුලි වියදම්, විදුලි බිල,ජල විදුලි බිල,ගෑස් සඳහා, අධ්‍යාපන වියදමි, ප්‍රවාහන වියදම්, වාහන සඳහා ඉන්ධන වියදම්, වෛද්‍ය ප්‍රතිකාර වැනි වියදම් මාසිකව අනිවාර්්‍යයෙන්ම ඔබට දැරීමට සිදුවන වියදම්ය.ඊට අමතරව අනාගත කටයුතු සඳහා ඉතිරි කිරීම,විනෝද ගමන්, රූපලාවන්‍ය කටයුතු වැනි වියදම්ද ඔබ සතුය. මේ සෑම වියදමක් සඳහා කොතෙක් මුදලක් වැය වන්නේදැයි සටහන් කරගන්න.

නිවසට මාසයටම අවශ්‍ය වියළි ආහාර, සනීපාරක්ෂක ද්‍රව්‍ය එකවර මිලදී ගන්න. ඒ සඳහා ඔබ සටහන් කල වියදම් සටහනේ ඒ සඳහා වැය වූ මුදල රු.8500 ක් පමණ වූ වා නම් ඒ සඳහා රු.10,000 වෙන් කරන්න. සතියට අවශ්‍ය මස් මා`ඵ එළවලු සඳහා වැය වන මුදල කොතෙක්දැයි බලන්න එය සාමාන්‍යයෙන් රු.3000 පමණ නම් රු. 3500 බැගින් මාසයටම රු,14000 වෙන් කර තබන්න.

යම් හෙයකින් ඔබ ඇස්තමේන්තු කළ මුදලට අඩුවෙන් වියදම් වූවා නම් එම මුදල් කැටයකට දමන්න. එවිට එම ඔබට හදිසි මුදල් අවශ්‍යතාවයන්ට ප්‍රයෝජනවත් වනු ඇත.

පහත දක්වා තිබෙන අය වැය ලේඛනය ඔබේ අවබෝධය සඳහා ප්‍රයෝජනවත් වනු ඇත.

img_mny

ඉතින් එළැඹුන ගෙවී යන නව වසර නව්‍යතාවයකින් අරමුණු, බලාපොරොත්තු සඵල කරගන්නට මුල්‍ය කළමණාකරණය ඔබට මහත් පිටුවහලක් වනු නොඅනුමානය.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article