- Advertisement -

චූටියාට දැන් මාස අටයි.. අවුරුද්දක් වෙද්දි කොයි තරම් වෙනස් වෙයිද?

-

චුටියා දැන් ලොක්කෙක් වෙලා. බලන් ඉද්දිම වගේ අලුත් අලුත් දේවල් කරනවා. දැන් නම්චූටියාගේ වැඩ දැක්කම ලෝබ හිතෙනවා. හැමදාම මේ වගේම තියාගන්න පුළුවන් වුණා නම් හැමදාම මේ හුරතල් බල බල හිනා වෙන්න සතුටු වෙන්න තිබුණා. ඒත් මොනවා කරන්නද නේද?

චූටියාගේ කායික වර්ධනය

- Advertisement -
  • උදව් නැතිව හිඳ ගනී
  • තනිව අල්ලා සිට ගනී
  • ශබ්ද අනුකරණය කරයි
  • තනි වචන උච්චාරණය කරයි
  • තේරුමක් ඇති ශබ්ද පිටකරයි.
  • සරල උපදෙස් තේරුම් ගනී
  • උදා: අත්පුඩි ගැසීම, අතවැනීම
  • එක් අතකින් අනෙක් අතට යම් යම් දේ මාරු කරයි

 

චූටියාගේ මානසික/චිත්තවේගීය හා සාමාජීය සංවර්ධනය

  • කැඩපත තුලින් දකින විට ඡායාවට සිනාසෙයි. තට්ටු කරයි. සමහරවිට සිපගනී.
  • කොටුවක් තුළ හෝ තොටිල්ල තුළ සිටීම ප‍්‍රතික්‍ෂෙප කරයි. අමුත්තන් මුණගැසුන විට දෙමාපිය දෙවුර මත හිස සඟවා ගනී.

 

මානසික සංවර්ධනය සඳහා චූටියාට

  • තද පැතලි මතුපිටක් මත සිට ගැනීමට උදව් කරන්න.
  • භාජනයකට යම් ද්‍රව්‍ය දැමීමටත් ආපසු ගැනීමටත් අවස්ථාව සලසන්න.
  • එදිනෙදා ගෙදරදි කරන වැඩ ගැන කතා කරන්න.
  • නොයෙක් පින්තූර පෙන්වා ඒවායේ නම් කියාදෙන්න.
  • සෙල්ලම් කරන්න.
  • දක්වන ඉඟි හා සංඥාවලට තේරුම් එක් කිරීමට අර්ථ කථන දැක්වීම ආරම්භ කරන්න.

හිස වැනීම – නැත යන්නට/අත වැනීම – සමුදීමට

  • දෑස තුලට ගැඹුරින් එබී බලන්න. ඇසට ඇස ගැටීම තුලින් සමීපතාවය ඇති කරගත් දෙමාපියන් හට දරුවන්ගේ විනය පිළිබඳව ගැටලූ ඇති වන්නේ අඩුවෙන් බව අධ්‍යයනය පිළිගනී.

 

චූටියාගේ පෝෂණය

මාස 8 – 9 වන විට

  • දිනකට කෑම වේල් 3 ක් පමණක් ලබාදෙන්න. කෙටි ආහාර (Snack) වේලක් ලබාදෙන්න.
  • එක් වේලක් සඳහා අඬු කෝප්ප ½ ක් පමණ ලබාදෙන්න. 
  • කුඩා කැබලි සහිත ආහාර ලැබෙන්න සලස්වන්න. 
  • හොඳින් තැම්බු බිත්තර කහමදය හැඳි ½  කින් පමණ ආරම්භ කර ක‍්‍රමයෙන් වැඩි කරන්න.
  • දරුවාගේ ඇඟිලිවලින් ආහාර අල්ලාගෙන කෑමට ඉඩ ලබාදෙන්න.
  • විවිධ වර්ගයේ ආහාර ලබාදෙන්න.

 

මාස 10 – 12 පමණ වන විට

  • ප‍්‍රධාන ආහාර වේල් 4 ක් පමණ ලබාදෙන්න.
  • අඩු කෝප්ප තුන් කාලක් (3/4) පමණ එක් වේලකට ප‍්‍රමාණවත් වේ. ඒ අතර කෙටි ආහාර වේල් 2 ක් ලබාදෙන්න.
  • පොඩි කරගත් මුං ඇට, කව්පි, කඩල හා අල පොල් සමග මිශ‍්‍ර කර ලබාදෙන්න.
  • පළතුරු හෝ යෝගට් ද ලබාදිය හැක.
  • ඉඳි ආප්ප, සුදු ආප්ප වාටියක්, රෝස් කළ පාන් කැබැල්ලක්, ළමා බිස්කට් වර්ගයක් දරුවාගේ අතට ගෙන කෑමට උනන්දු කරන්න.
  • ආහාර වේලකට පසු අවශ්‍ය නම් මව්කිරි ලබාදෙන්න.
  • පවුලේ අනෙක් අයට සාදන ආහාර ද ලබාදෙන්න.
  • කෑම ලබාදීමට පැය 2-3 කට පෙර අනෙක් ආහාර ලබාචීම පාලනය කරන්න. දරුවාට හොඳින් බඩගිනි වීම සඳහා මේ කාලය අත්‍යවශ්‍ය වේ.

 

චූටියාගේ නිසි සංවර්ධනය වෙනුවෙන් විශේෂ අමතර කරුණු

  • මුල් වසර තුල ආහාර සඳහා ලුණ හා සීනි එකතු නොකරන්න.
  • ඉන් පසුවත් හැකි තරම් පැණි රස හා ලුණු රස සහිත ආහාර ලබාදීම අඩු කරන්න.
  • බලෙන් කෑම කැවීම සම්පූර්ණයෙන් අසාර්ථක හා අනතුරුදායක ක‍්‍රියාවක් බව සිහි තබාගන්න.
  • ඉන් මානසික ආතතිය ඇතිවන අතර ආහාර රුචිය සම්පූර්ණයෙන් නැති වේ.
  • කිසිවිටෙක ආහාර පිළියෙල කිරීම සඳහා බ්ලෙන්ඩරය භාවිත නොකරන්න.
  • දරුවාට කෑම දීමට ස්ථානයක් සකස් කර සෑම දිනකම එම ස්ථානයේ තබා ආහාර ලබාදීම සිදු කරන්න. (එවිට දරුවා එම ස්ථානයේ තැබූ විට ආහාර ගැනීමට සූදානම් වේ)
  • පවුලේ සාමාජීකයන් සියලු දෙනාම එකට එකතු වී ආහාර ගැනීම සිදු කරන්න. එවිට දරුවා එය නිරීක්‍ෂණය කර ඉගෙන ගනී.
  • බඩගිනි ඇති වේලාවට පමණක් කෑම කැවීම ආරම්භ කරන්න.
  • සම්පූර්ණ කෑම වේලාව පැය ½ නොඉක්මවිය යුතුයි.

 

 චූටියාට එන්නත් ලබාදීම

  • මාස 9 සම්පූර්ණ වූ විට කම්මුල්ගාය, සරම්ප, රුබෙල්ලා (MMR-1) ලබාදේ.
  • මාස 12 සම්පූර්ණ වූ විට  JE එන්නත ලබාදේ.

 

අනුරාධපුර ශික්‍ෂණ රෝහලේ ළමා රෝග අංශයේ වෛද්‍ය නිර්මලී ඒකනායක මහත්මිය සමග සකසන ලද ලිපියකි.

 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article