මේ බ්‍රසිලයේ.පුංචි දරුවන් තුන්දෙනෙක් මුල් කර ගෙන වුන සිදු වුනත් මේ සිදුවීම අපටත් පොදු සංසිද්ධියක්. ඒ ඇයි කිව්වොත් දරුවන් කියන්නේ ලෝකයේ කොතැන හිටියත් දරුවන්.ඔවුන්ගේ හිතේ තිබෙන සිතුවිලි ඒ තරමටම විශ්ව සාධාරණයි.ඒ නිසා මේ සිදුවීම කියවන ඔබටත් ඔබේ දරුවන් ගැන යම් අවධානයක් දක්වන්න වේවි.
එඬේර පවුලක ජීවත්වුන මේ පිරිමි දරුවන් තුන්දෙනා වයස අවුරුදු 8,10 සහ 12 වැනි පුංචි වයසේ සිටිය එකම පවුලේ සහෝදරයන් තුන්දෙනෙක්.මේ තුන්දෙනා ”ස්පයිඩර් මෑන්” ට බෙහෙවින් ආදරය කලා. නිතරම ස්පයිඩර් මෑන් අනුකරනය කරන්න උනන්දු වුනා.බොහොම නිදහස් ජීවිතයක් ගෙවන මේ සහෝදරයන් තුන්දෙනා බැටළුවන් බලා ගන්න ගිය වේලාවක අමුතු සිතුවිල්ලක් ආවා.
මේ පළාතේ සිටින විෂ සහිත මකුළු වර්ගය ලවා ඔවුන්ට දෂ්ට කර ගත්තොත් ස්පයිඩර් මෑන් ඔවුන්ටත් ආරූඪ වෙයි කියලා එක් දරුවෙක් කිව්වා.තුන්දෙනාම මේ අදහසට එකග වුණා. බැටළුවන් ආහාර සොයා කද්දී සහෝදරයෝ තුන්දෙනා මකුළුවා ලවා දෂ්ට කර ගත්තා.
ටික වේලාවක් යද්දී දරුවන්ගේ සිරුර ඉදිමී හුස්ම ගැනීමේ වේගය වැඩි වුණා.මස් පිඩු පෙරලෙන්න පටන් ගත්තා.ඔවුන් ඉක්මනින් ගෙදර ගිහින් දෙමව්පියන්ට මේ බව කිව්වා.ඉක්මනින් ප්‍රතිකාර ලබා දුන්න නිසා දරුවන් තුන්දෙනා සුවපත් වුනත් හදිසියේවත් මීට වඩා තත්වය දරුණු වෙන්න ඕනෑ තරම් ඉඩ තිබ්බා.
- මේක ඉතින් බ්‍රසිලයේ වෙච්ච දෙයක් නේ..
ඒක ඇත්ත.නමුත් ඔබේ දරුවාත් මේ තත්වයේ ගොදුරක් වෙන්න බැහැ.දරුවන් මනංකල්පිත චරිත වෙනුවෙන් දැඩි විදිහට එල්බ ගන්නවා.මේ චරිත මනංකල්පිත යැයි නොහිතන තරම් ඔවුන් ඒ චරිත ආරූඪ කර ගන්නවා.හැබැයි එතැනදී වුනත් දරුවන් වැඩියෙන් ඇදෙන්නේ සත් චරිත වෙතට නොවෙයි. මවා ගත් වීර චරිත වෙතයි.
- අවධානය දුන්නොත් හොදයි..
ඒ නිසා විද්්‍යුත් මාධ්‍ය ඔස්සේ හෝ කාටුන් මගින් මවන චරිත සමග සමහර විට ඔබේ දරුවාත් ජීවත් වෙනවා. ඇති.ඒ වගේම මේ චරිත වෙනුවෙන් ආදරය කරනවා ඇති.ඒත් ස්පයිඩර් මෑන් වගේ බිත්ති දිගේ ගමන් කිරීම දරුවාට කළ නොහැකි දෙයක් බැව් කියා දෙන්න.එවැනි අවදානම් කටයුතුවලට ගොස් ජීවිතයටත් අනතුරු විය හැකි බැව් දරුවාට පහදා දෙන්න.
- නිතරම සොයන්න
දරුවා කාටුන් මගින් හෝ වෙනත් සාහිත්‍ය කතාවකින් මවන චරිතය සමග ජීවත් වෙනවා නම් ඔවුන්ගේ අන්තර් ක්‍රියාවන් ගැනත් විමසා බලන්න.දරුවන්ගේ හැටි එහෙමයි.එය අතීතයේ පටන්ම සිදු වුන දෙයක්.බොහෝ දරුවන් මඩොල්දූවේ උපාලි, ජින්නා වීමට කැමැති වුණා. අඹයහළුවෝ ටෙලි නාටයයේදී නිමල්,සුදු අප්පෝ වීමට කැමැති වුණා.එයින් පෙනෙන්නේ දරුවන් මේ චරිත සමග ජීවත් වීමට දක්වන කැමැත්තයි.එය හොඳ අතට යොමු වීමට වඩා අවදානම් කටයුතු වෙනුවෙන් යොමු වීමේ අවදානම ඉතාම ඉහලයි.
ඒ නිසා දෙමව්පියන් විදිහට ඔබ දරුවාගේ හිතේ මවා ගත් වීර චරිත මුලින්ම හදුනා ගන්න.ඒ චරිත අනුකරනය කරමින් පමණට වඩා මනංකල්පිත ලෝකයක ජීවත්වෙනවා නම් එතැනින් මිදී සැබෑ ලෝකය සමග ජීවත්වෙන මග කියා දෙන්න.දරුවාගේ ලෝකයේ සැබෑම වීරයන්,ආරක්ෂකයන් දෙමව්පියන් බැව් ඔවුන්ට පහදා දෙන්න. ඒ නිසා කිසිම විටෙකවත් දරුවා හුදෙකලාව කරන්නේ මොනවාදැයි විමසිලිමත් වෙන්න.අම්මා,තාත්තාගේ මග පෙන්වීම අනුව හැසිරෙන ,ඔවුන් අනුගමනය කරන දරුවන්ට කිසිදු දිනක ජීවිතය නොවරදින බවත් ඔබේ ලෝකයේ සැබෑම වීරයන් දෙමව්පියන් මිස වෙන කවුරුවත්ම නොවන බවත් කියා දෙන්න.
