- Advertisement -

ආහාර අනුකරණය අන්ධානුකරණයෙන් එපා…

-

අනුකරනය අපි අතර ඉතාම කිට්ටු සම්බන්ධතාවයක් දක්වනවා. මේ රටාව බාල කාලයේ පටන්ම අපේ ජීවිතයට සම්බන්ධ සිද්ධියක්. ඒ වගේම මෑතකදී ඉදිරිපත් කරන ලද අධ්‍යන වාර්තාවකින් පෙන්වා දෙන්නේ මිනිසුන් අනුන් කන බොන රටාව බොහොම ඉක්මනින් අනුකරනය කරන බවයි.

මෙම අධ්‍යනය සිදු කරනු ලද්දේ තුර්කි විශ්ව විද්‍යාලයේ “ඩෝසෙන්ට් හැනා” විසින්. එම අධ්‍යනයට පවුල් 16, 500 ක දත්ත ලබා ගත්තා. මේ පිරිස අතරින් 7704 ක් පවුල් අදාල අධ්‍යනයට වසර හයක් ඇතුලත පදිංචියට පත් වූ අය වූ අතර සෙසු පිරිස මෑතකදී අදාල ප්‍රදේශයට පැමිණ පදිංචි වූ පවුල් වීමත් විශේෂයක්.

- Advertisement -

මෙම අධ්‍යනය අවසානයේදී පෙනී ගියේ බොහෝ දෙනා අනුන්ගේ ආහාර  රටාවන් අනුගමනය කරන බවයි. ඒ අතරින් මේ අන්දමින් අනුන්ගේ ආහාර වර්ග අනුගමනය කරන බොහෝ දෙනෙක් අඩු ආදායම්ලාභී සහ වැඩිදුර අධ්‍යාපනයක් නොලත් පිරිසක් වීමත් විශේෂයක්. මේ නිසාම ඔවුන් අතර අනුන්ගේ ආහාර වර්ග අනුකරණය කිරීම තාම තදින් සිදු වුණා. මේ අධ්‍යනයට ලබා ගත් දත්ත  අනුව විශේෂයෙන් පිෂ්ටය සහිත ආහාර සහ බාල වර්ගයේ මද්‍යසාර වර්ග අඩු ආදායම්ලාභී පිරිස් අතර ඉතා වේගයෙන් ජනප්‍රිය වීමත් ඔවුන් හඳුනා ගත්තා. බාල වර්ගයේ මද්‍යසාර නිසා ඇතැම් අවස්ථාවන්හිදී මරණය පවා සිදුවීමට තරම් තත්වය බරපතල වී තිබුනා. ඇතැම් අවස්ථාවලදී ඇස් ඉදිරිපිට සාක්ෂි තිබුනත් බොහෝ දෙනක් මේ අනුන් අනුකරණය කිරීම මිස අහිතකර ආහාරවලින් දුරස් වීමට උනන්දු වෙන්නේ නැහැ.වතුකරයේ ජීවත්වෙන බොහෝ පිරිස් අතරත් මද්‍යසාර විෂ වීමෙන් විවිධ අවස්ථාවන්හිදී මරණ පවා සිදු වුන බවට වාර්තාවන් අපේ රටේත් අඩුවක් නැහැ.

ඒ වගේම තවත් පිරිසක් තමන්ට නැති සමාජ පංතිය ඇති කර ගැනීමටත් අනුන්ගේ ආහර රටාවන් අනුකරණයට පුරුදුව සිටිනවා. මේද, තෙල් සහිත බර්ගර්, පිට්සා, ආදිය නිතරම ආහාරයට ගන්නේ උසස් මධ්‍යම පංතිය යැයි හිතන ඔවුන් තමන්ද ඒ පංතියට පිවිසීමට නම් මේ ආහාර අනිවාර්යෙන්ම තමාගේ නිවසටත් ලැබීම දැඩි අවශ්‍යතාවයක් බව සිතන්නට තරම් මොළය නොමේරූ කොටස් අපේ ඇසුරු කරන අය අතරත් සිටිනවා. උදාහරණ විදිහට අල්ලපු ගෙදරට පිට්සා ‍බෙදා හරින වාහනය දුටුවොත් පහුවදාට තමන්ගේ නිවසටත් ඊටත් වඩා වටිනා පිට්සා ඇනවුම් කරන පිරිස් නැතුවා නොවේ. ඒ තරමටම අනුන් කන බොන පිලිවෙල අනුකරණයට අපි අතර ඇත්තේ විශාල නැඹුරුතාවයක්.

අපි හිතන විදිහට ආහාර වලට පංතියක් නැහැ. මේ සියල්ල විසින්ම ගොඩ නගා ගත් සංකල්ප පමණයි. අද වෙන විට බටහිර ලෝකයේ රටවල් තෙල් , සීනි සහ පිටි ආහාරවලින් දුරස් වෙන ප්‍රවනතාවයක් ඇති වෙලා තිබෙනවා. ඊට හේතුව මේ ආහාර සංස්කාතිය නිසා දියවැඩියාව, අධිරුධිරපීඩනය, පිලිකා, රුධිරගත අහිතකර කොලෙස්ටරෝල් මටට්ම ඉහළ නැගීම වැනි මරණයට පවා හේතු වෙන බෝනොවන රෝගවලට ගොදුරු වීමේ අවදානමක් තිබෙනවා. ඒ නිසාම ඔවුන් මේ ආහාර සංස්කෘතියෙන් දුරස් වෙද්දී  අපේ දේශීය ඇවැතුම් පැවැතුම් සමග බද්ධව තිබෙන හිතකර ආහාර සංස්කාතිය පසෙක තබා මේ අහිතකර ආහාර සංස්කාතිය වැලඳ ගැනීමේ හිස්කම අපිට පාරාවලල්ලක් බවට පත්ව තිබෙනවා.

අපි කන්නේ ඇයි…

අපි ආහාර බුත්ති විදින්නේ ජීවත්වීමටයි. එසේ නම් ආහාර නිසා අපේ ජීවිතයේ නීරෝගී පැවැත්ම බිලිදීමට අවශ්‍ය නැත. ක්ෂනික ආහාර, පැණිබීම, ලුණු , අදික සීනි යෙදූ ආහාර එදා අප අතර තිබුනේ නැත. පළතුරු ගෙඩියක් හොදින් විකා අනුභව කළ අතර තෙල් දැම්මා නම් එයට නැවත මිටිකිරි යොදන්නේ නැත. බොහෝ විට පොල් අඹරා ගෙන ආහාර පිලියෙල කරනු ලැබුවේ ආහාර නිසා රෝගී වීමෙන් ආරක්ෂාවටයි. ඒත් අද ඇත්තේ අනුකරණයයි. සිරුරට අගුණ වුනත් ප්‍රශ්නයක් නැත අහල පහල හැම දෙනාම රාත්‍රි ආහාරය සපයා ගන්නේ නයිට් කඩවලින්ය. අපිත් එසේ නයිට් කඩයකින් රාත්‍රි ආහාරය සපයා ගැනීමට පටන් ගනිමු. මේ අන්දමේ අදහස් ඔබේ හිතට ආවත් ඒ ගැන දෙවරක් හිතන්න. අපි අනුන් කන බොන දේ වෙුවෙන් යොමු වී රෝගී වෙනවාද…? එසේ නැත්නම් අපේ පුරුදු ආහාර රටාව මත යැපී ලෙඩක් දුකක් නැතුව ජීවත් වෙනවාද…? විකල්ප අතරින් එකක් තෝරා ගැනීමට ඔබට අයිතිය ඇත.

මාර්ක් සකර්බර්ග් කියන අදහස…

මාර්ක් සකර්බර්ග් ලොවේ වාර්තා තැබූ බිලියනපතියෙක්. ඔහුට අවශ්‍ය විදිහට ඉතාම සුඛෝපභෝගී ආහාර රටාවක් අනුගමනය කිරීමට හැකියි. සමහර විට ඔහු අනුභව කරන ආහාර මුවාවෙන් ඉතා හොඳ වෙළද ප්‍රචාරනයන් ලබා ගැනීමටද අපහසු නැත. එහෙත් ඔහු  මේ ගැන කරන සදහන මදකට අසන්න… “අපි ඔය රූපවාහිනීවලින් දකින ජීවිත සැබෑ ලෝකයේ නැහැ. කෝපි බොන, දිනපතාම විශේෂ ආහාර පාන බුත්ති විදින, රෝස්ට් කරන ලද මස් සහ බාබකියු ආහාරයට ගන්නා පිරිස් ඇත්තේ රූපවාහිනී නාලිකාවන්හි පමනි.” මේවා දකින ඔබ නොසතුටට පත් වෙන්නේ අනේ “අපිට එහෙම ජීවිතයක්…” ඒත් මේ තත්වය ඔබට  ග්‍රහණය කර ගත නොහැකි ජීවිතයක් වෙනුවෙන්ය. මේ පෙන්වන සුඛෝපභෝගී ලෝකයට පිවිසීමට නම් අපි අඩුම වශයෙන් මේ විදිහට කන්න බොන්නවත් එපායැ.

ඒත් පෙන්වා ඇති ලෝකය මිථ්‍යාවකි. ඔබ ඒ මිථ්‍යාවට  හසු වෙන්න එපා.අනුන් අනුකරණය කළ යුත්තේ එයින් යහපතක් සිදු වෙනවා නම් පමනි. ආහාර වුවත් ප්‍රශ්නයක් නැත. එය ඔබේ ජීවිතයේ  යහපැවැත්මට හේතු වෙනවා නම් කිසිම ගැටලුවක් නැත ඔබට ඒවා අනුකරණයට කිසිම බාධාවක් නැත. එහෙත්… මේ ආහාර නිසා ඇතිවෙන්නේ අහිතකර ප්‍රතිඵලනම් ඔබත් මේ රැල්ලටට නතුව රෝගියෙක් ලෙස අනාගතය මේ වෙනුවෙන් කැපකරනවාද…?

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article