විවාහ මංගල්‍යයේදී අනුගමනය කරන චාරිත්‍ර

happy-wedding

විවාහයක් කියන්නේ ඒනෑම පුද්ගලයෙකුගේ ජීවිතයේ දෙවැනි උපතක්. ඒ නිසා විවාහය මුල් කර ගත් චාරිත්‍ර විෂයෙහි අපි කවුරුත් තවමත් උනන්දුවක් දක්වන්නේ ඒ නිසයි. විවාහයේදී බැඳී තිබෙන සිරිත් තුළ අනාගතය මුල් කර ගත් වාසනාව හෝ අවාසනවාන රදා පවතින්න පුලුවනි. ඒ නිසාම අපිට විවාහයේදී අනුගමනය කරන සිරිත් යල් පැන ගියාය කියල ඉවත දමන්න බැහැ.

පොරොන්දම් බැලීම

වසර ගණනාවක් ආදර සම්බන්ධතාවයක් පවත්වා ගෙන ගියත්, බාහිරව කොතරම් ගැලපුනත් ඔබේ පුතාගේ හෝ දියණියගේ ආදරවන්තයාට එහෙම නැත්නම් ආදරවන්තියට ඔබ අවසර දෙන්නේ මේ විදිහට නොවෙයිද…?මොනවා වුනත් කේන්දර ගැලපුනොත් තමයි… මේ විදිහට ඔබ සඳහන්  කිරීමත් සාධාරණයි. විවාහයේදී ගලපන පොරොන්දම් විස්ස අතරින් වඩාත් අවධානයක් ලබා දෙන්නේ ගණ, ලිංග, නාඩි, වෘක්ෂ වැනි විශේෂිත සහ ජීවිතයට බලපෑම් අැති කරන පොරොන්දම් පිලිබඳවයි.ඒ නිසා පොරොන්දම් විස්සම ‍ගැලපෙන්න අවශ්‍යත් නැහැ.

මනාලිය බැලීම

මනාලය හොදින් දැන හඳුනාගෙන සිටියත් තවමත් සිරිතට අනුව මනාලිය බැලීමට යෑම සිද්ධ වෙනවා. යෝජිත විවාහයකදී නම් මනාලිය දකින්නේ එදිනටයි. මනාලිය බුලත් හෙප්පුවක් ගෙනැවිත් මනාලයාට පිලිගන්වා ඇයද ඒ අසල අසුනක වාඩි වෙනවා.

මනාලයාගේ ගෙදරදොර බැලීමදෙදෙනා අතර කැමැත්තක් ඇති වුනොත් මනාලයාගේ ගෙදරදොර බැලීමට යෑමත් විවාහ සම්ප්‍රදායක්. මේ ගමනට මනාලිය පැමිණෙන්නේ නැහැ. පවුලේ වැඩිහිටි ඥාතීන් මනාල‍යාගේ ගෙදරදොර බැලීමට යැමෙන් පසු තමන්ගේ තරාතිරමට ගැලපෙනවා නම් දෙපාර්ශවය අතර කැමැත්ත තහවුරු වෙනවා.

නැකැත් කැවුම් රැගෙන යෑම

දැන් සියල්ල තීන්දුයි. විවාහයට දින නියම වීම සහ අදාල සිරිත් වෙනුවෙන් නැකැත් පත්‍රය මනාලියගේ නිවසට රැගෙන යෑමේ සුබ කටයුත්ත සිදු වෙනවා. මේ නැකැත් ජ්‍යොතිෂඥයෙන් විසින් සකස් කරනවා. එම නැකැත් අතරට,

  • මනාලයාට නිවසින් පිටත්වීම
  • පෝරුවට නැගීම
  • අතපැන් වත් කිරීම
  • මනාලියට සලු පිලි ඇන්දවීම
  • පෝරුවෙන් බැසීම
  • නව යුවලට පිටත්වීම

ආදි සුබ කටයුතු වෙනුවෙන් නැකැත් පිළියෙ වී තිබෙනවා.නැකැත් සමග කැවිලි ආදිය රැගෙන යන අතර මනාලියගේ නිවසින්ද ඔවුන්ට ආදර සංග්‍රහ පවත්වනු ලැබේ.

බුලත් දීම

විවාහ මංගල්‍යය වෙනුවෙන් බුලත් දීම සඳහා පවුලේ සුබ තැනැත්තෙක් තෝරා ගෙන බුලත් දී මුලින්ම ඔහුට ආරාධනය කරනවා. අවශේෂ අයට ආරාධනය මෙම සිදුවීමෙන් පසුව සිද්ධ වෙනවා. කැවිලි පිළියෙල කිරීම වෙනුවෙනුත් නැකැතක් හෝ සුබ වේලාවක් තෝරා ගැනීම සිදු වෙනවා. පෝරුව එදා නම් මනාලියගේ නිවසේ ඉදි වුන අතර ඒ වෙනුවෙන් නැකැත් සාදා ගන්නා අතර පෝරුවට කිරි ගසක කොටසක් එක් කරනුයේ අනාගත දරු සම්පත් ලැබීමේ වාසනාවට සුබඵල ලබා දෙන අදහසින්ය.

විවාහය දිනයේ මනාලයාගේ පැමිනීම

විවාහ දිනයේදී මනාලයා තම ඥාතීන් සමග නැකැත් වේලාවට ඔහුගේ නිවසින් පිටත් වෙනවා. මනාලයා පැමිණි පසු ඔහුගේ පා සේදීම බාල සහෝදරයා අතින් සිද්ධ වෙනවා. ඒ වෙනුවෙන් රත්රන් මුද්දක් ඔහුට තෑගි කරනවා. ඇතැම් අය මනාලයා සහ පැමිණි පිරිස පිලිගැනීමට ආරාධනා ගීතයක් ගායනා කරනවා.මනාලයාගේ පාර්ශවයෙන් මනාලියගේ පියාට බුලත් හුරුල්ලක් පිරිනමන අතර එහි ඇති බුලත් කොළ ගණනින් මනාලයාගේ පාර්ශවයෙන් පැමිණි සංඛයාව තීරණය වෙනවා.

පෝරුවේ චාරිත්‍ර

විවාහ මංගල්‍යයක වැදගත්ම අවස්ථාව පෝරුවේ චාරිත්‍රයි. නැගෙණහිර දෙසට මුහුණ ලා පිහිටුවා තිබෙන පෝරුවේ ඇති වේදිකාව මත කලාලයක් එලා ඒ මතපොල් ගෙඩියක්, හාල් සේරු දෙකක් තබා කාසි විසුරුවා තිබෙනවා.සතර කෙළවර පහන් දැල්වීමට පුන් කලස් හතරක් තබා තිබෙනවා. පළපුරුදු අයෙක් අෂ්ටක ගාථා ගායනාවට සම්බන්ධ වෙනවා. මනාලයා වම් පසිනුත් මනාලිය දකුණු පසිනුත් පෝරුවට නංවන අතර මනාලිය ඇගේ මාමා කෙනෙකුන් විසිනුත් මනාලයා ඔහුගේ පියා හෝ වැඩිහිටි ඥාතියෙකු විසිනුත් පෝරුවට නංවනවා. පෝරුවට නැවීමට පෙර නව යුවල පන්සිල්හි පිහිටුවීමත් සිදු වෙන්නේ තෙරුවන් ගුණ සිහිපත් කර ආශිර්වාද ලබා ගැනීමටයි.පෝරුවට නාවා අෂ්ටක ගායනා කිරීම සිදු වේ.

” උතුම් බෝසත් උපන් මෙකපට කිඹුල්වත්පුර මංගලම්
පැතුම් බලයෙන් වරින්වර දුන් ඇසින් මස් ලේ දන් බෙලෙන්
දෙතුන් විඩයක් පොළව මිහිකත දෙස් තියා වෙව්ලූ බලෙන්
උතුම් තෙරුවන් බලෙන් වේවා යුවතිපතිහට මංගලම්…”

 

මනාලයාගේ වම් අතේ සුලැගිල්ල මනාලියගේ දකුණු අත සුලැඟිල්ල එකට තබා රන් කෙන්දකින් බැඳ අතපැන් වත් කරනු ලැබ්.එයින් අනතුරුව මුදු මාරු කිරීම, තැලි පිලි පැලැන්දවීම සිදු වේ. මනාලයා විසින් මනාලියගේ අම්මාට කිරි දුන් ණයට හිලව්වට සුදු රෙදි කච්චියක් පිරිනමනු ලැබේ. බාලිකාවන් විසින් ජයමංගල ගාථා ගායනයෙන් නව යුවලට ආශිර්වාද කරනු ලැබේ. දෙපාර්ශවයේ මාපියන් ඇතුළු සමීපතම ඥාතින් අතර බුලත් හුවමාරු වේ. එම බුලත් පෝරුවේ බිම අතුරා තිබේ.

නව යුවල පෝරුවෙන් බසින විට පොල් ගෙඩියක් බිඳින අතර එයත් අනාගත සුබඵල නිමිති සේ සැලකේ. පොල්ගෙඩිය එකපහරින් බිඳීම, එහි දෙපලු වෙන බෑ අතර වෙනස අනාගත නිමිති සේ සැලක්. නව යුවල පෝරුවෙන් බැසීමෙන් පසුව සාමාන්‍ය සංග්‍රහ කටයුතු ආරම්භ කෙරේ.

උත්සව සභාවේදී පෙර දර්ශන සහ සංගීත කණ්ඩායම් මගින් කන් බිහිරි කරවන සංගීත ඇතැම් අවස්ථාවන්හි දරා ගන්නත් අපහසුය. පෙර දර්ශන සාමාන්‍ය චිත්‍රපටයකට සමානය. එයින් අනතුරුව හිතෙන්නේ මෙම නව යුවලට දෙවැනි ගමනක් වෙනුවෙන් ඉතිරිව යමක් ඇත්තේදැයි යයන්නයි.

දෙපාර්ශවයේ මාපියන් ඇතුළු සමීපතම ඥාතින් අතර බුලත් හුවමාරු වේ. එම බුලත් පෝරුවේ බිම අතුරා තිබේ.

නව යුවල පෝරුවෙන් බසින විට පොල් ගෙඩියක් බිඳින අතර එයත් අනාගත සුබඵල නිමිති සේ සැලකේ. පොල්ගෙඩිය එකපහරින් බිඳීම, එහි දෙපලු වෙන බෑ අතර වෙනස අනාගත නිමිති සේ සැලක්. නව යුවල පෝරුවෙන් බැසීමෙන් පසුව සාමාන්‍ය සංග්‍රහ කටයුතු ආරම්භ කෙරේ.

උත්සව සභාවේදී පෙර දර්ශන සහ සංගීත කණ්ඩායම් මගින් කන් බිහිරි කරවන සංගීත ඇතැම් අවස්ථාවන්හි දරා ගන්නත් අපහසුය. පෙර දර්ශන සාමාන්‍ය චිත්‍රපටයකට සමානය. එයින් අනතුරුව හිතෙන්නේ මෙම නව යුවලට දෙවැනි ගමනක් වෙනුවෙන් ඉතිරිව යමක් ඇත්තේදැයි යයන්නයි.

එහෙත් මෑතකදී මම සහභාගී වූ විවාහ මංගල්‍යක ලත් අත්දැකීම මෙසේය. ඔවුන් දෙදෙනාම වෛද්‍යවරුන්ය. පෙර දර්ශන වෙනුවෙන් තිබුනේ දෙදෙනාගේම ජීවිතයේ උපතේ පටන් වසර දහයෙන් දහයට වූ  විශේෂ ඡායාරූප දර්ශන පමණි. ඒ වෙනුවෙන් නිදහස් කවි කීපයක්ද ඇතුලත් විය.

සංගීතය අතරත් සිත් ගත් අවස්ථාවන් වූයේ කන් බිහිරි කරවන ඝෝෂවක් නොවීය. නව යුවල පෝරුවට නගින විට,

“වාසනාවේවා…වාසනාවේවා…

සුන්දර කුමරිය මනමාලිය වී මංගල මල් නැකතේ

පින්බර කුමරුන් සමගින් අතිනත අරගෙන

දීගෙක යන දවසේ..”

එයින් අනතුරුව මව්පියන්ට නමදින විට,

“මාතු පාදං නමාමි…” ගීතයත්

ඔවුන් පිටත්ව යන විට,

“පුංචි දවස්වල නින්දට යද්දී..” ගීතය සහ “සුබගමනක් වේවා… සුදු දුව සුබ ගමනක් වේවා..”  වැනි අර්ථාන්විත ගීත පමණක් ගායනා කිරීම නිසා පැමිණි සිටි හැමදෙනාටම ඉතාමත් සැහැල්ලුවෙන් අල්ලාප සල්ලාපයේ යෙදීමට අවස්ථාව ලැබුණි.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here