උපතේ සිට වැඩිහිටි අවධිය දක්වා දරුවෙකු බොහෝ වෙනස්කම්වලට භාජනය වෙනවා. ඔවුන් ශරීර ප‍්‍රමාණයෙන් පමණක් නොව සිතන පතන ආකාරයෙන්ද වෙනස් වේ. විවිධ මට්ටම්වලදී ළමුන් සිතන්නේ, ඉගෙන ගන්නේ හා හැඟීම් ඇති කරගන්නේ වෙනස් අන්දමටය. කෙසේ වෙතත් සමහර කරුණු සෑම වයසකම දරුවන්ට පොදුය.
ප‍්‍රීතිමත් ළමාවිය දරුවන්ට ලබාදීමට නම් ඔවුන්ගේ විවිධ වයස් මට්ටම් වලදී ඔවුන්ගේ සිතුම් පැතුම් හා ක‍්‍රියාකාරකම් මොනවාදැයි වැඩිහිටියන් ලෙස අප දැනගත යුතුය. එවිට ඔවුන් මුහුණපාන ගැටලුවලට උදව් කිරීමට අපට හැකි වේ.
දරුවෙකුගේ මනෝ සමාජීය වර්ධනය සඳහා උපකාරී වන ප‍්‍රධාන අවශ්‍යතා 4 කි.
- රැකවරණය ලබාදෙන වැඩිහිටියන්ගේ ආදරය සැලකිල්ල හා උනන්දුව
- දරුවාට ආදරය දැක්වීම පමණක් ප‍්‍රමාණවත් නොවේ. එම ආදරය දරුවාටද දැනිය යුතුය.
- දරුවා සමග කතා කිරීම, කතන්දර කීම, උනන්දුව හා ආදරය පෙන්වීම ඉතා වැදගත්ය.
- දරුවන් සමග දෙමාපියන් සෙල්ලම් කිරීම ආදරය පෙන්වීමට ඇති හොඳ ක‍්‍රමයකි.
- දරුවා කෙමෙන් වැඩෙත්ම ඔහු/ඇය උනන්දුව දක්වන දේ ගැන වැඩිහිටියන් එකතුව සාකච්ජා කිරීම.
- සෞඛ්‍යමය තත්ත්වය සිතුම්, පැතුම් හා හැඟීම් කෙරේ බලපාන බැවින් යහපත් සෞඛ්‍යය තත්ත්වය රැකගැනීම වැදගත්ය.
- කායික වශයෙන් සෞඛ්‍ය සම්පන්න දරුවා ප‍්‍රීතිමත් දරුවෙකි.
- පිරිසිදුව ජීවත් වීම
- පෝෂ්‍යදායී ආහාර හා ආරක්‍ෂිත පානීය ජලය ලබාදීම
2. ප‍්‍රතිශක්තීකරණය
- අසනීපවලදී නිවැරදි ප‍්‍රතිකාරය ලබාදීම
- යහපත් සනීපාරක්‍ෂක ක‍්‍රම භාවිතය
- අනතුරුවලින් දරුවන් ආරක්‍ෂා කරගැනීම
3.ජීවිතයේ ලබන විවිධ අත්දැකීම් තුළින් ඉගෙන ගැනීමට ඉඩදීම
- තම වැඩකටයුතු හැකි තරම් දුරට ඔවුනටම කරගැනීමට ඉඩ හැරීම, ඔවුන්ගේ වර්ධනයට උදව් වේ.
- තමා අවට ලෝකය ගැන අවබෝධයක් ලබාගැනීමට උදව් කිරීම
- විවිධ දේවල් සිදුවන අන්දම පිළිබඳව දැනුම ලබාදීම.
- පවුලේ වෙනත් සාමාජිකයන් සමග සිදු කරනු ලබන සබඳතා හෝ මිතුරන් සමග තිබෙන සබඳතා ආදියෙන් විවිධ අයුරින් අන් අය හා හැසිරීමේ ආකාරය ඉගෙන ගැනීම.
- ළමයින්ගේ සිතුවිලි, හැඟීම් හෝ අදහස් අන් අයට ප‍්‍රකාශ කිරීමට ඉඩ ප‍්‍රස්ථාව ලබාදීම.
උද.. ලිවීම, චිත‍්‍ර ඇ`දීම, කථා කිරීම
- දරුවන් සමග පොත් කියවීමෙන් පොත්වලට ඇති ආශාව කියවීමේ පුරුද්ද ප‍්‍රගුණ කරයි
- යම් යම් සංකල්ප පිළිබඳ සිතීම. එවැනි දේ තේරුම් ගැනීම. උදා: ඉලක්කම් හෝ සංඛ්‍යා
- සාමාන්‍ය ජීවිතයේදී දරුවාට ඇති වන අපහසුතාවලට මුහුණ දෙන අන්දම ඉගෙන ගැනීමට උපකාරී කිරීම.
- ජීවිතයේ මුහුණපාන්නට සිදුවන යම් යම් ගැටලුවලට විසදුම් දරුවාටම සොයා ගැනීමට ඉඩහැරීම හෝ ඉගැන්වීම.
4. ආත්ම ශක්තිය, ආත්ම විශ්වාසය හා ආත්මාභිමානය ගොඩනඟා ගැනීමට අවස්ථාව ලබාදීම.
- ළමයාට වැදගත් යයි සිතන පුද්ගලයින්ගෙන් ප‍්‍රශංසා ලැබීමට ඉඩ සැලසිය යුතුය.
- ළමයාගේ හැකියාවන් අගය කිරීමට පියවර ගැනීම
- කලින් සිදුකරනු ලැබූ කිසියම් වැරැද්දක් නිසා දරුවාගේ හොඳ ක‍්‍රියාවන්ට ප‍්‍රශංසා කිරීම අතපසු නොකළ යුතුය.
ළමයාගේ වර්ධනයට බලපාන ගෙදර දොර අහිතකර තත්ත්ව
- එක පවුලක අවුරුදු 3 ට අඩු දරුවන් දෙදෙනෙකුට වඩා සිටීම.
- කුඩා දරුවන් වැඩි සංඛ්‍යාවක් සිටී නම් දරුවන් වෙනුවෙන් මවක් ඉටුකළ යුතු වගකීම් අතපසු වේ.
- ආදරය හා උනන්දුව පෙන්වමින් දරුවන් සමග කාලය ගත කිරීම ඔවුන්ගේ වර්ධනයට උපකාරී වේ.
2. පිළිවෙළක් නොමැති අපිරිසිදු නිවස
- පිළිවෙළක් නොමැතිකම බොහෝ කරදරවලට හේතු වේ.
- සංවිධානාත්මක නිවස දරුවන්ට හොඳින් ඉගෙන ගැනීමට හා සෞඛ්‍ය සම්පන්නව සිටීමට උපකාරී වේ.
3. දෙමාපියන්ගේ විවාහ ජීවිතයේ බලවත් විෂමතා තිබීම.
- දෙමාපියන් අතර ඇති වන කලකෝලාහල, දරුවන් තුළ අනාරක්‍ෂිතභාවය හා භීතිය ඇති කරයි.
- දෙමාපියන් අතර ඇති සමීප සම්බන්ධතාවය දරුවන්ගේ සුරක්‍ෂිතභාවයට ඉවහල් වේ.
අනුරාධපුර ශික්‍ෂණ රෝහලේ ළමා රෝග අංශයේ වෛද්‍ය නිර්මලී ඒකනායක මහත්මිය සමග සකසන ලද ලිපියකි.
