- Advertisement -

ඔබට වගේම ඔබේ දරුවාටත් භාවිතයට සුදුසු වතුර බෝතලයක් තෝරාගමු

-

පුංචි දරුවන්ගේ සිත් ඇද ගන්නා විදියට එක එක කාටූන් චරිත ප්‍රින්ට් කරපු ලස්සන ලස්සන බෝතල් දැන් වෙළඳ පොළේ ඕනෑ තරම්. මේවා දැක්කම දරුවන්ගේ හැසිරීම ගැන හැම අම්මා කෙනෙක්ටම වාගේ අත්දැකීම් ගොඩක් ඇති. ඒත් දරුවා වෙනුවෙන් ඔබ මිලදී ගන්නා වතුර බෝතලය කුමක්ද කියා තීරණය කිරීමට කිසිවිටෙකත් දරුවාට ඉඩ නොතැබිය යුතුයි. දරුවන් හැඬූ පමණින් නිසි ප්‍රමිතියට අදාලව නිපදවා නොමැති වතුර බෝතල් දරුවා වෙනුවෙන් මිලදී ගැනීමට පෙර ඔබ දැනුවත් විය යුතු කරුණු කිහිපයක් තිබේ.

ඔබටත් දරුවාටත් වතුර බෝතලයක් තෝරාගැනීමේදී 

  • ප්ලාස්ටික් වතුර බෝතල්
- Advertisement -

ප්ලාස්ටික් බෝතල් නුසුදුසු බව අද වන විට ඔබට අසන්නට ලැබෙන අවස්ථා බොහොමයක්. ඒත් පුංචි දරුවන්ට වීදුරු බෝතල් ලබාදෙන්න මව්පියන් කිසිසේත්ම එකඟ නොවන්නේ පාසැලේදී යම් අනතුරුවලට භාජනය වේ යැයි යන සැකෙන්. අන්න ඒ නිසා අද වන විටත් ප්ලාස්ටික් බෝතල් භාවිතය නතර කරන්නට අපි කවුරුත් සූදානම් නැහැ. වෙනත් විකල්පයක් නැති නිසා අප භාවිත කරන මේ ඵ්ලාස්ටික් බෝතල් මිලට ගැනීමේදී එහි ප්‍රමිත්ය ගැන සිතා බැලීම අපේ දරුවන්ගේ සෞඛ්‍ය කෙරේ ඉතාමත් වැදගත් වෙනවා. 

මේ ප්ලාස්ටික් බෝතල් බොහෝ විට සකස් කර ඇත්තේ විශේෂයෙන්ම අපේ පොඩ්ඩෝ වගේ පාසැල් යන දරුවන්ට. මේවා නැවත නැවත භාවිතයට සුදුසු අයුරින් සකස් කර තිබෙනවා. මෙවැනි තත්ත්වයේ බෝතල් සබන් හා ජලය යොදා පිරිසිදු කළ යුතු වුවත් කිසිදු විටෙක ඇතුළත පලුදු වීම් සිදු වීමට නොදිය යුතුයි. එනම් තද කෙඳි ඇති බුරුසු මගින් ඇතිල්ලීමේදී ඇති වන සීරීම් සිදු නොවන ආකාරයෙන් ප්‍රවේශමෙන් පිරිසිදු කරගත යුතුය. එසේම උණු වතුර පිරවීමත් සුදුසු නැහැ. කොයි ආකාරයෙන් හෝ බෝතලයේ මතු පිටට යම් හානියක් සිදු වුවහොත් එය ඉවත් කළ යුතු වනවා සේම නැවත නැවත  භාවිත කළ හැකි බෝතලයක් වුවත් එයවසර ගණනක් පුරා භාවිතය නුසුදුසු බව තරයේ සිහි තබාගන්න.

  • වෙළඳ පොළේ ඇති ජලය ඇසිරූ බෝතල් සහ සිසිල් කළ බීම බෝතල්

වෙලාවකට අපි දකිනවා ඇතැම් අය පානීය ජලය අසුරා ඇති ප්ලාස්ටික් බෝතලය නැවත නැවත දිගු කාලයක් භාවිත කරන අවස්ථා. ඒ වගේම සිසිල් බීම බෝතල් වුවත් ඇතැමුන් එදිනෙදා ජලය රැගෙන යාමට යොදා ගන්නවා. ඒත් මේ බෝතල් සැකසෙන්නේ එසේ නැවත නැවත ප්‍රයෝජනයට ගැනීමට සුදුසු ප්‍රමිතියෙන් නොවන බව බොහෝ දෙනෙක් දන්නේ නැහැ.මේවා සුදුසු වන්නේ එක් වරක් භාවිතයට පමණයි. කෙසේ වුණත් මේ බෝතල්වලට උණුවතුර පිර විය නොහැකි අතරම ඒවා ඍජු හිරු එළියට හෝ තාපයට හසුවීමෙන් සිරුරට අහිතකර රසායනික දුව්‍ය නිපදවෙන නිසා භාවිතය කිසිසේත්ම සුදුසු නොවේ. 

  • වීදුරු බෝතල්

පුංචි දරුවන්ට ගෙන යාමේදී සහ භාවිතයේදී ගැටලු ඇති විය හැකි වුවත් වැඩිහිටි අපිට නම් වීදුරු බෝතල්වලට හුරු වීම වඩාත් සුදුසුයි. දිගු කාලයක් පුරා හොඳින් පිරිසිදු කරමින් නැවත නැවත භාවිත කළ හැකි වීදුරු බෝතලයට උණුසුම් ජලය පිරවුවද කිසිදු හානි දායක තත්ත්වයක් ඇති නොවේ. 

  • මල නොබැඳෙන වානේ බෝතල්

ස්ටේන්ලස් ස්ටීල් ලෙස අපි එදි නෙදා ව්‍යාවහාරයේදී හඳුන්වන මේ බෝතලවල ඇතුළත හෝ පිටත මල නොබැදෙන නිසා භාවිතයට සුදුසු වේ. මෙම බෝතල් පිරිසිදු කර නැවත නැවත භාවිත කිරීමේ කිසිදු වරදක් නොමැත. නමුත් හොඳ ප්‍රමිතියේ බෝතලයක් තෝරා ගැනීම වඩාත් වැදගත් වේ. මන්ද ඇලුමිනියම් යොදා ගනිමින් නිපදවා ඇති බෝතල් බොහොමයක් වෙලඳ පොලේ ඇති නිසා හොඳම නිෂ්පාදනයක් තෝරා ගැනීමට මව්පියන් දැනුවත් විය යුතුය. උණු වතුර පිර වීමේදීද කිසිදු ගැටලුවක් නොව මල නොබැදෙන වානේ බෝතල් පුංචි දරුවන්ට වුවද ආරක්ෂාකාරී වේ. 

 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article