ආහාර පාලනය කරන තරුණ දූවරුන්ට මේ ටිකත් කියා දෙන්න

diet-plan

දැන් කාලයේ තරුණ ගැහැනු දරුවන්ට අලුත් තාලයේ මානසිකත්වයක් පහල වෙලා තියෙනවා. තමන්ගේ සිරුරේ හැඩය පවත්වා ගැනීමේ මේ මානසිකත්වය නම් නරක නැහැ. තමන්ගේ රුප සොබාව විතරක් නොවෙයි, ශරීර සෞඛ්‍යත් යහපත් පරිදි පවත්වා ගැනීමට පුලුවන්. ඒත් මේ ගැහැණු දැරිවියන් ඒ වෙනුවෙන් අනුගමනය කරන වැරැදි පුරුදු නිසා ඇති විය හැකි සෞඛ්‍ය ගැටලු කීපයක් තිබෙනවා. ඉතින් දෙමව්පියන් විදිහට ඔබත් මේ ගැනත් දැන සිටීම ඉතාම වැදගත්. එතකොට තමන්ගේ දරුවන්ගේ වැරැදි පුරුදු වලින් ඔවුන් ඈත් කරන්න පහසුවෙන්ම පුලුවනි. ඒ නිසා ආහාර පාලනයත් සැලසුමක් ඇතුව සිදු කර ගැනීම වැදගත්.

ආහාර නැතිව සිටියොත් සීනි මට්ටමට බලපානවා

ආහාර නැතුව අපිට ජීවත් වෙන්න බැහැ. හැම ජීවියෙක්ම ආරක්ෂා වෙන්නේ ආහාරයේ බලයෙන්. ඒ නිසා පමණ දැන ආහාර ගැනීම විනා ආහාරයෙන් වැලකී සිටීම නම් ඒ තරම් හොඳ නැහැ. නව යෞවන වයසේ පසුවෙන ගැහැණු දැරිවියන් ආහාර නොගෙන තමන්ගේ සිරුරේ හැඩය පවත්වා ගැනීමට ගන්නා උත්සාහය ඉතාම අහිතකර විදිහට බලපාන්න ඉඩ තිබෙනවා. ආහාර මගින් සිරුරට අවශ්‍ය ශක්තිය නැති වුනාම සිරුරේ තැන්පත්ව තිබෙන සීනි මගින් සිරුරේ ක්‍රියාකාරිත්වය සිද්ධ වෙනවා.මොළය, රතු රුධිරාණු සෛල සහ මාංශ පේශි ක්‍රියාකාරිත්වයට අවශ්‍ය ශක්තිය සපයනවා. ඒ නිසා මුල් පැය කීපය තුළ තිබෙන ප්‍රාණවත් බව ක්‍රමයෙන් නැති වීමට පුලුවන්.

සිරුරේ මේදයටත් බලපානවා

සීනි අවසාන වීමත් අපි සිරුරට අවශ්‍ය ශක්තිය ආහාර මගින් උපයා නොගන්නා විට සිරුරේ මේදයත් ප්‍රයෝජනයට ගැනීමට පටන් ගන්නවා.

හිසරදයත් ඇති වෙන්න පුලුවනි

අපි ඉතා තදින්ම ඉවක් බවක් නැතුව ආහාර පාලනය කිරීම නිසා ඇති විය හැකි අතුරු ආන්තරාවන් බොහොමයක් තිබෙනවා. සිරුරේ සිදු වෙන විෂහරණ ක්‍රියාවලිය නිසා සිරුර කොලස්ටරෝල් සහ යුරික් අම්ලයෙන් පිරිසිදු වෙන විට එය අපිට දැනෙන්නේ කැරකැවිල්ල, මහන්සිය , පේශිවල වේදනාව සහ සන්දි වේදනා විදිහටයි.

සතුටත්  අඩුවේවි

පැය කීපයක් නිරාහාරව සිටින විට ඔබට ශාරිරිකව ඇති වෙන වෙහෙස සමග තරහයෑම, නුරුස්නාව වැනි සිතුවිලි පහළ වෙන්න පුලුවනි. ඒ නිසා ඔබේ දරුවාටත් පවුලේ අන් අය පවා නොරිස්නා ගතියක් ඇති  වෙන්න පුලුවන්. මේ නිසා නිතරම ආහාර පාලනය කරනවා නම් සැලසුමක් ඇතුව ආහාර පාලනය කළ යුතු බව දරුවන්ට කියා දෙන්න.

ආහාර පාලනයේ වාසිත් තිබෙනවා

අද තරුණ වයසේ දරුවන් බොහෝ දෙනෙක් දෙවැනි වර්ගයේ දියවැඩියාවෙන් මිදෙන්න හොඳම මගක්. ඉන්සියුලින් ක්‍රියාකාරිත්වය යථා ත්වයට පත් කර ගැනීම ආහාර පාලනයෙන් සිදු වෙන නිසා කල වයස ඉකුත් වෙන්නත් පෙරාතුව ඇති වෙන දෙවැනි වර්ගයේ දියවැඩියාවෙන් මිදෙන්න ඉතාම හොඳ මගක්. ඒ වගේම සිරුරේ කොලස්රෝල් මට්ටම යහපත් පරිදි තබා ගැනීම නිසා අද නිහඩ මාරයා විදිහට සැලකෙන කිරීටක ධමණීන් ආශ්‍රිත රෝග තත්වයන්ගෙන් ආරක්ෂාව ලැබෙනවා. අනවශ්‍ය විදිහට ආහාර මත යැපෙන්නේ නැතුව පිළිවෙලකට ආහාර රටාව පාලනය කර ගත් විට හැමදාම තරුණ පෙණුමින් ඉන්නත් පුලුවන් බව මෙම ලිපියේ සඳහන්ව තිබුණා. ආහාර ජීරණ පද්ධතියටත් ඇති වෙන විවේකය නිසා ජීරණ පද්ධතියත් යහපත් ක්‍රියාකාරිත්වයකින් යුක්ත වීමට මේ ක්‍රමවත් ආහාර පාලන රටාව බලපාන්න පුලුවන්.

පාලනය කළ ආහාර රටාවක්

 සිරුරේ තරබාරුව අඩු කර ගෙන සිහින් සිරුරක් වගේම සිරුරේ බර මනා වූ තත්වයක පවත්වා ගැනීම වෙනුවෙන් අනුමත ආහාර රටාව ගැනත් සැලකිලිමත් වීම වැදගත්. නිතරම උදේ ආහාරය කැලරි සහිත ප්‍රමාණාත්මක ආහාර වේලක් වීම වැදගත්. එවිට විටින් විට ඇති වෙන බඩගින්න නොදැනීම නැති වෙනවා. දිවා ආහාරය උදේට වඩා අඩුවෙන් ගැනම වැදගත්. මෙතැනිදී වැඩිමනත් අවධානය දැක්විය යුත්තේ රාත්‍රි ආහාරයටයි. උදේ ඉඳන් සීතල වෙච්ච ඒවා කාලා දැන් තමයි පිරියක් ඇතුව යමක් කන්නේ කියල රාත්‍රි ආහාරය කැලරි සහිති විහාල ආහාරයක් නොවිය යුතුයි. එය ඉතාම සරල ආහාරයක් වීම වැදගත්.

ඒ වගේම අතුරුපස ගන්නවා නම් ඒවාත් උදේ ආහාර වේලට පසු ගැනීමෙන් සිරුර තරබාරු වීමේ ප්‍රවනතාවය අඩු වෙනවා. හිස්බඩ වතුර වීදුරුවක් පානය කිරීම නිසා පරිවෘත්තිය වේගය වේගවත් වෙනවා වගේම සිරුරේ විෂහරණය සිද්ධ වෙනවා. මේ ජලයට ලෙමන් හෝ දෙහි යුෂ බින්දු කීපයක් එක් කර ගැනීමෙන් සිරුරේ බර 10% සිට 17%ක් අතර ප්‍රමාණයක් අඩු කර ගැනීමට පුලුවන්.

උදය කාලයේ ව්‍යායාම කරන්න

දරුවන්ට ව්‍යායාම කිරීමට කාලවේලාවක් නැති  ඔවුන් හවස් කාලයේ ඒ වෙනුවෙන් යොදා ගැනීමට පුලුවන්. ඒත් ව්‍යායාම සහ ආහාර පාලනය වෙනුවෙන් හොදින්ම ගැලපෙන්නේ උදය කාලයයි. උදය කාලයේ ව්‍යායාම කළොත් 20% කින් පමණ සිරුරේ බර අඩු කර ගන්න පුලුවනි.

දවස සතුටින් පටන් ගන්න

උදේ පාන්දර දරුවන්ගේ මානසිකත්වය අවුල් කරන්න එපා. අද හැම නිවසකම දවස පටන් ගන්නේ මත බේද ගැටුම් හා වචන හුවමාරුවෙන්. මේ නිසා ඇති වෙන ආතතිය නිසා  ආහාර පාලනයෙන් අපේක්ෂා කරන ප්‍රතිඵල පවා අහිමි වෙන්න පුලුවන්. හිතේ සෘණ සිතුවිලි ඇති වීමට ඉඩ දෙන විදිහට උදේ පාන්දරම ආයුධ අතට නොගෙන ඉන්නවා නම් වඩාත් ගුණයි.

සුරතල් සතුන් ගේ ඇසුර

උදේට නම් කොහෙද සත්තු හුරතල් කරන්න වෙලාවක්. මේ විදිහට කිව්වත් සතුන් හුරතල් කිරීමට දරුවන්ට ඉඩ දෙන්න. බල්ලා සමග ඇවිදීම නිසා කොල්ලටයි බල්ලටයි දෙන්නාටම ව්‍යායාම ලැබෙනවා. විවිධ අධ්‍යනයන් මගින් පෙන්වා දෙන අන්දමට සුරතල් සතුන් සමග දවසරින අයගේ ශරීර බර ඒ විදිහට සුරතල් සතුන් ඇසුරක නොසිටින අයට සාපේක්ෂව ශරීරබර සතුටුදායක මට්ටමින් පවත්වා ගැනීමට පුලුවනි. සුරතල් සතුන් සමග සිටින විට මානසික ආතතිය පහළ ගොස් ඇති වෙන හෝර්මෝන ක්‍රියාකාරිත්වය නිසා සිරුරේ බර යහපත් පරිදි පවත්වා ගැනීමට පුලුවන්කම ලැබෙන නිසා ඒ වෙනුවෙන් දරුවන්ට අවසර ලබා දීමත් වැදගත්.

– How Does Fasting Affect the Human Body? ලිපිය ඇසුරින්

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here