ඔබේ දරුවාගේ හැසිරීමත් මේ විදිහද…?

child-behavior

එක අම්මා තාත්තාගේ වුනත් දරුවන්ගේ ගති ලක්ෂණ එකිනෙකාට වෙනස්. ඒ විදිහට එක් එක් දරුවා වෙනුවෙන් ආවේණික එහෙම නැත්නම් ඔවුන්ටම සීමා වුන ගති ලක්ෂණ විවිධයි. සමහර විට අපි මේ ගැන එතරම් නොසලකා සිටියත් දරුවන් අතර පහත දැක්වෙන ගති පැවැතුම් ඔබටත් ඉතාම සමීප ඇති. සමහර විට ඔබේ නිවසේත් මේ වගේ ගති පැවැතුම් ඇති දරුවන් සිටින්න පුලුවනි. මනෝවිද්‍යාඥයින් විසින් දරුවන්ගේ මේ ගති පැවැතුම් ඔවුන්ගේ පෞරෂය විදිහට හදුන්වා දී තිබෙනවා. පෞරෂයක් නොමැති දරුවන් වෙතින් මේ විදිහේ සුලු සුලු ආබාධ තත්වයන් පෙනේවි.

යැපෙනසුළු දරුවා

මේ දරුවාට තමන්ගේ හැකියාවෙන් වැඩ කටයුතු කිරීම අපහසුයි. තමා ගැන කිසිම විශ්වාසයක් නැහැ. ඒ නිසාම තවත් කෙනෙක් විහේෂයෙන් දෙමව්පියන් මත යැපෙන ගති පැවැතුම් දකින්න පුලුවනි.

සමාජයට සම්බන්ධ නොවීම

අපි හිතන්නේ පුංචි නිසා කුලෑටියි කියල වුනත් සමාජයට සම්බන්ධ වීමට අකමැති නම් එය දරුවාගේ පෞරෂයේ දුර්වලතාවයක්. මේ දරුවන්ට තමා ගැන කිසිම විශ්වාසයක් නැහැ. ඒ නිසාම සමාජයට සම්බන්ධ වීමට බයක් දක්වනවා.

මායාකාරී පෞරෂය

සමහර දරුවන්ට තමා ඇසුරේ සිටින අයගේ අවදානය අනවශ්‍ය විදිහට බලාපොරොත්තු වෙනවා. මේ වගේ දරුවන් දැඩි ආත්මාර්ථකාමියි. මායාකාරී පෞරෂය විදිහට මනෝවිද්‍යාඥයින් විසින් පෙන්වා දෙන මේ තත්වය දුර්වල පෞරෂ ලක්ෂණයක්.

පී‍ඩෝන්මාද පෞරෂය

මේ දරුවන් අනුන් ගැන හිතනනේ නැහැ. හැම දෙයම ඔවුන්ට සැකයි. ඒ වගේම කිසිම දෙයකින් සෑහීමක් ඇති නොව තරම් හිතුවක්කාරී ගති පැවැතුම් වලින් යුක්තයි.

භින්නාවේගික පෞරෂය

අනවශ්‍ය විදිහට ලැජ්ජාශීලී දරුවන් ජීවත්වෙන්නේ ඔවුන්ගේම මනෝ ලෝකයකයි.

ග්‍රස්ථික පෞරෂය

මේ වර්ගයේ පෞරෂය දුර්වලතාවයන් ඇති දරුවන්ට ස්ථිර ගති පැවැතුම් නැහැ. ඉතාම ඉක්මනින් වෙනස් වෙනවා. හරිම සංවේදියි. ඔවුන් තීරණ ගැනීමේ දුර්වල චරිත විදිහට පෙන්නුම් කරන්න පුලුවනි.

සමාජ විරෝධී පෞරෂය

සමහර දරුවන් ඉතාම ආවේගශීලියි. පංතියේ පාසලේ වුනත් හිරිහැරකාරී විදිහට හැසිරෙන විනය ගැන නොසලකා කටයුතු කරන තත්වයක පසු වෙන  මේ දරුවන් සමාජයට හිරිහැරකාරී විදිහට හැසිරෙනවා.

බියසුළුයි

සමහර දරුවන් වයසට වඩා බියසුලුබවක් දක්වනවා. රාත්‍රියේ කාමරයේ තනියම ඉන්න… මකුලුවන් කැරපොත්තන් වැනි සතුන්ට අනවශ්‍ය විදිහට බියක් දැක්වීම මේ දරුවන්ගේ ස්වභාවයයි. මේ තත්වය දෙමව්පියන්ටත් හිරිහැරකාරී විදිහට බලපානවා.

කාංසාව

දරුවෙකුට නොගැලපෙන විදිහේ දුක සමග වූ බියකින් පසු වීම කාංසාවෙන් පෙලෙන දරුවන්ගේ ලක්ෂණයක්. මේ අය නිතරම හිසරදය කියමින් පැමිනිලි කරන අතර ඔවුන් තුළ කිසිම සතුටක් ප්‍රදර්ශනය වෙන්නේ නැහැ.

දුක

දුර්වල පෞරෂයක් ඇති මේ දරුවන් නිතර පසු වෙන්නේ හිතේ දුකක් ඇතුවයි. ඒ වෙනුවෙන් සාධාරණ හේතුවකුත් නැහැ. විවිධ රෝග තත්වයන් ගැන පැමිනිලි කරනවා. මව්පියන් සමග වුනත් සතුටින් සිටින බවක් නැහැ.

බයාදුයි

සමහර දරුවන් වයසට නොගැලපෙන විදිහට බයාදු ගති ලක්ෂණ පෙන්වනවා. තමන්ගේ වයසේ දරුවන් සමගවත් එක් වීමක් නැහැ.

කලබලයි

සමහර දරුවන්ගේ තිබෙන කලබලකාරී ගගති පැවැතුම් අපි දගකාර ලැයිස්තුවට එකතු කළත් එය ඔවුන්ගේ දුර්වලතාවයක්.

දඟකාරයි

දගතාරකම දරුවන්ට සාධාරණ බව ඇත්ත. ඒත් අනවශ්‍ය විදිහට දගකාරයි නම් එය නිවසට, පංතියට, පාසලට හිරිහැරකාරී නම් දරුවා ගන සැලකිලිමත් වෙන්න.

මට ඉස්කෝලේ යන්න බැහැ

පාසල කියන්නේ දරුවන්ගේ ලෝකයේ ඉතාම සුන්දර තැනක්. ඒත් දරුවෙක් පාසල් යන්න බැහැය යන මතයේ පිහිටා දැඩි විදිහට විරෝධතාවයක් දක්වනවා නම් කුමන හෝ මානසික ගැටුමක් තිබෙනවා.

දරුවෙක් හැරෙන කොට ඔහුගේ හැසිරීම සාමාන්‍යද එහෙම නැත්නම් දරුවාට නොගැ‍ලපෙන හැසිරීමක්ද යන්න දෙමව්පියන් විදිහට තේරුම් ගැනීමේ හැකියාව තිබෙනවා. ඒ විදිහට අසාමාන්‍ය හැසිරීමක් තිබෙනවා නම් දරුවා මනෝ වෛද්‍යවරයෙකුට පෙන්වා ප්‍රතිකාර ගැනීම වැදගත්. එහෙම නැතුව දිගින් දිගටම මේ මානසික තත්වයන් සමග ඉදිරියට යෑම නිසා දරුවාගේ පෞරෂය ඉතාම දුර්වල මට්ටමකට පත් වෙනවා. බොහෝ දෙමව්පියන් දරුවන්ගේ මානසික දුබලතාවයන් “පුංචි කාලේ හැටි…ලොකු වුනාම ඇරෙයි…” යන සිතුවිල්ලෙන් සිත නිදහස් කර ගත්තත් මේ මානසිකත්වයෙන් ඉදිරියට යන දරුවාගේ පෞරෂය ගැටළුවලට කිසිම විසදුමක් නොලැබෙන්න පුලුවනි. ඒ නිසා දරුවාගේ හැසිරීම් රටාව හඳුනාගෙන අනාගතය වෙනුවෙන් පෞරෂය ගොඩ නැගීම ඉතාම වැදගත් බැව් අමතක කරන්නඑපා.

Mom Junction වෙබ් අඩවියෙන්

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here