කොවිඩ් කාලයේ ගැබ් ගත්තොත්

කොරෝනා හෙවත් කොවිඩ් 19 ආසාදිත තත්වය නිසා ගැබිනි මව්වරුන්ගේ කුස දරණ දරුවා ආසාදිත වීම ගැන ලෝකයාගේම අවධානය යොමු වුන තත්වයක්. හදිසියේ හෝ මේ ආසාදිත තත්වය දරුවාට බලපෑවොත්…ඔවුන්ගේ ජීවිත අවදානම…ජීවත් වුනත් ඇති විය හැකි සංකුලතාවයන්..මේ වගේ ගැටලු හැම දෙනාටම සාධාරණව ඇති වුණා.

චීනයේ වූහාන් නගරයේ උපත ලද බිලිඳෙකුගේ සිරුරේ කොරෝනා වෛරසය තිබෙන බවට උපතින් පැය 30කට පසුව තහවුරු වූ බව පසුගිය පෙබරවාරියේ වාර්තා වුණා.මාර්තු මාසයේදී චිකාගෝ නුවර දී අලුත උපන් බිළිඳෙකු කොරෝනා වෛරසය ආසාදනය වීම නිසා බ්‍රිතාන්‍යයේ වේල්ස් හි තුන් හැවිරිදි දරුවෙකුද මරණයට පත් වූයේ මවට කොරෝනා වෛරසය ආසාදනය වී ඇති බවට තහවුරු වුණා.

පසුගිය දා අපට ඉතාම සතුටුදායක ආරංචියක් ලැබුනා.ඒ ඉන්දියාවේ  මුම්බායි නගරයේ රෝහලක, කොරෝනා වෛරසය ආසාදිත ගැබිණි මව්වරුන් නිරෝගී දරුවන් සියයකට අධික සංඛයාවක් ප්‍රසුත කර තිබීමයි.මේ තරම් වසංගත තත්වයක් ලෝකය පුරා පැතිරෙන කාලයක ආසාදිත මවක් නිරෝගි දරුවෙකු ප්‍රසුත කිරිම මොන තරම් සතුටක්ද…? මුම්බායි නුවර Lokmanya Tilak මහ රෝහලේ පසුගිය මාසය ඇතුළත සිදු වූ දරු උපත්වලින් 115ක් කොරෝනා වෛරසය ආසාදිත මව්වරුන් විසින් සිදු වුණා. 

තිදෙනෙකුට පමණක් උපතේදී ම කොරෝනා වෛරසය ආසාදනය වී තිබුණු බව පරීක්ෂණවලින් තහවුරු වුණා. එම ළදරුවන් තිදෙනා ද පසුව සුවය ලබා ඇතැයි එම රෝහලේ වෛද්යවරු පැවසූහ. කොරෝනාවෛරස වසංගතයෙන් ඉන්දියාවේ වැඩි ම බලපෑමකට ලක් වී ඇත්තේ මුම්බායි නගරයයි. නමුත් කොරෝනා වෛරසය අසාදනය වූ ගැබිණි කාන්තාවන් දෙදෙනෙකු එම රෝහලේදී මරණයට පත්වී ඇති අතර ඉන් එක් කාන්තාවක් මියගොස් ඇත්තේ දරු ප්රසුතියට පෙරාතුවයි.මෙම ආසාදිත මව්වරුන් සිදුකළ දරු උපත්වලින් අඩක් සිසේරියන් සැත්කම් හරහා සිදු වී තිබෙනවා.උපත ලැබූ දරුවන්ගෙන් 56 දෙනෙකු පිරිමි දරුවන් වූ අතර 59 දෙනෙකු ගැහැණු දරුවන් .මෙම ගැබිණි මව්වරුනට කොරෝනා වෛරසය ආසාදනය වී ඇත්තේ සිය නිවසේදී ද, රෝහල තුළදී ද නැතහොත් වෙනත් පිටස්තර ස්ථානයකින් ද යන්න තවමත් පැහැදිලි නැහැ.

මවගේ ශ්වසන පද්ධතිය ආශ්‍රිත ශ්රාවයකට නිරාවරණය වන තුරු, දරුවා කුස තුළ සිටියදී හෝ ප්‍රසුතිය සිදුවන අවස්ථාවේ දී කොරෝනා වෛරසය ආසදනනය වීම සිදු වන්නේ ඉතා කලාතුරකින් බව නිව්යෝර්ක් වෛද්ය විද්යාලයේ (New York University School of Medicine) වසංගත රෝග පිළිබඳ අධ්යක්ෂ, වෛද්ය ඇඩම් රට්නර් සඳහන් කරනවා.

“ආසාදිත මව්වරුන්ගෙන් වැඩි පිරිසක් රෝග ලක්ෂණ පෙන්නුම් නොකිරීම ඇත්තටම වාසනාවක්. ඇතැම් මව්වරුන් උණ සහ ශ්වසන අවහිරතා පෙන්නුම් කළා. දරු ප්‍රසුතියෙන් පසුව ඒ අයට ප්‍රතිකාර කරලා නිවසට පිටත් කර හැරියා,” රෝහලේ මාතෘ හා ළමා අංශයේ ප්‍රධාන වෛද්ය අරුන් නායක් පැවසීය.

කොහොම වුනත් ගැබිනි මවගේ ආසාදිත තත්වය දරුවාගේ සෞක්‍ය වෙනුවෙන් බලපාන්නේ කෙසේදැයි වූ වැඩි දුර අධ්‍යනයක් සිදු වෙමින් පවතින කාලවකවානුවේදී කොවිඩ් 19 නිසා රෝගාතුර වන සාමාන්ය පුද්ගලයෙකුට වඩා දරුණු මට්ටමකට ගැබිණි කාන්තාවක් පත් වන බවක් පෙනෙන්නට නොමැති බව වෛද්ය විශේෂඥයින් පෙන්වා දෙනවා,” ලන්ඩන් නුවර ඉම්පීරියල් කොලේජ් හි ප්‍රසව විද්‍යාව පිළිබඳ මහාචාර්ය ක්රිස්ටෝෆ් ලීස් සඳහන් කරන්නේ ගැබිණි මව්වරුන් විශාල අවදානමකට පත් වෙන තත්වයක් ගැන තවම අපට පැහැදිලි නැති බවයි.

ලන්ඩන් නුවර Queen Charlotte’s and Chelsea රෝහලේ වෛද්ය එඩ් මුලින්ස් සඳහන් කරන්නේ

සමහර විට මව තුළ පවතින ආතතිය දරුවාට බලපෑමක් ඇති කිරීම මීට හේතුවක් වෙන්න පුලුවනි. එහෙම නැතිනම් මවට ලැබෙන ඔක්සිජන් ප්‍රමාණය මදි වීම නිසා දරුවා කලින් උපදිනවා වෙන්නත් පුළුවන්.” 

ඔක්ස්ෆර්ඩ් විශ්වවිද්යාලයේ මාතෘ සහ ළමා සෞක්‍ය පිළිබඳ මහාචාර්ය මේරියන් නයිට් සඳහන් කරන්නේ “දරුණු රෝගී තත්වය මත ඇතිවන උණ ගතිය නිසාත් දරු උපත කලින් සිදු වීමට ඉඩ තියෙනවා.” කොරෝනාවෛරසයට ගොදුරු වීම හේතුවෙන් ගබ්සාවන් සිදුවන බවට සාධක නැහැ. මවට ආසාදනය වූ කොරෝනා වෛරසය කුස තුළ සිටින දරුවාට ද ආසාදනය වීමේ හැකියාවක් පවතී. එවැනි අවස්ථා වාර්තා වී ඇත්තේ අඩු සංඛ්යාවකි. එනමුත් එවැනි දරුවන් සුවය ලබා නිරෝගීව සිටින බව වාර්තා වී තිබෙනවා.ඒ වගේම කෝවිඩ්-19 රෝගයට ගොදුරු වූ ගැබිණි කාන්තාවන්ගේ ශ්වසන අපහසුතා නිසා සිසේරියන් සැත්කමක් හරහා දරු උපත සිදු කරනවා.. 

මේ අතර කොවිඩ් 19 වසංගත කාලයේදී ගැබිණි මවකගේ මානසික සෞඛ්ය වෙනුවෙන් මේ විදිහට චර්යාව සකස් වීමටත් දැන් ඔවුන් දැණුවත් කර තිබෙනවා.

  • දරුවන් සමග වැඩිපුර කාලයක් ගත කරන්න.
  • සිය සැමියා, භාර්යාව, දෙමාපියන් හෝ පවුලේ අය සමග වැඩිපුර කාලයක් ගත කරන්න.
  • ආතතිය, පීඩනය අවම කර ගැනීම සඳහා හාස්‍ය උත්පාදක දේ කියවන්න, නරඹන්න.තමන්ට කාලයක සිට මඟ හැරුණු දෙයකට නැවත යොමු වෙන්න.
  • පොත් කියවීම්, අත්කම්, මැහුම් ගෙතුම්, ගෙවතු වගාව වැනි දේට යොමුවන්න.
  • එකිනෙකා අතර නියමිත පරතරය තබාගෙන, නිවසින් පිටත, නිවස තුළ හෝ ගෙමිදුලේ ව්යායාම්වල නිරත වන්න. මෙමගින් මොළය තුළ රසායන ද්‍රව්‍යයක් වර්ධනය වන අතර, එය මානසික සෞඛ්ය පවත්වාගෙන යාමට බලපායි.
  • සංගීතයට සවන් දෙන්න . ගායනය, වාදනය, නර්තනය සහ චිත්‍ර සඳහා යොමු වන්න.
  • බොහෝ කලකින් කතා නොකළ මිතුරෙකුට දුරකතන ඇමතුමක් දෙන්න.
  • වැරදි පුවත් නොබලා, වගකිව යුතු මාධ්‍ය ආයතනවල පුවත් පමණක් නරඹන්න, කියවන්න.
  • හැකි සෑම විට ම සමබර ආහාර වේලක් ලබා ගන්න.
  • අන් අයට පිහිට වන්න

බිබිසි පුවත්

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here