අව්ව වැස්ස මිනිසාගේ පැවැත්මට අවශ්‍ය පරිසර සාධක තත්වයක් වුනත් විටෙක මේ තත්වය නිසා ඇති වෙන පීඩාව බොහොම බලවත්. සෙබලෙක් පවා මේ උණුහුම් කාලගුණය නිසා මරණයට පත් වුන බව ඔබට මතක ඇති. එයින් දැඩි උණුහුම අපේ ජීවිතයට සිදු කරන බලපෑම ගැන අතුරු කතා තවත් අවශ්‍ය වෙන එකක් නැහැ.
රස්නයට බොහෝ දෙනා වතුරට වඩා වෙනත් පැණි බීම වර්ගවලට යොමු වෙනවා. පැණි බීම මේ වෙනුවෙන් එතරම් ගැලපෙන විකල්පයක් නොවෙයි. සිසිල් කරන ලද බීම ඊටත් වඩා අහිතකරයි. දරුවන් අතර පැණිබීමට තිබෙන්නේ පුදුමාකාර ඉල්ලුමක්. බ්‍රිතාන්‍ය වැනි රටවල නම් මිලිලීටර් 100ට සීනි ග්‍රෑම් පහකට වඩා අඩංගු පැණි බීම වෙනුවෙන් බද්දක් පැනවීමට පවා කටයුතු කර තිබෙනවා. අපේ නොදැණුවත්කම නිසා උණුහුමෙන් විපාක වින්දත් කිසිම අපහසුවක් නැතුව සහ අතමිටත් අමාරු නොවන විදිහට අපේ සිරුරට අවශ්‍ය ජලය සපයා ගන්න පුලුවනි.
රස්නය අපිට බලපාන්නේ කොහොමද…?
රස්නය නිසා අපේ සිරුරට දහඩිය දමන විට සිරුරට අවශ්‍ය ජලය නොලැබෙන නිසා ඇති වෙන ප්‍රතිඵල අපි නොදැනීම අපේ ජීවිතයට බලපානවා. රුධිරය මගින් සෛලවලට අවශ්‍ය පෝෂණ පදාර්ථ සහ ඔක්සිජන් සපයන අතර ඒ වෙනුවෙන් සිරුරට ප්‍රමාණවත් පරිදි ජලය අවශ්‍ය වෙනවා.
රස්නය වෙනුවෙන් යුෂ
පිපාසය දැනෙන විට ජලය පානය කිරීමට අපි පුරුදුව සිටියත් සිරුර විජලනය හෙවත් අවශ්‍ය පරිදි ජලය පවත්වා ගැනීමට කැරට් ඉතාම යෝග්‍යයි. කැරට් විටමින් ‘ ඒ ‘ බහුල එළවලුවක්. මෙහි අඩංගු ප්‍රතිඔක්සිකාරක ( සිරුරේ විෂ සංයෝග උරා ගැනීමේ හැකියාව ) ගුණය මගින් සිරුරට අවශ්‍ය ජලය පමණක් නොව හමේ පැහැය ඉතා පහසුවෙන් ආරක්ෂා කර ගැනීමටත් හැකියාව ලැබෙන බව පෝෂණවේදීන් සදහන් කරනවා.
තක්කාලි ප්‍රතිඔක්සිකාරක ගුණයෙන් යුක්ත පළතුරක්. හමේ වර්ණය වගේම හිරු එලියෙන් ඇති වෙන හම රැළි වැටීම වලක්වා ගැනීමට තක්කාලි සතුව තිබෙන හැකියාව අපි ඉවත දැමිය යුතු නැහැ.
දෙහි යුෂ ගැන අපි දන්නේ හොද්දට, සම්බෝලයට සහ සලාදයට ඇඹුල් එක් කරන කාර්යය ගැන පමණයි. එහෙමත් නැත්නම් උදරාබාධයට, අජීර්ණ අවස්තාවන්ට දෙහි යුෂ පානයෙන් ලැබෙන වාසිය බොහොමයි. නමුත් දෙහිවල අඩංගු විටමින් ‘‘ සී “ මගින් සමේ කොලැජන් ගොඩ නගන අතර තරුණ පෙනුම රැක ගැනීමට විශාල පිටුවහලක් සපයනවා.
දෙහි කුලයේම කොටස්කාරයෙක් විදිහට සැලකෙන දොඩම් පානයෙන්ද ලැබෙන ගුණය එසේ මෙසේ නැහැ. සිරුරට අවශ්‍ය දියර ගතිය විතරක් නොවයි, එක් දොඩම් වීදුරුවක් පානය කිරීමෙන් සිරුරේ විෂ සංයෝග දුරු කරන අතර සමේ පැහැපත් බවත් ආරක්ෂාවට සුවිශේෂී මෙහෙවරක් ඉටු කරනවා.
පිපිඤ්ඤා කී සැනම දියර එළවළුවක් පිලිබඳ සටහනක් අපේ හිතේ ඇති වෙනවා. ඒ සිතුවිල්ල බොහොම සාධාරණයි. පිපිඤ්ඤා යුෂ පානය කිරීමෙන් සිරුරට අවශ්‍ය පරිදි ජලය ලබා දෙන අතරම සමේ දිලිසෙන ගතියත් ආරක්ෂා වෙනවා.
දෙළුම් යුෂ බොහොම මිහිරි පානයක් රුව රකින්නට සමත් දෙළුම් යුෂ මගින් රුධිරය පිරිසිදු කරන අතර සමේ දීප්තිය ඇති කරනවා.
මිදි යුෂවලත් ප්‍රතිඔක්සිකාරක ගුණය ඉතාම ඉහලයි. තුවාල වියලීම සහ වයස්ගත වෙන විට ඇති වෙන සමේ රැලි ගතිය සහ අවර්ණවත් බවට එරෙහිව සිරුර සූදානම් කිරීමේ හැකියාවෙන් යුක්තයි.
නිවසේ පොල් ගෙඩිය බිඳලා වතුර ටික අහකට දමනන් එපා. පොල් වතුරත් ප්‍රතිඔක්සිකාරක ගුණයෙන් යුක්තයි. ඒ වතුර ඔබට ලබා දෙන ප්‍රයෝජන වචනයෙන් විස්තර කරන්න බැහැ.
කොමඩු යුෂ බොහොම ප්‍රණීතයි. සීනි නැතුව වුනත් පානය කිරීමට තරම් මිහිරි රසයකින් යුක්තයි. තදින් පිපාසය දැනෙන වේලාවක කොමඩු ආහාරයට ගත්තොත් ඔබට එයින් දැනෙන සහනය අත්දැකීමෙන්ම දැනගන්න පුලුවනි. චීනයේ දැඩි උණුහුම් කාලයට පුංචි දරුවන්ට කොමඩු ගෙඩිය ඇඳුමක හැඩයට කපා අන්දවා තබනවා. එයින් දරුවා විජලනයෙන් ආරක්ෂාව ලබනවා.
ඒ නිසා මේ පායනා කලයේදී ඔබේ දරුවාගේ පිපාසයට ගුණ ලබා දෙන බොහෝ යුෂ වර්ග නිවසේදීම පිළියෙල කර ගැනීම එතරම් අපහසුවක් නොවෙයි. වෙරළු වුනත් සිහින්ව සූරා ගෙන යුෂ ලෙස දරුවාට වගේම වැඩිහිටියන්ටත් පානයට අපහසුවක් නැහැ.
styles at life ඇසුරෙන්
