ඩයපර් පෑන්ට් එක අම්මටත් ලේසියි බබාටත් ලේසියි

0
ඩයපර් පෑන්ට් එක අම්මටත් ලේසියි බබාටත් ලේසියි

පුංචි දරුවෝ ඉන්න අම්මා කෙනෙක්ට අත් දහයක් තිබුණත් මදි කියන්නේ නිකමට නෙවෙයි. ගෙදර දොරේ මොන වැඩ කටයුතු තිබුණත් අම්මාගේ රාජකාරී ගොන්නේ ඉස්සෙල්ලාම තියෙන්නේ පැටියගේ වැඩ ටික තමයි. පුංචි දඟයන්ගේ දඟ වැඩත් එක්ක එයාගේ වැඩ නම් කරලා ඉවර කරන්න බැහැ. ඒත් කොහොම හරි ඉවර කළා කියමුකෝ, ඔන්න අන්තිමට තෙමාගෙන. දැන් ආයේ පැටියා පිරිසිදු කරන්න වෙලා.

ඉතිං ඩයපර් එකක් දැම්මොත් මොකද?

මේ දඟයා එක්ක ඩයපර් අන්දන්නේ කොහොමද? ඩයපර් එකක් අන්දන්න ඇඳට ගත්තම අනික් පැත්ත හැරෙනවා. කොයි වෙලාවකවත් හරියට අන්දගන්න බැහැ. අනිත් එක බොහොම හොඳට ගලව ගන්නත් දන්නවා.

අම්මටත් පැටියටත් පහසුවක් සැලසෙන වෙන ක්‍රමයක් නැද්ද?

මොකද නැත්තේ… ඩයපර් පෑන්ට් එක තමයි මේකට තියෙන හොඳම විසදුම

ඩයපර් පෑන්ට් එක?

ඔව්.. දරුවාගේ කලිසමක් අන්දන විදියටම අන්දවන්න පුලුවන් නිසා හරිම පහසුයි. අනිත් එක පැටියට ගලව ගන්නත් බැහැ.

බබාට ඩයපර් පෑන්ට් ඇන්දුවම අම්මට ලේසි වෙන්නේ කොහොමද?

දඟ කරන පොඩ්ඩන්ට ඩයපර් එකක් අන්දලා තිබ්බම නිතරම ගලවාගන්න නිසා ඩයපර් පෑන්ට් එකක් ඇන්දුවාම ඒ ප්‍රශ්නය විසඳෙනවා. ඉතින් අම්මලාට තියෙන වැඩ අඩු වෙනවා වගේම හිතටත් බයක් නැහැ.

ඒත් කොහොමද ඩයපර් පෑන්ට් එක හොඳයි කියලා හිතන්නේ,

අන්න එතනදී නම් සැලකිලිමත් වෙන්න ඕනේ. සැමවිටම නියම ප්‍රමිතියේ උසස් නිෂ්පාදනයක් තෝරාගත යුතුයි.

ඉතිං හොඳ ඩයපර් පෑන්ට් වර්ග තියෙනවද?

මොකද නැත්තේ. හොඳ තත්ත්වයේ එකක් තෝර ගනිද්දී ඒවායේ තියෙන මේ ලක්ෂණ ගැන සැලකිලිමත් වෙන්න ඕනේ. හොඳ ඩයපර් පෑන්ට් එකක් තුනී වගේම උපරිම උරාගැනීමේ හැකියාවකින් යුක්තයි. මතුපිට සුමුදු වගේම වාතාශ්‍රය ගමන් කිරීමේ හැකියාවත් තියෙනවා. දරුවගේ ක්‍රියාකාරකම්වලට වගේම වර්ධනයට බාධාවක් නොවෙන විදියට තමයි ඒ ඩයපර් පෑන්ට් නිපදවලා තියෙන්නේ.

ඔය කියන තරමටම පැටියා තෙමා ගන්න වාරයක් පසා පිරිසිදු කරන එක අම්මා කෙනෙක්ට අපහසුවක්ද?

නැහැ. කිසිසේත්ම අම්මා කෙනෙකුට තමන්ගේ දරු පැටියාගේ වැඩ අපහසුවක් වෙන්නේ නැහැ. ඒත් එක දෙයක් නිසා වැඩ ගොන්නක් එකතු වෙනවා නම් ටිකක් හිතන්න වෙනවා. මේ බලන්න, ඩයපර් පෑන්ට් එක අන්දන්න පහසුයි. පැටියට ගලවගන්නත් බැහැ. අනික පාවිච්චියෙන් පසුව ඉවත් කරන නිසා හෝදන, වේලන, මදින රෙදි කන්දට එකතු වෙන රෙදි කන්දරාව අඩු වෙනවා. ඒ නිසා දරුවට අම්මා එක්ක සතුටින් ඉන්න වෙලාවක් ඉතුරු වෙනවා. දරැවාගේ මානසික සංවර්ධනයට ඒක හරිම වැදගත්. ඒ විතරක්ද දරුවට සුව නින්දකුත් ලැබෙනවා. ගෙදරින් පිටතට දරුවා රැගෙන යද්දී වුණත් අන්දන්න වගේම ඉවත් කරන්නත් ඩයපර් පෑන්ට් එක වඩාත් සුදුසුයි. මොකද දරුවා හාන්සි කරන්නේ නැතිව කලිසමක් අන්දවන ආකාරයෙන්ම ඇන්දවිය හැකි නිසා.

ඉතිං ඩයපර් පෑන්ට් පැටියාට හානියක් නැද්ද?

කිසිසේත්ම නැහැ. උසස් තත්ත්වයේ නිෂ්පාදනයක් තෝරාගන්න තාක් ඩයපර් පෑන්ට් නිසා දරුවාට කිසිම හානියක් වෙන්නේ නැහැ. ඩයපර් පෑන්ට් ඇන්ද වීම දරුවාගේ නිදහසට බාධාවක් ලෙස සිතන පිරිසක් වගේම දරුවාගේ සුමුදු සමේ ආසාත්මිකතා, අවපැහැ වීම්, ගොරෝසු වීම්, කැපීම් තුවාල ඇති වීම ඩයපර් පෑන්ට් නිසා වෙන බවත් ඇතැමුන් විශ්වාස කරනවා. ඒ විතරක් නෙවෙයි කකුල් බකල් වෙනවා, අස්ථි පද්ධතිය හොඳින් හැදෙන්නේ නැ, දරුවාගේ වර්ධනය අඩාල වෙනවා ව‍ගේ මිත්‍යාමතත් ඕනෙතරම් අහන්න ලැබේවි. මේ තත්ත්වයන් ඇති නොවන ආකාරයේ ඩයපර් පෑන්ට් වර්ගයක් තෝරාගැනීමට විශ්වසනීය වෙළඳ නාමයක් යටතේ වෙළඳපොළට එන උසස් නිෂ්පාදනයක් පිළිබඳව දැනුවත් වීම මව්පියන් වන ඔබේ වගකීමක්.

LEAVE A REPLY

Please enter your comment!
Please enter your name here