අද දරුවන්ට ඉවුම් පිහුම් සිම්පල් මෙන්න මේවා නිසයි

cooking

ඉස්සරකාලයේදී නම් ගැහැණු දරුවන්ට උයන්න පිහන්න අමුතුවෙන් ඉගෙන ගන්න අවශ්‍ය වුනේ නැහැ. ඊට හේතුව වුනේ අම්මා, අක්කා, නැන්දා, පුංචිඅම්මා සමග ගැහැණු දරුවාත් නිරන්තරවම මුලුතැන්ගෙදර වැඩකටයුතු වෙනුවෙන් දායකත්වය ලබා දුන්නා.ඒත් කාලයත් සමග ගැහැණු දරුවන් අධ්‍යාපනය වෙනුවෙන් යොමු වීම නිසා ඔවුන් මුලුතැන්ගෙයින් යම්තාක් දුරකට දුරස් වුනා. අධ්‍යාපනය ලැබීමෙන් පසුව ගැහැණු දරුවන් ආහාර වට්ටෝරු පොත් පත් අරගෙන එහෙම නැත්නම් පුද්ගලික ඉවුම් පිහුම් පංතිවලින් උයන පිහන කටයුතු ඉගෙන ගත්තා.

ඔන්න ඔය විදිහට කාලය ‍ගෙවෙද්දී තොරතුරු සන්නිවේදන තාක්ෂණය මුලුතැන්ගෙයටත් දිෂ්ටි හෙලන කාලයක් නොදැනීම ආවා. දැන් අපේ ගැහැණු දරුවන්ට උයන්න පිහන්න පහසුවෙන් ඉගෙන ගන්න විද්‍යුත් තොරතුරු සන්නිවේදනයෙන් හැඩ ගැනුන සමාජාල කීපයක්ම තිබෙනවා. මේ එයින් කීපයක්…

යූ ටියුබ් – You Tube

යූ ටියුබ් අද ඉතාම සමීපව කටයුතු කරන්නේ යොවුන් පරම්පරාව සමගයි. ඒ නිසා ගැහැණු පිරිමි විශේෂයක් නැතුව කාට වුනත් උයන්න යමක් ඉගෙන ගන්න අවශ්‍ය නම් යූ ටියුබ් ඔස්සේ ඒ අවශ්‍යතාවය ඉෂ්ට වෙනවා.

ඉන්ස්ටග්‍රෑම් – Instergram

මිලියන ගණනක තොරතුරු බෙදා හරින ඉන්ස්ටර්ග්‍රෑම් වෙබ් අඩවිය මගින් ඉගෙන ගැනීමට ලැබෙන අත හිත ඉතාම විශාලයි. ලෝකයේ විවිධ රටවල ආහාරපාන ඉතාම වර්ණවත්ව ඉදිරිපත් වෙන හැටි දැක්කාම කොටින්ම කිව්වොත් දැක්ක ගමන් කන්න හිතෙන තරම් ආකර්ශනයක් ඇති වෙනවා. ඒ නිසා උයන්න පිහන්න කැමැති කාට වුනත් ඉන්ස්ටර්ග්‍රෑම් ඔස්සේ ආහාරපාන සකසා ගන්න දැනුම ලැබේවි.

පින්ටර්සෙට්- Pinterset

ලෝක ව්‍යාප්ත වෙබ් අඩවියක් වන මෙම සමාජාලය ඔස්සේ ලෝකයේ ඒනෑම රටක ආහාරපාන ඔබේ නිවසේ එබේ මුලුතැන්ගෙයි පිලියෙල කර ගැනීමට අවස්ථාව ලැබෙනවා. ඒ වගේම හරියට බලා ඉන්නවා වගේ දැනුමක් ලබා ගන්නත් හැකියාව ලැබෙන්නේ මේවා වීඩියෝ දර්ශන මගින් ඉදිරිපත් කරන නිසයි. ඉතින් ඔබ කැමැති ආහාර වට්ටෝරු පින්සෙට් නරඹමින් පිලියෙල කර ගන්න අපහසුවක් නැහැ.

බිග් අවන්- Big Oven

ඉතාම සරල සහ ආකර්ශණීය අන්දමින් ආහාර වට්ටෝරු පිලියෙල කර ගැනීමට අවශ්‍ය දැනුම මේ වැඩසටහන ඔස්සේ පවුලේ කාටත් ලබා ගන්න පුලුවනි. මේ වැඩසටහනේ ආහාර වට්ටෝරු තුන් ලක්ෂ පණස් දහසකටත් වඩා අඩංගුයි.ඔබට අවශ්‍ය ආහාර වට්ටෝරු අනාගතය වෙනුවෙන් ආරක්ෂා කර ගැනීමට එහෙම නැත්නම් අපි ඔබට හොඳින් හුරු පුරුදු විදිහට කිව්වොත් “save” කර ගෙන අනාගතයේදී නැවත බලන්න පුලුවන්. ඒ විතරක් ‍නොවෙයි, ඔබ දන්න ආහාර වට්ටෝරු මේ වෙබ් අඩවියට ඇතුලත් කරන්න පුලුවන්.

රොපෝසේ – Roposo

ඉන්දියානු සමාජජාලයක් වන මෙම වැඩසටහන ඔස්සේ ආහාර වට්ටෝරු ඉගෙන ගැනීමට වගේම ඔබේ අත්දැකීම් අනුව ඔබ දන්නා දේ ඇතුලත් කිරීම හෙවත් upload කරන්නත් පුලුවන්. මෙහි වඩාත් ප්‍රසිද්ධ වැඩසටහන අතරට ඇතුලත් වෙන්නේ Hungry T.V වැඩසටහනයි. වීඩියෝ දර්ශන ලබා දෙන අතර පසුබිමෙන් සංගීතයක්ද ඇසෙනවා. මේ නිසා උයන පිහන කටයුතු ඉතාම විවේකීව සහ සතුටින් අත්විදින්න දැන් කාටත් අවස්තාව තිබෙනවා.

ඒ වගේම ඔබ අලුත් ආහාරයක් සෑදීමෙන් ලැබෙන තෘප්තිය බෙදා හදාගෙනම රස බලන්න අවස්ථාව දැන් ඉතාම පුලුල්ව ලැබෙනවා. ස්වයංරැකියාවක් විදිහට ආහාරපාන සකස් කරන අයටත් මේ සමාජාල ඔස්සේ වෙළදපොල අවස්ථිවන ලබා ගන්නත් පුලුවන්. එයින් ස්වයං රැකියාවන්ටත් නොදැනීම වෙළදපොල සකස් වෙනවා.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here