පුතා ඉස්කෝලේ යන්න බැහැ කියනවද ?

child-refuse-schooling

කිසිම කරදරයක් නැතුව පාසල් ගිය ඔබේ දරුවා හිටිහැටියේම පාසල් යන්න බැහැයි කියමින් කලබගෑණයක් කරන්න ගත්තොත්… එහෙම නැත්නම් උදේට පාසල් යන කාලව්ලාව ගෙවෙන තුරු විවිධ රෝගාබාධ ගැන පැමිනිලි පටන්ගත්තොත් ඔබ නිහඩ විය යුතු නැහැ. ඒ වගේම දරුවාට දඬුවම් පමුණුවමින් පාසල් යන්නත් උත්සාහ ගන්න එපා.

එහෙමනම් කරන්නේ මොකද…? ගෙදර තියා ගන්නයැ…

දරුවාගේ මේ පසුබෑමට බලපාන හේතුවක් කොතැනක හෝ ඇති. ඇතැම් දරුවන් පාසල් ගේටුටුවෙන් ඇතුලු වුන තැන පටන් පාසල අවසාන වෙන තෙක් සිද්ධ වුන හැම දේම චිත්‍රපටියක් වගේ දෙමව්පියන්ට කියනවා. තවත් අය මේ කිසිවක් නොකියා අවශ්‍ය දේ පමනක් දෙමව්පියන්ට කියනවා. තවත් දරුවන් කොටසක් කිසිම දෙයක් මව්පියන් සමග බෙදා හදා ගන්නේ නැතුව තමා විසින්ම තනියම දරා ගැනීමට උත්සාහ කරනවා. ඔය කණ්ඩායම් තුන අතරින් ඔබේ දරුවාත් තුන්වැනි කණ්ඩායමට ඇතුලත් වුනොත් තත්වය දරුනුයි. ඔබ නොකීවාට දරුවාට පහත දරකුවෙන අන්දමේ කුමන හෝ අසීරුතාවයක් ඇති. ඔහු පාසල් ගමනට පසුබෑම් කරන්නේ ඒ නිසා වෙන්නැති.

විෂය අපහසුතාවයන්

පංතියක උගන්වන දෙය හැම දරුවෙකුටම එක හා සමාන විදිහට ධාරනය කර ගන්න බැහැ. එය එක් එක් දරුවාගෙන් වෙනස්. මේ නිසා පංතියේදී දරා ගැනීමට අපහසු දෙය වෙනුවෙන් ඔවුන්ට උදව් අවශ්‍ය වෙනවා. ඒත් ඔබ ඒ ගැන නොදන්නේ දරුවා කිසිම දිනක මේ ගැන පැමිණිලි නොකරන නිසා වෙනන් පුලුවන්. නිතරම ඔවුන්ගේ පොත් පත්, පංතියේ පැවරුම්, ලැබෙන ලකුනු ගැන උනන්දුවෙන් බලන්න. එවිට වැරදුන තැන කොතැනද කියලා ඔබට තේරුම් ගනන් පුලුවනි. එසේ නොමැතිව විෂය නිසා අසීරුතාවයට වැටෙන දරුවා ප්‍රතිචාර දක්වන්නේ “මට ඉස්කෝලේ යන්න බැහැ…” කියන විදිහට විය හැකියි.

පංතියේ අඩන්තේටට්ම්

අද පංතියක වුනත් දරුවන් අතර හැසිරීම් ඉතාම වෙනස්. ඉහළ පංතිවල දරුවන්ගේ අඩන්තේටට්ම් වගේම සම වයස් කන්ඩායම් අතරත් අඩන්තේටට්ම් තිබෙනවා. පසුගිය දිනක නව යොවුන වියේ දරුවෙන් නිවසේ විදුලි පංකාවක එල්ලී සිය දිවි හානි කරගත්තේ පංතියේ දරුවන්ගේ සමච්චල් ඉවසා ගැනීමට බැරුවයි. එතෙක්ම දරුවා මේ ගැන දෙමව්පියන්ට පවසලා නැහැ. මේ තැනට නම් වගකීම පාසල් මටටමින් සිදු වෙනන් ඹ්න. අද බොහෝ පාසල්වල ගුරුවරුන් නොමැති අවස්ථාවල ඒ කාලච්ඡේද වෙනුවෙන් දරුවන්ට වැඩ කොටසක් පැවරෙන්නේ නැහැ. එවිට දරුවන් අයාලේ යෑම නිසා මේ වගේ සිද්ධින් වලට මුලින්ම මුල පිරීම ඇති වෙනවා. ඒ නිසා පංතියක් මොනම වේලාවකවත් ගුරුවරුන්ගේ අවධානයෙන්මිදීම එතරම් සුබදායක නැහැ. වෙනත් වැඩකට හෝ දරුවන් යොදා ගැනීම සිද්ධ වුනොත් අනවශ්‍ය විදිහට අඩන්තේට්ටම් වෙනුවෙන් දරුවන්ට යොමු වීමට කාලයක් නැහැ.

අපචාර

දරුවන්ට ඇති වෙන ලිංගික අපචාර නිසාත් මේ අන්දමින් පසුගාමිබවක් ඇති වෙන්න පුලුවන්. එක්තරා දරුවෙක් පාසලේ වෑන් රියේ රියදුරාගෙන් අපචාරයට පත් වුන අතර ඔහු එම ක්‍රියාව නිවසේදී සිදු කරන විට පියා කරුනු විමසා සිටියා. තවත් දරුවෙක් ඉහල පංතියක පිරිමි දරුවෙක් ලිංගිකව සන්තර්පනය කිරීමට ‍ගොස් මානසිකව මහත් සේ අපහසුතාවයට පත් වුනා. ඒ නිසා මේ අන්දමින් කටයුතු එදා නොවුනාට අද ඒ දේවල් සිද්ධ වෙන පරිසරයක් තිබෙන නිසා ඉතාම අවධානයෙන් සිටීම වැදගත්.

පාසලේ දැඩි විනය

ඇතැම් පාසල්වල තිබෙන වියත් සීමාව ඉක්මවා යෑම අපහසුතාවයක්. වැසිකිලි, කැසිකිලි කටයුතු වෙනුවෙන් අවසර නොලද විට දරැවා මහත් අපහසුතාවයට පත් වෙන අතර එය පංතියේදී  පවා සිදු වෙන්න පුලුවන්. එයින් ඇති වෙන අවමානය නිසාම ඔහු “මට ඉස්කෝලේ යන්න බැහැ…” ලෙස කියන්න පුලුවන්.

දඬුවම්

අද දරුවන්ට දඬුවම් කිරීම නීතියෙන් සීමා වුනත් ඇතැම් මානසික දඬුවම් නිසා දරුවන්ට සිද්ධ වෙන බලපෑම ශාරිරික දඬුවමට වඩා බලවත්.ඇතැම් අවස්ථාවන්හිදී එයින් ලැජ්ජාවට පත් වෙන්න පුලුවන්. සම වයස් අතර විහිලුවට පත් විය හැකියි. ඒ නිසා දරුවන්ට දඬුවම් ලබා දෙන විට ඉතාම සීරුවෙන් එය කිරීම අවශ්‍ය වෙනවා.

දරුවෙකුට පාසලක් එපා වෙනවා කියන්නේ සුලුපටු කරදරයක් නොවෙයි. ඔහුට අනාගත වාක්‍ය ගායනා කළාට වැඩක් නැහැ. දරුවා බලන්නේ අද දවස ගැන විතරයි. පාසලක් වෙනස් කරල වෙනස් පාසලක් ලබා ගැනීම ගලෙන් පටට්යක් ගැනීමට සමානයි. ඊටත් ජනප්‍රිය පාසලකදී මෙවන් තත්වයක් ඇති වුනොත් ඒ දරුවා ඒ පාසලෙන් අයින් කරගෙන වෙනත් පාසලකට යැවීමත් ගැටළුවක්. ඒ වගේම සාමාන්‍ය පාසලකින් මේ අන්දමට අපහසුතාවයකට පත් වෙන දරුවෙක් වෙනුවෙන් ජාතික හෝ ජනප්‍රිය පාසලක් ලැබෙයිද..? මේ දෙකම නොවෙන දෙයක්.

ඒ නිසා ළඟම පාසල හොඳම පාසල වගේම හැම පාසලකින්ම දරුවන්ට මානසික සහනයක් ඇති වෙන පරිසරයක් ගොඩ නගා ගැනීමට පුලුවන් නම් එය ඉතාම වැදගත්. සහර අවස්ථාවන්හිදී දෙමව්පියන් විසින් පංතියේදී දරුවන් විසින් කරන බලපෑම් ගැන දැනුම් දුන්නත් ඒ ගැන සලකා බැලීමට තරම් කාලයක් වේලාවක් වගේම අවධානයක් දැක්වීමට පාසල් ප්‍රධාණීන් උනන්දු නොවන්නේ මේවා ළමයි අතර සාමාන්‍ය දේවල් විය හැකිය යන පිලිගැනීම නිසා වෙන්නත් පුලුවන්. අතීතයේදී වගේ අද දරුවන් අතර කෙලි කවටකම් ඇස් රතු වෙන තැනට මිස සහසම්බන්දතාවයට නොවෙයි. ඉතාම ගුප්ත හැසිරීම් මේ අතර තිබෙනවා. අයියලාට වුනත් මල්ලී රැකබලා ගන්න දෙන්න පුලුවන් කමක් අද නැහැ. ඒ නිසා දරුවෙක් තුළ පාසල මුල් කර ගෙන කිසියම් අප්‍රසන්නතාවයක් තිබෙනවා නම් ඒ ගැන නොතකා හරීම නියපොත්තෙන් කඩන්න හැකි දේ පොරවෙන් කැපීම නොව එහි ඔඩු දුවන මුල් නිසා ජීවිතයම විනාහ කිරීමට තරම් බලවත් ගැටලු තිබෙන බව අමතක කරන්න එපා.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here