අන්තර්ජාලය ඔස්සේ තම පුතා අපයෝජනය කළ මවක්

child-abusing

දරුවන් තරම් සම්පතක් අම්මා කෙනෙකුට තවත් නැත. දෙව්දත් වුනත් මවට මැනව යැයි කියන්නේ ඒ නිසාය. අපිට නිරන්තරව අසන්නට ලැබෙන්නේ පියවරු විසින් තම දියණිවරුන් දූෂනය කිරීමේ ප්‍රවෘත්තියි. ඒ සමග අපේ හිත් අම්මා වෙත තවත් තදින් බන්ධනය වන්නේ පියවරු එසේ වුනත් තවමත් අම්මා තමන්ගේ දරුවන් වෙනුවෙන් ආරක්ෂකයෙකු ලෙසින් සිටින නිසයි.

ඒත් පසුගිය දිනක බී.බී.සී පුවත් සේවයේ පළ වූ මෙම ලිපිය අනුව අපිට දරුවන් ගැන මේ විදිහට හිතන්නට සිදුව ඇත. එනම් “වැටත් නියරත් ගොයම් කා නම් කාට පවසමි ඒ අමාරුව….” ලෙසයි.

අම්මා ජර්මානු ජාතික වයස අවුරුදු 39 ක කාන්තාවකි. ඇගේ පෙම්වතා 39 හැවිරිදිය. ඔහු ස්පාඤ්ඤ ජාතිකයෙකි. දෙදෙනාගේ සම්බන්ධතාවය නිසා ගොදුර වූයේ නව හැවිරිදි පුතණුවන්ය.  ඔවුන් දෙදෙනා  අතර වූ ආදර බැඳීම අපට අදාල නොවුනත් මේ දෙන්නාගේ සම්මාදමෙන් තම කුසින් බිහි කළ පිරිමි දරුවා අපයෝජනය කිරීම ඉතාම ශෝචනීය සිදුවීමක් නොවන්නේද…? මෙම මව තම පුතා ලිංගික ලෙසින් අපයෝජනය කිරීමට හවුල් කර ගෙන ඇත්තේ Dark net නැමැති රහසිගත අන්තර්ජාල සේවාවයි. මෙම අන්තර්ජාල සේවාව ප්‍රධාන පෙල සෙවුම් යන්ත්‍රවලට හසු නොවෙන අන්තර්ජාල සේවාවකි. එමගින් සිදු වෙන රහසිගත කටයුතු රැසකි.

  • ළමා ලිංගික දූෂණය
  • දරුවන්ට ලිංගික අතවර කිරීම
  • බලහත්කාරයෙන් ගනිකා වෘත්තියේ යොදා ගැනීම
  • ළමා නිරුවත් ජයාරූප බෙදා හැරීම

මේ පිරිමි දරුවාගේ මව තම පෙම්වතාද සම්බන්ධ කර ගෙන වසර ගණනාවක් පුරා සිය පුතු අපචාර වෙනුවෙන් අලෙවි කළාය. ඇය තවත් තුන් හැවිරිදි ගැහැනු දරුවෙක්ද මේ අන්දමින් අපයෝජනය කිරීම වෙනුවෙන් හවුල් වී ඇත. කෙසේ හෝ ඔවුන්ගේ මෙම කූට ජාවාරම හෙලිදරව් විය. පසුගිය වසරේ ජූනි මාසයේ පටන් නඩු විභාගය පවත්වන ලද අතර අවසානයේදී අධිකරණ තීන්දුව මත මවට වසර දොළහමාරක සිර දඬුවමක් ලබා දීමට තීන්දු විය. ඇගේ පෙම්වතාටද මෙම කාලසීමාවේම සිර දඩුමවක් නියම කරන ලදී. මවගේ මූලිකත්වයෙන් සිදු වනු මෙම අපචාරයට තවත් පිරිමින් පස් දෙනෙක් හවුල් වූ අතර ඔවුන් එරෙහිවත් නඩු පවරා තිබේ.

මවකගේ අනුදැනුම තුළ අපයෝජනයට පත් දරුවා හදා වඩා ගැනීමට අධිකරණ නියෝගයකින් වෙනත් පවුලක් වෙත පවරා දෙන ලදී. චුදිත යුවලගේ ළමා අපයෝජන වැළැක්වීමට අපොහොසත්වීම සම්බන්ධයෙන් Baden-Württemberg ප්‍රාන්ත බලධාරීන්ට දැඩි විවේචන එල්ලවෙමින් පවතින බව ජර්මනියේ මාධ්‍ය වාර්තා කරයි.

විද්‍යුත් සන්නිවේදයේ අපි නොදකින භයානක පැත්ත මෙයයි. තමන්ගේ දරුවාට පවා ආරක්ෂාවක් නොලැබෙන තැනට මවක යොමු වූ මෙම සිදුවීම අපේ දරුවන් වෙනුවෙන්ද ආරක්ෂාව තර කිරීමට හොදම පියවරක් වේ. ඊට හේතුව වන්නේ මෙතෙක් අප විසින් කටයුතු යොදනු ලැබුවේ දරුවන් මුල කර ගෙන අන්තර්ජාලයේ ඇති විවිධ අකටයුතු වෙතින් ඔවුන් මුදවා ගැනීමටයි. එහෙත් අද වැඩිහිටියන් විසින්ම දරුවන් අපයෝජන කටයුතු වෙනුවෙන් යොදා ගැනීමට තරම් ප්‍රවනතාවයක් ඇති බව අපි දැන ගැනීම පමණක් ප්‍රමාණවත් නොවේ. ඒ නිසා නිවස, පාසල, වටපිට පමණක් නොව අන්තර්ජාලයද දරුවන් අපයෝජනයට ඇති ප්‍රවේශ මාර්ග බව දැන ගැනීමෙන් පමණක් නොව ඒ වෙනුවෙන් ඔවුන්ට ආරක්ෂාව සලසා දීම වැඩිහිටියන්ගේ යුතුකම බැව් අවධාරනයෙන්ම සිත තබා ගත යුතු වේ.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here