පිටස්තර උදවිය බලා සිටියදී ආහාර ගත්තාම උදරාබාධ ඇති වෙනවද?

ගමනක් බිමනක් යද්දී පුංචි පැටවුන්ට බඩගිනි ඇති වීම සාමාන්‍ය දෙයක්. ඒ තත්වය ඉතින් පොඩිත්තන්ට පමණක් නොවෙයි, වැඩිහිටියන්ටත් පොදුයි. හැබැයි මොනතරම් ගුණදායක වුනත් පොදු ප්‍රවාහනයක ගමන් ගනිද්දී බත් වගේ දේවල් අරගෙන කෑමත් අපහසුයි. ඒ නිසා අපි කවුරුත් පොදු ප්‍රවාහන සේවාවක ගමනක් යද්දී මුලින්ම කරන්නේ අසල තිබෙන බේකරියකින් අතරමගදී ආහාරයට පේස්ට්‍රියක් හෝ වෙනත් බේකරි ආහාරයක් මිළට ගන්නවා.

මෙහෙම අදහසක් ඉස්සර තිබුණා..

අතීතයේදී නම් දෙමව්පියන් අතරමගදී කිසිම දෙයක් කෑමට දුන්නේ නැහැ. ඒ අයගේ අදහස වුනේ පිටස්තර උදවිය බලා සිටියදී ආහාර ගත්තාම උදරාබාධ ඇති වෙන බවයි.අම්මලා මේ තත්වය හැඳින්වූයේ කෙළ ගැල්මක් විදිහටයි.අපි කන ආහාරය දිහා බලා සිටින වෙනත් අයට ඒ ගැන ආසාවක් ඇති වුනොත් බඩේ අජීර්ණ තත්වය ඇති වීමට ඉඩ තිබෙන බවයි

දැන් මේ ගැන විද්‍යාත්මකව තිබෙන තත්වය මෙහෙමයිපොදු ප්‍රවාහන සේවාවක ගමන් ගනිද්දී අපි හැම දෙනෙක්ම වැඩියෙන් ආහාරයට ගන්නේ බේකරි නිෂ්පාදනයි. බේකරි නිෂ්පාදන ආහාරයට ගැනීම සහ උදරාබාධ ඇති වීම අතර පවතින අන්තර් සම්බන්ධතාවය ගැන මේ අයගේ අවධානය යොමු වුණා.ඔවුන් පෙන්වා දෙන්නේ බේකරි ආහාරවලට බොහොම ඉක්මනින් සැල්මනැල්ලා වැනි බැක්ටීරියාවන් වර්ධනයට තිබෙන අවස්ථාව නිසා පාචන තත්වයට ගොදුරු වීමට වැඩි සම්භාව්‍යතාවයක් ඇති බවයි. ඔවුන් මේ අධ්‍යන වාර්තාව බ්‍රිටිෂ් හෙල්ත් ජර්නල් මගින් ප්‍රකාශයට පත් කර තිබෙනවා.

තද සුවඳක් ඇති ඕනෑම ආහාරයක් දුම්රිය හෝ බස් රථයක් වැනි ප්‍රවාහනයකින් ගමන්ගනිද්දී ආහාරයට නොගන්න.  . එය සෙසු මගීන්ට නොගැලපෙන අතර ඔබ නැවතුම්පොළෙන් බැස ගිය පසු පවා සුවඳ දැනෙනු ඇත. බොහෝ උණුසුම් ආහාරවල ද ශක්තිමත් සුවඳ ඇති බව මතක තබා ගන්න.නූඩ්ල්ස්, පැස්ටා වැනි ආහාරවලින් වහනය වෙන සුවඳත් මේ අතරට ඇතුලත්.

පළතුරු දුන්නොත්…

පළතුරු ගැන නම් චෝදනාවක් නැහැ. ඒ වුනත් දොඩම්,නාරං වැනි පළතුරු ආහාරයෙන් පසුව එහි ලෙලි බිම දැමීම නිසා සිදු වෙන අපිරිසිදුතාවය ගැනත් මතකයේ තබා ගැනීම ඉතාම වැදගත්. අපි කෑවා…දරුවන්ට කන්න දුන්නා…එයින් එපිටට අපට මොකද කියලා හිතන දෙමව්පියෝ ඉන්නවා. කෙසෙල් ගෙඩිය කාලා කිසිම බියක් ලැජ්ජාවක් නැතුව පොත්ත එළියට දානවා. ඒ ගැන කිව්වොත් කියන්නේ ආ…ඕවා දිරනවානේ..ඒක ඇත්ත නමුත් අපට මෙය වැටෙන තැන ගැන ඉලක්කය අපි දන්නේ නැහැනේ..හදිසියේවත් කෙනෙක් ලිස්සා වැටුනොත් අපිත් එහි කොටස්කාරයෝ වෙනවා. ඒ නිසා ඉවත දමන දේවල් වෙනම කොටස් කර ගෙන ඇවිත් නගරයේ කසල බැහැර කරන තැනක් තිබුනොත් එතැනට එහෙම නැත්නම් නිවසටම ගෙනත් හෝ බැහැර කිරීම ඉතාම වැදගත්.

අතරමගට රටකජු එපා..

අපේ අම්මලා දරුවන්ට නිතරම සංචාරක වෙළෙන්දන් අරගෙන එන රටකජු අරගෙන දෙන්න කිසිම පැකිලීමක් නැහැ. රටකජු ගුණ බව ඇත්ත වුනත් බොහෝ විට ආසාත්මිකතාවයන් ඇති කරනවා. මේ තත්වය ඇතැම් විට මාරාන්තික වෙන්නත් පුළුවනි.

ඉස්සන් වඩේ වුනත් එහෙමයි. පුංචි දරුවන්ට මෙවැනි ආහාර අතරමගදී ලබා නොදීම ඉතාම වැදගත්.

මොනවද දෙන්නේ…

මස්, මාලු, බිත්තර අතරමගට කොහෙත්ම නම් සුදුසු නැහැ. අවදානම බොහොම වැඩියි. ඒ නිසා ගමනේ දුර අනුව ඊට පෙරාතුව නිවසේදී කුස පිරෙන යමක් ලබා දෙන්න. අතරමගට නම් බිස්කට් වගේ දෙයක් නම් වරදක් නැහැ. පාන් වුනත්  බිත්තර ,සැමන්, නැතුව සකස් කර ගන්න පුලුවන් නිසා අවදානම අඩුයි.

ඔන්න..ඉසස්රත් කෙළ ගැල්ම කියන්න ඇත්තේ ඔය වගේ ආහාර ආසාත්මිකතාවයන්ට වෙන්නැති.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here