මද්දුමයාට පවුලේ තැන…

සාමාන්‍යෙයන්  අපේ පවුල්වලදී වැඩිමහල් දරුවාට ටිකක් වගකීම් වැඩියි. දැන් එයා ලොකුයි. නංගියෙක් , මල්ලියෙක්  ඉන්නවා කියන බාරදූර වගකීම දෙමව්පියන් විසින්ම ඔවුන්ගේ හදවතටම සමීප කරනවා. එහෙම නැත්නම් අනේ අපි මුලින්ම දරු සුරතල් බලපු  දරුවානේ…කියන වැඩි තක්සේරුවකුත් ලබා දෙන අවස්ථා තිබෙනවා.

ඒ වගේම පවුලේ බාලයාත් සුවිහේෂයි. ඊට හේතුව ඉතින් බඩපිස්සානේ…හැමදාම බාලයා පවුලේ නොදරුවා. එහමනම් මේ මද්දුමයා ගැන මොකද හිතෙන්නේ…සමහර විට ඔබ කියාවි ඇයි ඉතින් මද්දුම බණ්ඩාර ළමා වීරයා…අයියා මරණයට බය වුනත් මද්දුමයා විදිහට වීරයෙක් වගේ එඩිතර වුනා.

අපි බලමු මද්දුම දරුවන්ගේ චරිත ගැන විවිධ පර්යේෂණ සාහිත්‍ය මගින් මොකද කියන්නේ…?

රදලන්ඩ් විහ්ව විද්‍යාලයේ මනෝවිදයාව පිලිබඳ මහචාර්යවරියක වන ‘‘කැතරින් සැල්මොන්“ සදහන් කරන අන්දමට මැද දරුවා නිතරම තමා වෙතට අවධානය ලබා ගැනීමට උත්සාහ ගන්නවා. වැඩිමලා ඉබේටම තමාට බාල සහෝදරයන් සිටින විට යම් තැන්පත්කමක් ගොඩ නගා ගන්නා අතරම බාල දරුවාට මේ ශක්තිය තවම ලැබී නැහැ. ඒ නිසා මදද්ුමයා මේ අවස්ථාවෙන් හොඳින් ප්‍රෙයා්ජන ගැනීමට උත්සාහ ගන්නවා. ඒ නිසා මද්දුම දරුවා නිතරම තමාගේ වැඩිමහල් සහෝදරයන්ගේ තැන අතික්‍රමනය කරනවා කිව්වත් නිවරැදියි.

ගැටළු නිරාකරනය කර ගැනීමටත් පුලුවනි.

පවුලක වැඩිමහල් දරුවාට යම් ගැටලුවක් ඇති වුනාම ඒ වෙනුවෙන් මැදිහත් කරුවන් සිටියේ නැහැ. ඒ නිසා ගැටලු ඉදිරියේ මේ දරුවා බොහොම අසරණ වුනා. නමුත් මද්දුමයාට පවුලේ වැඩිමහල් අයගෙන් උදව් ලැබුණා. ඒ නිසා මද්දුමයා හොද බේරුම්කරුවෙක් බවට පත් වුණා. ඒ වගේම මද්දුමයා පවුලේ වැඩිමහල් සහ බාල දරුවන් සමග අත්දැකීම් හොදින් බෙදා හදා ගන්නා නිසා ගැටලු නිරවුල් කර ගැනීමට විශාල හැකියාවක් උපයා ගන්නවා.

සමාජශීලියි..

හරියට මද්දුම බණ්ඩා ළමා වීරයා වගේ පවුලේ මද්දුම දරුවාත් බොහොම සමාජශීලියි.ඔවුන්ට ලොකු සමාගමක් තිබෙනවා. වැඩිමහල් සහ බාල පිරිස් අතර සම්බන්ධතාවය ගොඩ නගා ගැනීමෙන් උපයා ගත් මේ හැකියාවන් නිසා නොදැනීම සමාජය සමගත් හොඳින් ගණුදෙනු කිරීමේ හැකියාව ගොඩ නගා ගන්නවා.

අවදානමටත් සූදානම්…

පවුලක වැඩිමහල් දරුවාට තිබෙන්නේ විහාල රැකවරණයක්. හැම දෙනාම වැඩිමහල් දරුවා වෙනුවෙන් වැඩි අවධානයක් දක්වනු ලැබුවා. ඒත් දෙවැනි හෝ තුන්වැනි හතර වැනි වෙත්ම දෙමව්පියන්ට පෙර සේ වැඩි අවධානයකින් කටයුතු කිරීම අපහසුයි. දෙමව්පියන් කාර්ය බහුල චරිත බවට පත් වෙනවා. මේ නිසා මද්දුම දරුවා නිතරම අවදානම් කටයුතු වෙනුවෙන් සූදානම්. ඒ හැකියාව ඔහු පවුලෙන්ම උපයා ගන්නවා.

නිර්මානශිලියි…

ඔබේ පවුලේ සහ වෙනත් දන්නා හඳුනන අයගේ මද්දුම දරුවන් සමග මේ අදහස ගලපා බලන්න.අකුරු ඉගෙනීමේදී වුනත් මද්දුමයා දක්ෂයි. ඊට හේතුව වැඩිමහල් දරුවන් ඉගෙන ගන්නා දේ ඇසුරින් මදදුමයා බොහෝ දේ ඉගෙන ගනන්වා. එක් පවුලක වැඩිමහල් දරුවා ශිෂ්‍යත්ව විභාගය ලියන විට දෙවැනි දරුවා ළදරු පාසල් යන අවධියේ සිටියා. ඒත් වැඩිමල් දරුවාට කියා දෙන දෙයින් ලබා ගත් දැණුම මද්දුමයාට හොදින් පිහිටා තිබුනා. ඒ නිසා අයියාගෙන් අහන ප්‍රශ්නවලට නිතරම කඩිනමින් පිලිතුරු ලබා දීමට නංගී සූදානම් ශරීරයෙන්ම සිටියා. ඒ වගේම බොහොම නිර්මානශීලී කටයුතු වෙනුවෙනුත් හපන්කම් දැක්වූයේ වැඩිමහල් දරුවාට කියා දෙන දෙයින් ඇය ලැබූ ආභාෂය නිසයි.

හැබැයි පීඩනයකුත් තිබෙනවා.

බොහෝ පවුල්වලින් මද්දුම දරුවා නොදැනීම අතපසු වෙන අවස්ථා තිබෙනවා. බාල දරුවන්ට සැලකිය යුතු කාලය දැන් එළැඹ ඇවිත් බැව් දෙමව්පියන්ගේ අදහසයි. ඒ නිසා පවුලෙන්ම ප්‍රතික්ෂෙප වීමේ මානසික පසුතැවීමෙන් මද්දුම දරුවා පීඩා විදින බවත් අමතක කළ යුතු නැහැ.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here