ලොව පුරා නත්තල්

christmas-is-coming

ගලිලයට නව යුගයක උදාවේ අවශ්‍යතාවය පැසවමින් පැවැති යුගයක බෙතේලෙහෙමේ කුඩා ගව ඔරුවක සාමයේ කුමරු බිහි විය. ඒ අසිරිමත්දිනය හෙවත් ජේසුස් ක්‍රිස්තුස් වහන්සේගේ උත්පත්තිය නිමිති කර ගෙන නත්තල් උත්සවයලොව පුරා විවිධාකාරයෙන් සමරනු ලැබේ.

බ්‍රිතාන්‍ය ජාතිකයන් නත්තල ඉතාමත් උත්සව සිරියෙන් සමරන ලද ජාතියක් බවට පත්ව සිටින්නේ ඈත අතීතයේ පටන්ය. ක්‍රි.ව 531 දී ආතර්තුමා විසින් ඉතාමත් උත්සවසිරියෙන් සමරන ලද නත්තල් උත්සවය ක්‍රෙම්වෙල්පාලන කාලයේදී යම් පසුබෑමකට ලක්ව ඇත. එහෙත් වික්ටෝරියානු යුගයේදී නැවතත් නතත්ල හැඩවැඩ ගැන්වී ඇත. බ්‍රිතානයයේ නත්තල වෙනුවෙන් විහේෂ වන්නේ කැරොල් ගීත ගායනාවන්ය.ඇතැම් අවස්ථාවන්හිදී මේ වෙනුවෙන් විවිධ චෝදනා නැගුන අවස්ථාවන්ද ඇත. මැදියම් රාත්‍රියතෙක් කැරොල් ගී ගායනා කිරීම නිසා බොහෝ දෙනාගේ නින්දට බාධාවන් ඇති වීම ඒ චෝදනාවයි.

වේල්සයේ කැරොල් ගීත ගායනාවන් සමග “හාප්” වීණා විශේෂයෙන් වාදන සපයා ගැනේ. කැරොල් ගී රචනාවන් නතත්ල් දිනට පොරතුව බෙදා හැර ඒ වෙනුවෙන් තනු නිර්මාණය  කිරීමට සාමාන්‍ය වැසියන්ට අවසර දෙන අතර ජයග්‍රාහී නිර්මාණ නත්තල් දිනයේදී ඉදිරිපත් කෙරේ.

ඔස්ට්‍රේලියාවේ නත්තල් සැමරුම තුළබ්‍රිතාන්‍ය ආභාෂය නොමදව තිබේ. රසවත් ආහාරපාන, කිවි පළතුරු සහ පැෂන්පෘට් , පළතුරුපුඩිං සහ හැම්බර්ග් ආහාරපාන ඒ අතර වේ. සිඩ්නි නගරයට නැගෙණහිරින් පිහිටි “බොන්ඩ්” වෙරළට එක් රොක් වෙන පිරිස් මෙදිනට ක්‍රිඩාවේ යෙදෙමින් සතුටින් කාලය ගතකරයි.

චීන ජාතිකයින් නතත්ල සමරනු ලබන්නේජනවාරි මාසය අගභාගයේදීය. චීන ජනගහනයෙන් මිලියන හතරක් පමණ ක්‍රිස්තියානි ආගමිකයන්ය. ක්‍රිස්තියානි මිෂනාරිවරුන් විසින් චීනයට කිතුණු ආගම ව්‍යාප්ත කරන ලදී. ක්‍රි. ව 625 වසරේදී චීන ශිස්ටාචාරයේ උත්පත්ති නගරය වූ “සියෑන්” වෙත මෙම මිෂනාරීන් පැමිණ තිබේ.1999 වසරේදී මෙම නගරයේ “ටාවෝ” ආහ්‍රමය අසල තිබී මරියතුමිය විවේක ගන්නා ඉරියව්වෙන් නිරූපිත ප්‍රතිමාවක් හමු විය. මෙය දරුනු ලෙස හානියට පත්වතිබුනත් ආධයාත්මික පසුබිම පිලිබඳව මනා නිරූපනයක් මෙම ප්‍රතිමාවේ ඇති බවට බ්‍රිතාන්‍ය විද්‍යාඥ “මාවින් පලර්මර්” සඳහන් කරයි.

ජර්මන් ජාතිකයින්ගේ නත්තල් සම්ප්‍රදායන් අතර ඉගුරු පාන්, කැරොල් සහ ක්‍රිස්තුස්වහන්සේගේ උත්පත්තිය දක්වන දින දර්ශන වඩාත් විශේෂ වේ. ක්‍රි.ව 1700 වසරේදී ජර්මන් ජාතිකයින් නැවතකැනඩාවට පැමිණි යුගයේ පටන් මෙම සම්ප්‍රදායන් තවමත් ශේෂව පවතී. නත්තල ලබන දිනයට පෙරදිනයේදී ඔවුන් නිරාහාරව සිටිති.

ක්‍ර්‍රිස්තුස් වහන්සේගේ ගෝලයින් දොළොස්දෙනා සහ සඳ ච්ත්‍රය සිහිපත් කරමින් ව්‍යංජන දොළහක් පිලියෙල කරනු ලබයි. මස් සහකිරි මෙදින පිසින ආහාර අතරට ඇතුලත් නොවේ. ශුද්ධ සලකුනක් ලෙස ගෘහපතියා විසින් තිරිගුකරල් මිටියක් ගෙනැවිත් මුලුතැන්ගෙයි හෝ කෑම කාමරයේ තැන්පත් කරනු ලබයි.

කිතු උපත සිදු වුන බෙතේලෙහෙම් නගරයට නත්තල උදා වෙන්නේ එක් වරක් පමණක් නොවේ. සම්ප්‍රදායික ලෙසින් දෙසැම්බර් 25වැනි දිනද, ජුලියස් කැලැන්ඩරයට අනුව ජනවාරි හත්වැනි දිනද, මේ කැලැන්ඩරයටම අනුව ආර්මේනියන් පල්ලිය විසින් ජනවාරි 6 වැනි දිනද නත්තල් උත්සවය සමරනු ලැබේ. කොන්ස්ටන්ටයින් සහ ශාන්ත හෙලේනා විසින් ඉදි කරන ලද ග්‍රික දෙවියන්ගේ ඇඩොනිස්දේවාලය මත ජස්ටීනියන් අධිරාජ්‍යයා විසින් උත්පත්ති පල්ලිය ඉදි කරන ලදී. මෙහි පිහිටි උපත සංකේතවත් කරමින් මරියතුමියගේ කුසෙන් ජේසු බිලිදා උපත ලබා ඇතැය් සටහනක් තබා තිබේ. නත්තලට පෙර දින දේව මෙහෙය ගොපල්ලන්ගේ භුමිය හෙවත් ෂෙපර්ෆීල්ඩ් සිට දේවස්ථානය වෙතට පැමිනේ.මෙම දේවස්ථානයේ ඉඩ කඩ ආරාධිතයින්ට පමණක් වෙන් කර තිබේ.

පින්ලන්ත නත්තල් උත්සවයේදී නත්තල්සීයා විශිෂ්ට චරිතයයි. ඔහු දිවා කාලයේ පැමිනෙන අතර නිවසට පැමිණ හොඳ දරැවන් සිටිනවා දැයි විමසා සිටී. එවිට දරුවන් “ඔව්” යනුවෙන් ඉතා සතුටින් පිලිතුරුලබා දෙති.

ඉතාලි නත්තල රෝම අධිරාජ්‍යයාගේ සම්ප්‍රදායන් සමග මිශ්‍රව පවතී. දෙවියන් ඇදහීමේ රෝම සම්ප්‍රදායට අනුව දෙසැම්බර් 17 සිට 26 වැනි දින දක්වා කලාය සෙනසුරු වෙනුවෙන්ද, පුද පූජාවන් පැවැත්වීම ඉතාලි චාරිත්‍ර විධි අතර වේ. වර්තමානයේදී මෙම කාලසීමාව නත්තලේ සැමරුමවෙනුවෙන් යොදා ගෙන ඇත.

නත්තල් උදාවට පෙර දිනයේදී බෝජනය මාළු සහ මුහුදු ආහාර වලින් සකසනු ලැබේ. දෙවියන්වහන්සේගේ රාත්‍රි භෝජන හත සිහිපත් කරමින් වයංජන හතක් පිලියෙල කෙරේ. තවත් සිරිතක් අනුව ‍ගෝලයින් දොලොස් දෙනා සිහිපත් කරමින් ව්‍යංජන දොළහක් පිලියෙළකරයි.

මේඅන්දමින් නත්තල් සැමරුම තුළ දයාව, සාමය, සහ පරිත්‍යාගය මූර්තිමත් වේ. පරිත්‍යාගය තුලින් ඇති වෙන තෘප්තිය සැබෑ නත්තලේ අර්ථයයි. නත්තල යනු සාමයේ සහ සහජීවනයේ අර්ථාන්විත හැසිරීමයි.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here