චූටියට දැන් අවුරුදු පහකුත් වෙලා.. මේ ‍දේවල් සාමාන්‍යනයි නේද?

අම්මගේ තුරුලේ හුරතල් වෙන චූටියා දවසින් දවස ලොකු වෙනවා දකිද්දී අම්මා කෙනෙක්ට සතුට වගේම දුකකුත් ඇති වෙනවා. ඉදිරියට අතේ වඩාගෙන හුරතල් කරන කාලය අවසන් වෙන නිසා ඇති වෙන දුකත් දවසින් දවස චූටියා උස්මහත් වෙන සතුටත් කියන දෙකම තමයි ඒ. 

චූටියා වගේම මේ වයස් සීමාවේ සිටින දරුවන්ගෙන් 5/6 ක් දරුවන්ට හොඳ සන්නිවේදන දක්ෂතාවයන් හා විවිධ ක්‍රියාකාරීත්වයන් සඳහා ඔවුන්ගේ භාෂාව භාවිත කිරීමටත් දියුණු කරගෙන තිබේ. මෙම වයසේදී කථනය, භාෂාව හා සන්නිවේදන දක්ෂතා වඩා වැදගත් වන අතර එය ඔවුන්ගේ සාක්ෂරතාවය හා කියවීමේ දක්ෂතා වර්ධනයට උදව් වේ

 

මෙම දරුවන්ගේ දක්ෂතාවයන් ආකාර 5 ක් යටතේ වර්ධනය කරගත හැක.

  • Cognitive Development දරුවාට ඉගෙනීමේ හැකියාව හා ගැටලු විසඳා ගැනීම
  • Social & emotional development සාමාජීය හා චිත්තවේගීය සංවර්ධනය
  • Speech and language development කථන හා භාෂාව සංවර්ධනය
  • Fling motor skill development සියුම් චාලක හැකියාවන් සංවර්ධනය
  • Gross motor skill development දල චාලක හැකියාවන් සංවර්ධනය

 

කථනය, භාෂාව හා සන්නිවේදනයේ පියවර

අවුරුදු 5 – 6

  • දිගු වේලාවක් මතක් කිරීමකින් තොරව එක් දෙයක් කෙරෙහි අවධානයෙන් සිටීම.
  • දිගු උපදෙස් කොටස් දෙකකින් යුතුව අවබෝධයෙන් කරගත හැක.

උදා: පහල තට්ටුවට ගොස් ශීතකරණය ඇර ඔබගේ පානය ඉවතට ගන්න.

  • වචන කාණ්ඩ කිරීමේ හැකියාව ඇත.

උදා: සතුන්, ඇඳුම්, ආහාර

  • විවිධ ශබ්ද හඳුනාගැනීමට අවබෝධය ලැබේ.
  • තවත් කෙනෙකු සමඟ කතා කරන සෙල්ලම් කරන ආකාරය බොරුවට අඟවයි.

 

අවුරුදු 7

  • බහු සංකීර්ණ උපදෙස් හඳුනාගනී. බොහෝ ප්‍රශ්න විමසන අතර අලුත් වචන ඉගෙන ගනී. ඒවා සුදුසු ලෙස යොදයි.
  • වස්තූන්ගේ, සතුන්ගේ කොටස් නම් කරයි. ඒවායේ හැඩය, ප්‍රමාණය, ක්‍රියාකරීත්වය පිළිබඳව පැවසිය හැක.
  • කතාන්දර අවසානයේ සිදුවන්නේ කුමක්ද යන්න අනාවැකි පැවසිය හැක

 

අවුරුදු 9

  • තොරතුරුවලට සවන්දී ඊට අනුව වැඩ කිරීමේ හැකියාව ඇත.
  • වේලාව හා මිනුම් සම්බන්ධයෙන් පවතින වචන පරාසයන් භාවිත කරයි.
  • විශාල පරාසයක ක්‍රියා පද භාවිත කරයි.

 

අවුරුදු 12

  • සංකීර්ණ සංධිනිපාත භාවිතයට හැකි වේ.

උදා: මේ අතරතුරේදී

  • යම් වැකියක් ව්‍යකරණානුකූලව නිවැරදි නොවන විට එය හඳුනාගනී.
  • යමෙකුට යමක් අවබෝධ නොවන විට එය පැහැදිලි කිරීමට උත්සහ කරයි.

 

අවුරුදු 5 – 12 දරුවෙකුගේ වර්ධනය හා සංවර්ධනය

 

  • පාසලට ඇතුළු වීමේ සිට වැඩිවියට පත්වීම දක්වා කාලයයි. දරුවාගේ සිතුවිලිවල හැඟීම්වල සංවර්ධනය ආරම්භ වේ.
  • සමවයස් දරුවන් අතර අන්තර් ක්‍රියා වැඩිවේ
  • පළමු අවුරුදු 5 වඩා අඩු වේගයකින් වර්ධනය හා සංවර්ධනය සිදු වේ.
  • ශාරීරික ශක්තිමත්භාවය, පේශිවල සමාජානුයෝජනය වැඩි වේ. සෙල්ලම් කිරීම නැටීමට ඉගෙන ගනී
  • අවුරුදු11 දී වැඩිවියට පත්වීමට සූදානම් වේ.
  • ගැහැනු දරුවෙකුගේ පියයුරු වර්ධනය ආරම්භ වේ. පිරිමි දරුවන්ගේ මුහුණේ කෙස් වර්ධනය වන අතර උසින් වැඩිවේ. ලිංගික ප්‍රදේශවල රෝගම වැඩි වේ.

 

එකිනෙකා අතර අන්තර් ක්‍රියා පැවැත්වීම

අවුරුදු 6 – 7 දක්වා

  • සහයෝගය හා බෙදාගැනීම පවතී.
  • සහෝදර සහෝදරියන් අතර ඊර්ෂ්යාත්මක හැඟීම් පවතී.
  • වැඩිහිටියන් අනුකරණය කරයි
  • තනිව සෙල්ලම් කිරීමට කැමති අතර යහලුවන් වඩා වැදගත් වේ.
  • එම ලිංගයේ යහලුවන් සමඟ සෙල්ලම් කරයි.

 

අවුරුදු 8 – 9

  • තරගවලට හා ක්‍රීඩාවලට කැමැත්තක් දක්වයි.
  • විරුද්ධ ලිංගිකයන් සමග මිතුරුකම ඇති කරගී. සෙල්ලම් කරයි.
  • ශරීරය පිළිබඳව ලැජ්ජාව පවතී
  • බාලදක් ආදී කණ්ඩායම් සමග කටයුතු කරයි.

 

අවුරුදු 10 – 12

  • මිතුරන් සොයා ගැනීම වඩා වැදගත් වේ.
  • විරුද්ධ ලිංගිකයන් පිළිබඳව උනන්දු වේ.
  • වඩා හොඳ මිතුරන් සොයයි.
  • දෙමාපියන්ට කැමති හා ගරු කරයි.
  • අන් අය හා කතා කිරීමෙන් සතුටු වේ.

 

පාසැල් අවධියේ දක්ෂතා හා වටහා ගැනීම්

අවුරුදු 6 – 7

  • ඉලක්කම් පිළිබඳ සංකල්පය අවබෝධ කරගනී.
  • දිවා කාලය හා රාත්‍රී කාලය පිළිබඳව අවබෝධය ඇත.
  • වම් අත, දකුණු අත හඳුනාගනී.
  • සංකීර්ණ හැඩයන් පිටපත් කළ හැක

උදා: දියමන්තියක හැඩය

  • වේලාව පැවසිය හැක
  • වෙනම ක්‍රියාකාරකම් තුනක් අවබෝධ කරගනී.
  • යම් වස්තුවක භාවිතය පැහැදිලි කළ හැක.
  • ඉලක්කම් තුනක් ආපස්සට පැවසිය හැක
  • වයසට සරිලන පොත් කියවයි.

 

අවුරුදු 8 – 9

  • ආපස්සට ගණන් කළ හැක.
  • දිනය දැනගනී.
  • බොහෝ දේ කියවයි. කියවීමෙන් සතුටු වේ.
  • ඇඳීම, පාට කිරීම කරයි.
  • මාසය, දින, සති හඳුනාගනී.
  • වස්තූන් එකතු කර සතුටු වේ.

 

අවුරුදු 10 – 12

  • කතාන්දර ලියයි.
  • ලියුම් ලිවීමට කැමතිය.
  • හොඳින් කියවයි. දුරකථන භාවිතයෙන් සතුටු වේ.

 

සියුම් හා දළ චාලක හැකියාවන්

අවුරුදු 6 – 7

  • බොහෝ ක්‍රියාකාරකම් සමග විනෝද වේ.
  • චිත්‍ර ඇඳීම හා පාට කිරීමට කැමතිය
  • පුහුණු දක්ෂතාවයන්/හැකියාවන් ශක්තිමත් වේ.
  • කඹයකින් පැනීම, බයිසිකල් පැදීම වැනි දෑ කරයි.

 

අවුරුදු 8 – 9

  • හැකියාවන් හා චාලක ක්‍රියාකාරකම් වඩාත් ශක්තිමත් වේ.
  • උඩ පැනීම, කඹයකින් පැනීම, චෙස් ක්‍රීඩාව ආදියට කැමැත්තක් දක්වයි.
  • ඇඳුම් ඇදීම හා පිරිසිදුභාවය තමා විසින්ම පවත්වා ගනී.
  • මිටිය, බුරුමය ආදී උපකරණ භාවිත කළ හැක.

 

අවුරුදු 10 – 12

  • මැසීමට, පාට කිරීමට කැමතියි.

 

දරුවන්ගේ සමාජීය හැකියාවන් වර්ධනය සඳහා දෙමාපියන්ගේ දායකත්වය

 

  • ඔහුගේ/ඇයගේ හැකියාවන් සඳහා ක්‍රියාකාරකම් තෝරාගැනීමට උදව් කරන්න.
  • ඔහුගේ/ඇයගේ හැඟීම් විවෘතව කතා කිරීමට උනන්දු කරන්න.
  • විනෝදාංශ හා වෙනත් ක්‍රියාකාරකම්වල යෙදීමට දරුවා උනන්දු කරන්න.
  • දරුවා කියවීමට උනන්දු කරන්න.
  • ශාරීරික ක්‍රියාකාරකම්වලට උනන්දු කරන්න.
  • ස්වයං විනය හා නීති පිළිපැදීමට උනන්දු කරන්න.
  • සමවයස් කණ්ඩායම් වල පීඩනයන් බෙදාගැනීමට උනන්දු කරන්න.
  • වගකිවයුතු පුද්ගලයන්ට ගරු කිරීමට හා ඇහුම් කන්දීමට උගන්වන්න.
  • රූපවාහිනි, වීඩියෝ, පරිඝණක, ජංගම දුරකථන භාවිතය සීමා කරන්න.

 

අනුරාධපුර ශික්‍ෂණ රෝහලේ ළමා රෝග අංශයේ වෛද්‍ය නිර්මලී ඒකනායක මහත්මිය සමග සකසන ලද ලිපියකි.

 

අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here