- Advertisement -

උෂ්ණ අධික පරිසරය දරුවන්ගේ අධ්‍යාපනයට බාධාවක්ද?

-

දරුවන්ගේ ඇතැම් හැසිරීම් අපිට තේරුම් ගන්නත් අපහසුයි. ඒ තරමටම පොඩිඑවුන් තේරුම් ගැනීම අපිට අසීරුයි.මේ නිසාම දරුවන්ගේ අධ්‍යාපනයේදි ඔවුන්ට බලපාන අපි නොදකින පැත්තක් තිබෙනවා. පාසල් වැඩ කටයුතු වෙනුවෙන් දරුවන් දක්වන පසුගාමීත්වය එහෙමත් නැත්නම් අදක්ෂතාවයට උෂ්ණත්වයත් බලපෑමක් සිදු වෙන බව දැන් අනාවරනය කර ගෙන තිබෙනවා.

ඇත්තටම මේ පිළිබඳව අත්දැකීම් ඔබටත් ඇති. පාඩම් කරන්න කිව්වාම “මට දැන් බැහැ රස්නෙයි… කියල දරුවා කිව්වොත් ඔබේ පිළිතුර…” මුහුණ කට හෝදාගෙන ඇවිත් පාඩම් කරන්න යන පිලිතුර විය හැකියි. ඒත් දරුවා මේ වචන පිටකරන්නේ කටට ආවාටම නොවන බව දැන් නම් පෙනී යනවා.

- Advertisement -

කිසිම කෙනෙක් නොසලකා හිටියත් හාවඩ් මේ අධ්‍යනයට “යුනිවර්සිටි ඔෆ් කැලිෆෝනියා” , ‍ජෝර්ජියා ප්‍රාන්ත විශ්ව විද්‍යාලය සහ ඇමරිකා එක්සත් ජනපදයේ හාවර්ඩ් විශ්ව විද්‍යාලය සම්බන්ධ වුණා. මෙම විශ්ව විද්‍යාල  මගින් සිදු කරන ලද අධ්‍යනයන් මගින් පෙනී යන්නේ උෂ්ණත්වය දරුවන්ගේ අධ්‍යාපනයට වැඩි බලපෑමක් කරන බවයි. කොටින්ම මෙම අධ්‍යනය “ඉහල උෂ්ණත්වය සහ අවම ප්‍රතිඵල” යනුවෙන් නම් කලොත් සාධාරණයි.

ඔවුන් මේ අධ්‍යනය වෙනුවෙන් හඹා යෑම හෙවත් අන්වායෑම පර්යේෂණ ක්‍රමය යොදා ගත්තා. ඔවුන්ගේ නියැඳිය වෙනුවෙන් විශාල පරාසයක සිසුන් සම්බන්ධ කර ගත් අතර එම අධ්‍යනය 2001වසරේ පටන් 2014 දක්වා වූ වසර 13 ක කාලයක් පුරා සිද්ධ වුණා. මෙම වසර දහතුනක කාලය තුළ ද්විතියික පාසල් අධ්‍යාපනය ලබන මිලියන දහයකගේ විභාග ලකුණු සම්බන්ධ කර ගැනීමට පර්යේෂකයන් උනන්දු වුණා. එහිදී පැහැදිලිව පෙනී ගියේ උෂ්ණත්වය වැඩි වසරවලදී ශිෂ්‍යන්ගේ විභාග ප්‍රතිඵල එතරම් සාර්ථක නැති බවයි.

ග්‍රීෂ්ම කාලයේ විභාග වෙනුවෙන් පෙනී සිටි දරුවන් මේ උෂ්ණත්වය තමන්ට විභාග ලිවීම වෙනුවෙන් බාධාවක් බව කියා සිටියා. කොහොම වුනත් උෂ්ණත්වය සහ අධයාපනය අතර සහසම්බන්ධතාවයක් තිබෙන බව දැන් පැහැදිලියි. උෂ්ණත්වය ඉහළ යන විට පාසල් දක්ෂතා පහළ යාම පළමු වරට පැහැදිලි සාක්ෂි ඇතිව ඉදිරිපත් කිරීමට හාවර්ඩ්, යුනිවර්සිටි ඔෆ් කැලිෆෝනියා ලොස් ඇන්ජලීස්, සහ ජෝර්ජියා ප්‍රාන්ත විශ්වවිද්‍යාලයේ පර්යේෂකයන් සමත් වී තිබේ.

ඇමරිකා එක්සත් ජනපදයේ ආර්ථික පර්යේෂණ පිලිබඳ ජාතික කාර්යාංශය මගින් පළ කරන ලද දැන්වීමක සඳහන් වෙන අන්දමට දරුවන්ගේ ඉගෙණුමට ශීත කාලගුණ තත්වය උෂ්ණ කාලගුණයට වඩා හිතකරව බලපාන බවයි. ඒ වගේම දරුවන් වෙනුවෙන් පැවරෙන ගෙදරවැඩ වෙනුවෙනුත් උෂ්ණාධික පරිසරය අහිතකර අන්දමින් බලපා තිබෙන බැව් මෙම අධ්‍යනයේදී පෙනී ගිය කරුණක්.

වසරකදී ඉහළ යන හැම සෙල්සියස් අංශක 0. 55 කටම ඉගෙනීමේ දක්ෂතාවයන් 1% කින් පහළ යන බව ඔවුන්ගේ අදහසයි. ඒ වගේම උෂ්ණත්වය අහිතකර විදිහට බලපෑම් ඇති කරන්නේ උෂ්ණත්වය සෙල්සියස් අංශක 21 ඉක්මවා ගියාට පසුව බවත් පර්යේෂකයන් විසින් පෙන්වා දෙනවා. ඒ නිසා දාඩිය ඇති හැම දවසක්ම ඉගෙණුමට හොඳ නැහැ යන මතයක් ගොඩ නගා ගැනීම අවශ්‍ය නැහැ.ඒ අතරම උෂ්ණත්වය සෙල්සියස් අංශක 32 දක්වා ඉහළ ගිය විට බලපෑම වැඩි වෙනවා.වායුසමීකරණ භාවිතා කරන යහපත් ආර්ථික පරිසරයක සිටින දරුවන් උෂ්ණත්යෙන් පීඩා විදීමට විකල්ප සපයා ගන්නවා.

ඉස්සර අපේ රටේ වුනත් තිබුනේ එලිමහන් පංති කාමර ගැන ආයෙමත් හිතන්න පුලුවනි. පුටුවක් අරගෙන පාසල් වත්තේ තිබෙන ගසක් වටා රවුමට හිඳගෙන අකුරු කරපු කාලයක් අපිට තිබුණා. දැන් නම් කොන්ක්‍රිට් නිසා ඒවා ටිකෙන් ටික අපෙන් ඈතට ගිහින්.

තවම අපි ප්‍රමාද නැහැ..

ඒ වුනත් අපිට තවම වුනත් එලිමහන් පංති කාමර ගොඩ නගා ගැනීමට පුලුවන්. නිවසේදී උෂ්ණත්වය අධික දවසට හොදින් සුලං හමන තැනක් තෝරා ගන්නත් පුලුවන්. සමහර දරුවන් බැල්කනියේ පාඩම් කරන්න යොමු වෙන්න පුලුවනි. ඒ වගේ වේලාවට “පුතා යන්න..කාමරයට..ඔතන පාඩම් කරන්න පුලුවන් තැනැක්ද..?” යනුවෙන් අණදීම ඉදිරියේදී නවත්වන්න වෙන හැඩයි. මොකද කිව්වොත් උෂ්ණත්වය දරුවාගේ අධ්‍යාපනයට ඇවැසි පරිසර තත්වයට බලපාන නිසා හීල් හෙවනක පාඩම් කරන අවසරය සහ නිදහස ඔවුන්ට ලබා දීම ඉතාම වැදගත්.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article