මේ මිත්‍යා විශ්වාස 5 ඔබත් පිළිගන්නවාද?

අපේ ජීවිතයේ විවිධ සංසිද්ධීන් හමුවේ අනුගමනය කරනු ලබන සම්ප්‍රදායික ගති සිරිත් තුළ ඇතැම් විට මිථ්‍යාවන්ද සම්බන්ධ වී තිබෙන්න පුලුවනි. නමුත් අපි තවමත් මේ අදහස් බැහැර කිරීමට සූදානම් නැහැ. බී.බී.සී පුවත් සේවයට ප්‍රජා සෞඛ්‍ය වෛද්‍ය විශේෂඥ ශාන්ති ගුණවර්ධන මහත්මිය විසින් ඉදිරිපත් කරන මේ අදහස් මත ඔබත් යැපෙනවාද බලන්න…

  1. ආහාර ආසාත්මිකයි..

අපට විවිධ ආහාර ගැන චෝදනා තිබෙනවා. මේවා හැම දෙනාටම එක හා සමානව ආසාත්මිකතාවයන් දක්වන්නේ නැහැ. ඒ නිසා කිසිම ආහාරයක් අපට ආසාත්මිකයි යන ලේබලය අලවා පැත්තකට කරන්න බැහැ. නමුත් යම් ආහාරයකින් සමේ කැසීම, හුස්ම ගැනීමේ අපහසුතාවය, කිවිසුම් යෑම, සොටු දියර ගැලීම වැනි තත්වයන් ඇති වුනොත් ඒ ආහාර අපට ආසාත්මිකයි. ඒ නිසා දරුවා කුඩා කාලයේ පටන් ඔවුන් ප්‍රතිචාර දක්වන ආාහර වර්ග හදුනාගත යුතු බව වෛද්‍ය ශාන්ති ගුණවර්ධන මහත්මිය විසින් පෙන්වා දෙනවා.

2. කිරි එරෙන්න අඬන්න ඕනද…?

දරුවෙකු උපත ලැබීමට පෙරාතුව සිටින්නේ ගර්භාෂයේ පාවෙමින්.දරුවා උපත ලබන විට උෂ්ණත්වය වෙනස් වෙනවා. එවිට දරුවා නොසන්සුන්ව අඬන්න පටන් ගන්නවා. ඒ වගේම දරුවා කිරි උරන විට තන පුඩු හරහා ස්නායු උත්තේජනය වී කිරි නිෂ්පාදනය වැඩි වෙනවා.

දරු උපතින් පසුව අම්මාට පලා ව්ග, හාල්මැස්සන් ආදිය ලබා දීමට වැඩිහිටියන් අකමැති වුනත් ආමාශය සහ ගර්භාෂය යනු දෙකක්. ඒ නිසා හාල්මැස්සන් ආහාරයට ගත් විට කිරි සමග හාල්මැස්සන් කටු දරුවාගේ කිරි සමග මිශ්‍ර වේය යන අදහසත්,පලා වර්ග ආහාරයට ගත් විට ගර්භාෂයේ ඇලෙයි යන කරුනුත් මිථ්‍යාවන් බව ඇගේ අදහසයි.

3. එතකොට කකුළුවන් තක්කාලි වැනි ආහාර..

මේවා නම්  ඇතැම් මව්වරුන්ට ආසාත්මිකයි. ඒ නිසා එවැනි ආසාත්මිකතාවයන් ඇති මව්වරුන් නැවත නැවත එම ආාහර ගැනීම දරුවාට බලපාන්න පුලුවනි.

4. බිත්තර එපා..

ගැබ් දරණ කාලයේදී බිත්තර කැඩීම නුසුදුසු බව සමාජගත අදහස වුනත් අද අඩුම මිලට ලබා ගත හැකි පෝෂණ ප්‍රභවයක් විදිහට බිත්තර සලකන්න පුලුවනි.බිත්තර වලින් විටමින් ‘ඒ‘ප්‍රෝටීන් සහ ඇතැම් ඛනිජ වර්ගත් ලබා ගන්න පුලුවනි.ගැබිණි මව පෝෂණයෙන් අඩු ුවනොත් එහෙම නැත්නම් නීරක්තියට පත් වුනොත් එය දරුවාගේ සෞඛ්‍යට බලපාන්න පුලුවනි. ඒ නිසා දුප්පතාගේ හිතවතා විදිහට සැලකෙන බිත්තර ගැබිණි අම්මාවරුන්ගේ ලැයිස්තුවෙන් නම් ඉවත් කළ යුතු නැහැ.

5. මල්වර වුනාම…

ගැහැණු දරුවෙකු මල්වර වුනාම එහෙම නැත්නම් මල්වර වුනාට පසුව මස්, තෙල් අධික ආහාර ලබා දිය යුතු නැහැ යන අදහසත් වෙද්‍යවරිය විසින් බැහැර කරනවා. එහි කිසිම විද්‍යාත්මක සත්‍යක් නැහැ.පළමු රුධිරය පිටවීම නිසා එය ඉතාම පීඩාකාරියි. ඒ වගේම දහනය වන දේවලුත් ඉහළයි.මාංශපේශි වර්ධනයට සහ හිමොග්ලෝබින් ප්‍රතිශතය ඉහළ නැංවීමට සත්ව ආහාර ලබා දීම තාම වැදගත් බැව් ශාන්ති ගුණවර්ධන මහත්මියගේ අදහසයි.ඒ නිසා ප්‍රෝටීන් සහිත ආහාර වගේම එළවලු,පළතුරු දරුවාගේ ආහාරයට එක් කිරීම ඉතාම වැදගත්. අදටත් දමිළ ජනතාව වැඩිවිට පත් දැරියට බිත්තර සහ තලතෙල් ලබා දෙනවා.

(බීබීසී පුවත් සේවයට ප්‍රජා සෞඛයය වෛද්‍ය ශාන්ති ගුණවර්ධන මහත්මිය දක්වන අදහස් ඇසුරිනි.)

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here