දැන් අපේ ළමයි ඔන්ලයින්

වෙනදාට ස්මාර්ට් දුරකථනයක් හෝ වෙනත් විද්යුත් සන්නිවේදන සම්බන්ධතාවයන් ඉල්ලා සිටින ඔබේ නව යොවුන් වයසේ පසුවෙන දුව පුතා වෙනුවෙන්….. ”දැන්ම ඕවා බැහැ..විභාගයෙන් පස්සේ..”කිව්වත් අද මේ ස්ථාවරයෙන් මදකට හෝ මිදෙන්න දෙමව්පියන්ට සිදු වෙනවා. එදා පංති කාමරයේ ඉගෙනුම අද ඩිජිටල් හෙවත් විද්්යුත් මාධ්ය ඔස්සේ පරිවර්තනය වෙන යුගයක්.තවමත් අපේ රටේ දරුවන්ගෙන් බොහෝ ප්රතිශතයකට මේ වෙනුවෙන් පහසුකම් නැහැ.

ඒ වගේම පහසුකම් තිබෙන පලාත්වල වුනත් දරුවන් මේ මාධ්ය ඔස්සේ කටයුතු කිරීමේදී වවිධ ගැටළු ඇති වෙන්න පුලුවනි. මෙතෙක් විද්්යුත් සමාජ ජාල සහ අන්තර්ජාලය සමග දැණුවත්ව කටයුතු කළ දරුවන් මෙන් නොව ඒ අත්දැකීම ආගන්තුක වුන දරුවන් ගැන වැඩි අවධානයක් දැක්විය යුතු කාලයක් මේ…ඊට හේතුව වදුරා දැළි පිහිය අතට ගත්තා වගේ දැණුවත්කම නොමැති දරුවන් නොමගට ඇදෙන්න තිබෙන ඉඩ ප්රස්තාවන් තිබෙන බව ඔවුන්ට පැහැදිලිව කියා දිය යුතු කාලයයි මේ..

 

  • අධ්යාපනයෙන් ඔබ්බට ගිය විට..

වෙනදා නොමැති සුන්දර ලෝකයක් දරුවා දැන් විද්්යුත් මාධ්ය ඔස්සේ දකින්න පුලුවනි. ඉගෙනුම් කටයුතු කියමින් ඔවුන් ඒ සමග වැඩි වේලාවක් ගත කරන්නත් පුලුවනි.සමහර විට මේ ඔස්සේ දරුවා සයිබර් හිංසනයන්ට පත් වෙන්න පුලුවනි.සයිබර් හිංසනය නීතියෙන් තහනම් කළ බරපතල දඬුවම් ලබන වරදක් වුනත් ඔබේ නොදරුවා මේ වගේ අකටයුතුවල ගොදුරක් වීමට හැකියාව තිබෙනවා.

  • ලෝකයට විවෘත වීම..

වෙනදා අම්මා තාත්තා සමග දුටු සුපිරි වෙළඳසැලට ඔබ්බෙන් වූ ලෝකයක් ඔවුන් දකිනවා. මේ සයිබර් ලෝකයෙන් මවන සුන්දරත්වය දරුවා හිතන තරම් සුන්දර නැහැ.හිත රවටන විවිධ දේයටත් වඩා ජීවිතයට නොගැලපෙන බොහෝ දේ විද්්යුත් ලෝකයේදි ඔහුට මුණ ගැහෙන්න පුලුවනි. කාමාශාව ඇති කරන දැන්වීම්, චිත්රපට, වෙනත් ලිපි ලේඛන පමණක් නොව අනවශ්ය පෝෂණ අතිරේක වගේම කායවර්ධන හා සිරුර කෙට්ටු කරන විවිධ දේවල් ඔවුන්ගේ නෙත ගැටේවි.මේ සැබෑ ලෝකය යැයි සිතන දරුවා ඒ වෙනුවෙන් වූ එල්බ ගැනීම සමග මේ මත්ද්රව්ය වැනි දේ පවා අත්හදා බලන තැනට පත් වෙන්න පුලුවනි.

  • විවිධ ඇප් සෙවීම

වෙනදාට වඩා ජංගම දුරකථනය සමග කාලය ගෙවන්න සාධාරණ කාලයක් තිබෙන නිසා දරුවා විවිධ ඇප් සොයන්න පුලුවනි. මේ විදිහට පහසුකම් වැඩි වෙන නිසා දරුවාත් ඒ වෙනුවෙන් තවත් කාලය ගත කරන්න පටන් ගනීවි. මෙය නොදැනීම දුරකථනය හෝ පරිගණකය සමග වැඩිපුර කාලය ගෙවීමට හොද අවස්ථාවක් වෙන්න පුලුවනි.

  • ඇබ්බැහි වීමේ අවදානමක් තිබෙනවා..

දුරකථනය හෝ පරිගණකය අවශ්යතාවය වෙනුවෙන් සම්බන්ධ කර ගත්තාට වරදක් නැති වුනත් පමණට වඩා එහි කාලය ගෙවිම,දුරකථනය හෝ පරිගණකයෙන් තොරව ලෝකයක් නැති වීම වැනි තත්වයන් නිසා දරුවා පවුල වෙනුවට දුරකථනයට සම්බන්ධ වීමේ කාලය සහ අවශ්යතාවය වැඩියෙන් දක්වනවා.එය මානසික
අවපීඩනය සහ කාංසාව වැනි මානසික රෝග තත්වයන්ට හේතු වෙන්න පුලුවනි.ඇමරිකා එක්සත් ජනපදයේ ටෙක්සාස් ප්රාන්ත විශ්ව විද්යාලයේ මනෝවිද්යා අංශය මගින් 2019 වසරේ සිදු කරන ලද අධ්යනයකින් පෙන්වා දෙන්නේ නව යොවුන් දරුවන් සමාජ මාධ්ය භාවිතය වෙනුවෙන් ඇබ්බැහි වීම නිසා මානසික අවපීඩනයට පත් වීමේ ඉහළ අවදානමක් ඇති බවයි.ඒ සමගම ඔවුන් නිතරම සෘනාත්මක ආකල්පවලින් යුක්ත වීමේ වටපිටාවක්ද ගොඩ නැගී ඇති බව එම අධ්යනයේදී පැහැදිලිව හඳුනා ගෙන තිබෙනවා.

  • දරුවන්ට ඊ අධ්යාපනයට ඉඩ දෙන්න බැරිද..?

කිසිම ගැටළුවක් නැහැ. ඒ වෙනුවෙන් ඉඩ දිය යුතුමයි.නමුත් දරුවා නිතරම තනියම සිටින්නට කැමැත්තක් දක්වනවා නම් තැන ගැටළුවක්.විද්යුත් මාධය ඹස්සේ පවත්වන අධයාපනයේදෟ ඒ සඳහා වූ කාලසටහන දෙමව්පියන්ටත් දැන ගත හැකියි.ඒ කාලයෙන් පසුව දරුවා විද්්යුත් මෙවලම් සමග සිටිනවා නම් ඒ ගැන විමසා බලන්නත් පුලුවනි.මොනම දෙයක වුනත් පාලනයක් තියෙනවා.දැන් ඉතින් ඔන්ලයින් අධ්යාපනයනේ…කියලා පැත්තකට වෙන්න එපා.

 

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here