- Advertisement -

ගෙදර ලස්සනට පිළිවෙළ කරන පුංචි පුංචි ට්‍රික්ස්

-

පවුලේ හැමෝටම සහනය, විවේකය, නිදහස, ආරක්‍ෂාව වගේම දහසක් සිත් පීඩා නිවාලන එකම තැන නිවසයි. අපගේ නිවස තුළ පවතින ආදරය හා සාමකාමී පරිසරයට නිවසෙහි පිරිසිදු බව හා පිළිවෙළ සෘජුවම බලපාන සාධකයි. නිවසක් අපිරිසිදුව, අපිළිවෙළට තිබෙන විට නම් හිතට මහා බරක් වගේම නොසන්සුන් බවකුත් දැනෙනවා. එන්න අපි නිවස පිළිවෙලක් කරගමු.

  • නිවස පිළිවෙළට තබා  ගැනීම  සඳහා  අපේ අවධානය හා උනන්දුව නිරන්තරයෙන් යොමු  කළ  යුතුයි. නිවස පිළිවෙලට තබා ගැනීම සෑම දිනකම අපේ දින චරියාවෙ කොටසක් බවට පත්  කරගන්න උත්සහ කරන්න. ඒ සඳහා කැමැත්තක්  ඇති  කරගන්න.
  • අපට දිනකට වැඩ රාශියක් ඉටු කරන්න සිදු වෙනවා. මේ නිසා කලයුතු යම් යම් දේ අමතක වීම හා අතපසු වීම සමාන්‍ය දෙයකි. එනිසා කළ යුතු වැඩ කටයුතු සියල්ල ලියා තබා ගැනීම වඩා පහසු වේවී. ඉවර කරන සෑම වැඩක්ම ලෑයිස්තුවේ ලකුණු කර ඔබට කිරීමට ඉතිරිව ඇති වැඩ මොනවාදැයි මතක තබා ගත හැක. මෙලෙස ලියා තැබීමෙන් අපට ඒවා නිසි වෙලාවට සම්පුර්ණ කර ගන්නට පුළුවන්.
  • කාන්තාවන් වන අපි ලස්සන දෙයක් දැක්කොත් දෙවරක් නොහිතාම ගෙදර ගේනවා. නිවසේ අනවශ්‍ය ලෙස ගෘහ භාණ්ඩ තබා ගැනීමෙන් නිවසේ ඉඩකඩ ඇහිරී යනවා. එනිසා අනවශ්‍ය භාණ්ඩ මිලදී ගැනීමෙන් වලකිමු. අතිරේක මේස පුටු ආදිය තිබෙන්නේ නම් ඒවාද ප්‍රයෝජනවත් ලෙස භාවිතා කරන්න. ගෙදර පොළව හැකිතාක් නිදහසේ තියෙන කොට අපට පිරිසිඳු කරන්න ගත වෙන කාලය මෙන්ම බඩු එහාට මෙහාට අදිමින් පිරිසිදු කරන්න යන වෙහෙස අඩුයි. අපේ ඇඳුම් අල්මාරියේ තියෙන ඇඳුම්, දරුවන්ගේ ගවුම්, පරණ පොත් පත්තර, ඔබේ කුස්සියේ තිබෙන කැඩුණු පරණ බඩු වගේ දේවල් සියල්ල ඉවත් කරමු.
  • අපි මුළුතැන්ගෙය තුළ වැඩ කරන විට අවශ්‍යම දේවල් පමණක් භාවිත කරමු. සීමිත භාජන ප්‍රමාණයක් අපේ කටයුතු සඳහා යොදා ගමු. ඉවුම් පිහුම් අතරම භාජන පිරිසිඳු කරන්න අමතක කරන්න එපා. ඉඳුල් භාජන නිතර රෑස්  කරලා තියන්න පුරුදු වන්න එපා. එයින් නිවස අපිළිවෙලට පත් වෙනවා වගෙම අපිරිසිඳු නිසා අනවශ්‍ය මැස්සෝ, කැරපොත්තෝ වගේ කෘමි සතුන් බෝ වෙනවා. මුළුතැන් ගෙයද වැඩ අවසන් කල සැනින් පිරිසිඳු කරන්න
  • ඒ ඒ වැඩය ඒ වෙලාවෙම අවසන් කරන්න. උදාහරණයක් ලෙස රෙදි සේදු පසු එවෙලේම වේලෙන්නට දමන්න. වේලුනු පසු එවා නවා නිවැරදිව අසුරන්න. නැතහොත් පස්සට කල් දැමීමෙන් අපට වැඩ ගොඩ ගැසී නිවස අපිළිවෙලට පත් වෙනවා.
  • නිවසේ සෑම දෙයකටම නිශ්චිත ස්ථානයක් වෙන් කර ගන්න. ඉතා කුඩා දෙයක් වුනත් එය නොසලකා හරින්න එපා. උදාහරණයක් ලෙස යතුරු වෙනම තැනක එල්ලන්න. බෙහෙත් පෙට්ටිය ,අවු කන්නාඩි, තොප්පි, ෆෝන් චාජර්, කතුරු පිහි වැනි දෑ සඳහා නිශ්චිත ස්ථානයක් වෙන් කරන්න. එවිට අවශ්‍ය විට හැම තැනම සොයමින් කාලය අපතේ යැවීමට අවශ්‍ය වෙන්නේ නැහැ.
  • කිළුටු ඇඳුම් සඳහා භාජන තබන්න. කිළුටු ඇඳුම් තැන් තැන් වල නොදමන්නට නිවැසියන් පුරුදු කරවා ගන්න. එවිට කිළුටු ඇඳුම් සෑම තැනම දැමීම වළක්වා නිවස පිරිසිඳුව, පිළිවෙළට පවත්වා ගන්න හැකියි.
  • නිවස පිළිවෙලට තබා ගැනීමට දරුවන් අතර වැඩ පවරා දෙන්න. එක් එක් අයට නිවසේ විවිධ කොටස් බෙදා දී පිළිවෙලට සහ පිරිසිදුවට තබා ගන්නා ලෙස උපදෙස් දෙන්න. දරුවන්ගෙ සෙල්ලම් බඩු පොත් පත් ඔවුන්ටම නිසි පිළිවෙලට තැබීමට උනන්දු කරවන්න. සුලූ දේටත් ඔවුන්ව අගය කරන්න. මෙයින් දරුවන්ටද සිතට සතුට ලැබෙනව වගේම දරුවන්ද පිළිවෙලට සිටීමට ද පුරුදු වෙනවා වගේම නිරායාසයෙන්ම ඔබට උදව් කරන්නත් සැදී පැහැදේවී.

මේ කාරණා හිතේ තියා ගන්නකො අපි ඊළග ලිපියෙන් නිවස පිළිවෙල කරන ආකාරය ගැන කතා කරමු.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article