පැංචන්ට හොඳම පෝෂණය දෙන්න අම්මලා වෙහෙසෙන්නේ මේ නිසයි

0
පැංචන්ට හොඳම පෝෂණය දෙන්න අම්මලා වෙහෙසෙන්නේ මේ නිසයි

දස මසක් පුරා කුසේ වැඩෙන පුංචි දරුවෙක් එයාට අවශ්‍ය හැම පෝෂකයක්ම උරා ගන්නේ අම්මාගෙන්. ඒ දරු පැටියා මෙලොවට බිහිවීමත් එක්කම මව්කිරෙන් පෝෂණය කරන්නේත් අම්මාමයි. දවසින් දවස වැඩෙන පුංචි පැටියාගේ නිසි පෝෂණය ගැන අම්මා කෙනෙක් වද වෙන්නේ නිරෝගී යහපත් දරු පැටියෙක් වෙනුවෙන් නිසි පෝෂණය අත්‍යවශ්‍ය බව ඇය දන්නා නිසයි. තමන්ගේ දරු පැටියා ආහාර ප්‍රතික්ෂේප කරද්දී තව තවත් ආහාර අලුත් අලුත් විදියට හදා කවන්නට වෙහෙස වන්නේත් ඒ නිසාමයි.

පුංචි දරුවෙකුගේ ජීවිතයේ මුල් අවුරුදු පහ කියන්නේ සීග්‍ර වර්ධනයක් සිදුවන කාලසීමාවක්අන්න ඒ නිසාම මානසික වර්ධනයට අදාල වටපිටාව හා ක්‍රියාකාරකම් වගේම ශාරීරික වර්ධනයට අවශ්‍ය සියලු පෝෂකත් දරුවෙකුට නොඅඩුව ලබා දෙන්න හැම අම්මෙක් තාත්තෙක්ම දෙපාරක් හිතන්නේ නැහැ. ඒත් පුංචි දරුවෝ කෑම කන්න නම් බොහොම අදි මදි කරනවා. ඒ කොහොම වුණත් තමන්ගේ පුංචි පැටියට ඉහළ පෝෂණයක් ලබා දීම අම්මා තාත්තාගේ වගකීමක් කියලා ඔවුන් දන්නවා. 

පුංචි පැටියට නිසි පෝෂණ නොලැබුණොත් වෙන්නේ මොකද්ද?

ඔව්… පුංචි පැටියට නිසි පෝෂණය නොලැබුණොත් එයා පෝෂණ ඌනතාවයන්ට ගොදුරු වෙන්න තියෙන ඉඩ කඩ වැඩියි. ඒක දරුවාගේ සමස්ථ වර්ධනයටම බලපෑම් කරනවා. 

‍පෝෂණ ඌණතාවය කියන්නේ මොකද්ද?

ඒ කියන්නේ සුවිශේෂී එක් පෝෂකයක හෝ පෝෂක කිහිපයක් හිඟ වීම. අපේ රටේ ගත්තොත් අද වෙන විට දැකිය හැකි ප්‍රධාන පෝෂණ ඌනතාවයක් තමයි යකඩ ඌනතාවය. සෞඛ්‍ය අමාත්‍යංශයේ සමීක්ෂණ වාර්තාවලට අනුව නම් වයස අවුරුදු පහ දක්වා දරුවන් තිදෙනෙකුගෙන් එක් අයෙක් යකඩ ඌනතාවයෙන් පෙලෙනවා.

ඉතිං මේ යකඩ ඌනතාවය භයානක තත්ත්වයක්ද?

ඒක භයානක තත්ත්වයක් වෙන්න බැරි නැහැ. මොකද සාමාන්‍යයෙන් දරුවෙකුගේ පළමු අවුරුදු පහ තුළ මොළයේ 90% ප්‍රතිශතයක් වර්ධනය වෙනවා. ඒ වෙනුවන් නැතිවම බැරි පෝෂකයක් තමයි යකඩ. ඒ වගේම අපේ පුංචි පැටවුන්ගේ සාමාන්‍ය සංජානන වර්ධනයටත් මධ්‍ය ස්නායු පද්ධතියේ වර්ධනයටත් යකඩ අත්‍යවශ්‍යයි. මේ දේවල් සාර්ථකව සිදු වෙන්න යකඩ පෝෂකය අත්‍යවශ්‍යයි.

යකඩවලින් අපේ සිරුරට ලැබෙන සේවාව මොකද්ද?

අපේ සිරුරේ විවිධ කොටස් වෙත ඔක්සිජන් අරගෙන යන්නතත් හිමොග්ලොබීන් නිපදවන්නත් යකඩ නැතිවම බැහැ. යකඩ අඩු වු‍ණොත් මතක ශක්තිය වගේම අවධානය අඩු වීම, ශාරීරික හා මානසික සංවර්ධනය බිඳ වැටීම නිසා දරුවෙක්ට බොහෝ අපහසුතාවලට මුහුණ දීමට සිද්ධ වෙනවා. දරුවාගේ නිසි සංවර්ධනයක් දැක ගන්නත් ඔබට බැරි වෙනවා. අන්න ඒ නිසා දරුවාගේ ආහාර වේලේ යකඩ ප්‍රමාණය ගැන ඔබ අනිවාර්යෙන්ම සැලකිලිමත් විය යුතුයි. 

ඉතිං අපේ දරුවට යකඩ ඌනතාවයක් තියෙන බව දැනගන්නේ කොහොමද?

ඔබේ දරු පැටි යකඩ ඌනතාවයෙන් පෙලෙනවා නම්,

  • සම සුදුමැලි ස්වභාවයකින් යුක්තයි
  • නුරුස්නා ස්වභාවයක් පෙන්නුම් කරයි
  • කැරකැවිල්ල ගැන පැමිණිලි කරයි
  • ස්වසන අපහසුතා පෙන්නුම් කරයි
  • හැසිරීමේ යම් යම් වෙනස්කම් පෙන්වයි
  • වාචික හැකියාව අඩුයි
  • දුර්වල බව/අලස බව/ තෙහෙට්ටු මෙන්ම නිදිමත ස්වභාවයෙන් කාලය ගත කරයි

දරුවෙක්ට අවශ්‍ය නිසි යකඩ ප්‍රමාණය ලබා ලබා දෙන්නේ කොහොමද?

  • සැමවිටම දරුවාගේ ප්‍රධාන ආහාර වේල සමබල ආහාර වේලක් බවට පත් කරන්න
  • යකඩ බහුල ආහාර දිනපතා ලබා දෙන්න
  • යකඩ පරිපූර්ණ කිරි වීදුරුවක් ලබාදෙන්න

යකඩ අඩංගු ආහාර වර්ග මොනවද?

මස්, මාළු, හාල් මැස්සන්, පීකුදු, සැමන් වැනි සත්ත්වමය ආහාරවල අඩංගු යකඩ සිරුරට පහසුවෙන් උරා ගන්නාවා. ඒ වගේම තද කොළ පැහැති පලා වර්ග/සහල්, කව්පි, කඩල, පුං ඇට, පරිප්පු වැනි ධාන්‍ය වර්ග වගේම යකඩ පරිපූර්ණ කිරි ලබාදීම මගිනුත් යකඩ ඌනතාවයට ලක් වීම මගහරවා ගන්න පුළුවන්.

ඒ වගේම සිරුරට යකඩ හොඳින් අවශෝෂණය වීමට නම් දරුවාගේ ආහාර පිසින විටදී දෙහි, සියඹලා වැනි දෑ එක් කළ හැකියි. විටමින් සී බහුල අලුත් එළවලු සහ පළතුරු වැඩියෙන් දරුවාට ලබා දෙන්න ඔබට පුළුවන්. ආහාර වේලක් ලබාදී පැයක්වත් ගත වන තුරු තේ, කෝපි වැනි ටැනින් අඩංගු දේ දරුවාට ලබා නොදිය යුතුයි. තවත් වැදගත්ම දෙයක් වෙන්නේ දරුවාගේ වෛද්‍යවරයා හමු වෙලා නිසි කලට පණු ප‍්‍රතිකාරය ලබා දීම.

අපේ දරුවා කෑම ප්‍රත්ක්ෂේප කරනවා. ඒ නිසා මේ ආහාර වර්ග එයාට ලබා දෙන්න අමාරුයි. ඒකට විදුමක් නැද්ද?

වයස අවුරුදු පහ දක්වා කාලය කියන්නේ දරුවෙකුගේ පෝෂණය වෙනුවෙන් පූර්ණ අවධානයක් යොමු කළ යුතු කාලයක්. යම් පෝෂණ ඌනතාවයක් ඇති වුවහොත් එය නිවැරදි කර ගැනීමටත් අපහසු විය හැකියි. අන්න ඒ නිසා කෑම නොකන පොඩ්ඩන්ගේ යකඩ අවශ්‍යතාවය සපුරන්න යකඩ පරිපූර්ණ කිරි වීදුරුවක් දරුවා වෙනුවෙන් ලබාදීම තමයි එකම විසඳුම වෙන්නේ.

LEAVE A REPLY

Please enter your comment!
Please enter your name here