දග පොඩ්ඩන්ට සැහැල්ලුවෙන් දවස ගෙවන්න තුනී ඩයපර් පෑන්ට් එක වඩාත් සුදුසු මේ නිසයි

0
දග පොඩ්ඩන්ට සැහැල්ලුවෙන් දවස ගෙවන්න තුනී ඩයපර් පෑන්ට් එක වඩාත් සුදුසු මේ නිසයි

හා හා පුරා කියලා අම්මා කෙනෙක් වුණු කාන්තාවකට වටෙන් පිටෙන් අහන්න ලැබෙන උපදෙස් නම් කෝටියයි. සමහර වැඩිහිටියෝ තමන් ලබපු අත්දැකීම් ගැන විස්තර කළත් ඒ අත්දැකීම තවත් දරුවෙක්ට නොගැලපෙන්නත් බැරි නැහැ. ඒ වගේම මිත්‍යා මතත් එකක් දෙකක් කියලාත් නෙවෙයි. මේ දේවල් කොහොම වුණත් කිසිම අම්මා කෙනෙකුටම මේ හැමදේටම එකඟ වෙලා කටයුතු කරන්න අමාරුයි. මොකද අතීතයේදීට වඩා අද වෙද්දී කාන්තාවන් කියන්‍නේ හරිම කාර්ය බහුල පිරිසක්. ඒ වගේම මිත්‍යා මතවලින් වුවත් බොහෝ දුරට ඈත් වෙලා. ඒත් වැඩිහිටයන් කෙරේ තියෙන භක්තිය ආදරය නිසාම ඔවුන්ගේ වචන නොසලකා හරින්නත් ඔවුන් අකමැතියි. වැඩිහිටියන්ගේ උපදෙස් වගේම අදහස් අතරේ ඩයපර් පෑන්ට්ස් කියනේනේ දරුවාට නොගැලපෙන දෙයක් විදියට තමයි සඳහන් වෙන්නේ.

මව්කුසේ සීමිත ඉඩ පරාසයක දස මසක් වැඩුණු ඔබේ සිඟිත්තා මෙලොවට බිහිවීමත් සමගම සිය වර්ධනයේ බොහොමයක් ඉසව් වේගයෙන් සම්පූර්ණ කර ගැනීම ආරම්භ කරන බව අපි දන්නවා. දවසින් දවස තම ජීවි‍තයේ බොහොමයක් කඩඉම් පසුකරන මේ පුංචි සිඟිත්තට අවශ්‍ය රැකවරණය වගේම පහසුව සැලසීම මව්වරුන් වන අපේ වගකීමක් වගේම යුතුකමක් වෙනවා. ඒ නිසාම දරු පැටියෙකුගේ ක්‍රියාකාරකම් වෙනුවෙන් අපගේ උපරිම සහයෝගය ලබාදිය යුතුයි. දරුවෙකුගේ වර්ධනයේ එක් එක් අවධීන් වෙනුවෙන් නිසි සංවර්ධනයක් බලාපොරොත්තු වන ඔබ ඒ ගැන වැඩි සැලකිල්ලක් දැක්විය යුතුමයි.

උඩුබැලි අතට වැතිරී සිටින කිරි කැටියා මුනින් අතට පෙරලීම, වාඩි වීම, බඩ ගා ඇදී යාම වගේම නැගී සිටීමත් ඇවිදීමත් මේ වයස් සී‍මාවේදී සිදු කරන ක්‍රියාකාරකම් අතර මූලික වනවා. දරු පැටියෙක්ට සාර්ථකව ඒ ක්‍රියාකාරකම් සම්පූර්ණ කිරීමට නම් ඔවුන්ට අවශ්‍ය නිදහස ඒ අයුරින්ම තිබිය යුතුයි. තෙමා ගැනීම පුංචි පැටියාගේ මේ ක්‍රියාකාරකම්වලට බාධකයක් වෙන්න ඉඩ තියන්න අම්මාලා කොහෙත්ම කැමති නැහැ. ඒ නිසාම අම්මලා ඩයපර් පෑන්ට් වෙත යොමු වෙනවා. ඩයපර් පෑන්ට් එකක් තෝරාගැනීමේදීත් එහි ස්වභාවය ගැන වැඩි අවධානයක් යොමු කරන අතරම තුනී බවින් වැඩි ඩයපර් පෑන්ට්ස්වලට ලැබෙන්නේ මුල් තැනක්. පැටියාගේ නිදහස, සැහැල්ලුව සහ  සුවපහසුව ගැන සිතන ක්‍රියාශීලී බවට සහය වෙන සෑම අම්මා කෙනෙක්ම පැටියා වෙනුවෙන් තෝරාගත යුතු වන්නේ උපරිම තුනී බවකින් යුතු ඩයපර් පෑන්ට් වර්ගයක්.

බොහොම ක්‍රියාශීලී පිරිසක් වන මේ වයසේ සිඟිත්තෝ දඟලන්න, පෙරලෙන්න, දුවන්න, පනින්න විතරක් නෙවෙයි දණ ගාන්න, බඩ ගාන්න මෙන්න මේ වගේ නිමක් නැති ක්‍රියාකාරම් එක්ක කාර්යබහුලයි. ඉතිං ඔබ දරුවා වෙනුවෙන් තෝරාගන්නා ඩයපර් පෑන්ට් වර්ගය මේ පැටවුන්ගේ නම්‍යශීලී බවට බාධාවක් නොවන සැහැල්ලු එකක් විය යුතුයි. මෙතැනදී ඔබ සැලකිලිමත් විය යුතු සුවිශේෂීම කරුණ වන්නේ ඩයපර් පෑන්ට් එකෙහි ඇති තුනී බවයි. ඔබේ පැටියා වෙනුවෙන් තෝරා ගන්නා ඩයපර් පෑන්ට් එක ඝනකමින් වැඩි වුවහොත් පැටියාගේ මේ ක්‍රියාකාරකම්වලට අනිවාර්යෙන්ම බාධාවනු ඇත. දරුවාගේ වේගවත් බව බාල කිරීමට ඝනකමින් වැඩි ඩයපර් පෑන්ට්ස් හේතු විය හැකි අතරම දියර පිරීමත් සමගම ඒ බාධාවක් දෙතුන් ගුණයකින් ඉහළ යා හැකිය. අන්න ඒ නිසාම තුනී බවින් වැඩි ඩයපර් පෑන්ට් වර්ගයක් තෝරා ගැනීමට මව්වරුන් සැලකිලිමත් විය යුතුයි. එමගින් දරුවාගේ චලනයන් වෙත කිසිදු බාධාවක් එල්ල නොවේ.

ඩයපර් පෑන්ට්ස් සුව නින්දක් ඔබේ දරුවාට ලබාදීමටත් ඔබට සහය වනු ඇත. නමුත් ඔබේ දරුවාට සුව පහසු නින්දක් හිමිවන්නේ ඔබ තෝරාගන්නා ඩයපර් පෑන්ට් වර්ග උපරිම තුනී බවින් යුක්ත එකක් නම් පමණි. තුනී බවින් වැඩි ඩයපර පෑන්ට් වර්යක් ඔබ භාවිත කරයි නම් දරුවාට තමා කැමති ආකාරයක සුව පහසු ඉරියව්වකට යොමු වීමට බාධාවක් ඇති නොකරයි. ඝනකමින් වැඩි ඩයපර් පෑන්ට් මගින් ඇතැම් විට ඔබ දරුවා ඇඳ මත තබන ඉරියව්වේම සිටීමට සිදු විය හැකි අතරම තුනී ඩයපර් පෑන්ට් එකක් ඇන්ද වීමෙන් දරුවාගේ සුවපහසු ඉරියව් කරා යමින් සැපවත් නින්දක් ලබා ගත හැකිය. තෙත් වීම නිසා හෝ ඝනකම් ඩයපරය නිසා ඇති වන අපහසුතාවය හේතුවෙන් රාත්‍රිය පුරා විටින් විට දරුවාගේ නින්දට බාධා වුවහොත් දරුවාගේ සුව නින්ද අහිමි වනු ඇත. සුව පහසු නින්දක් හිමි වුණු දරුවෙක් ඉතා ප්‍රබෝධමත්ව අවධි වී ඉතා සතුටින් කාලය ගත කරන අතරම ඒ සතුට දරුවන්ගේ මානසික සංවර්ධනය උදෙසාත් ඉවහල් වනු ඇත. එම නිසා ඔබේ දරුවාට සතුට ළඟා කරදීමට ඔබේ නිවැරදි තෝරාගැනීම බෙහෙවින් උපකාර වනු ඇත.

ඔබ, ඝනකමින් වැඩි ඩයපර් පෑන්ට් සමගින් ලබා ඇති නොයෙක් අමිහිරි අත්දැකීම් නිසාම ඔබේ පැටියාට ඩයපර් පෑන්ට්ස් ඇන්ද වීම නතර කර දැමූ මවක් විය හැකියි. නමුත් ඔබේ තෝරා ගැනීම තුනී බවින් වැඩි උපරිම උරාගැනීමේ හැකියාවක් ඇති ඩයපර් පෑන්ට් වර්ගයක් නම් ඝනකමින් වැඩි ඩයපර් පෑන්ට් නිසා දියර පිරුණු විගස දෙපා අතරින එල්ලා වැටීම වැනි වූ ඒ අපහසුතා කිසිවිටෙක් නැවත ඇති නොවනු ඇත. තම දෛනික ක්‍රියාකාරකම් කෙරේ ඉතා සතුටෙන් යොමුවන තෘප්තිමත් දරුවෙක් සෑම විටම සතුටින් සහ සුවපහසුවෙන් කාලය ගත කරයි. එය වක්‍රාකාරව ඔබේත් පවුලේත් සතුටට හේතු වනු ඇත. ඔබ, ඔබේ පැටියා වෙනුවෙන් නිවැරදිම දේ තෝරා ගැනීමට සැමවිටම සැලකිලිමත් වෙන්න.

LEAVE A REPLY

Please enter your comment!
Please enter your name here