ඔන්න ආයේම පාසල් පටන් ගන්නවා.. අම්මලා, තාත්තලා බයෙන් වුනත් දරුවන් පාසල් යවන්නම ඕන.කොවිඞ් සමග අපි දැන් ජීවත් විය යුතුයි.
මහනුවර මහ රෝහලේ ක්ෂුද්‍ර ජීවවේදය සහ ආසාදන පිළිබඳ විශේෂඥ වෛද්‍ය මහේන් කොතලාවල මහතා….
ඔබට ඔබේ දරුවා ඉතාම වැදගත්.ඒත් පාසල පටන්ගත්තාට පසුව කිසිම අවස්ථාවක අනවශ්‍ය විදිහට කලබල වෙන්න එපා.සමාජ මාධ්‍ය ජාල ඔස්සේ ලැබෙන පණිවිඩ මත ක්‍රියාත්මක වීමට පෙරාතුව එහි සත්‍යාසත්‍යතාවය ගැන හිතා බලන්න. මේ වැරදි පුවත් කටකතා ( disinformation) සහ ප්‍රචාරයන් මේ නිසා පංතිභාර ගුරුවරයා සමග වැඩි සම්බන්ධතාවයක් ඇති කර ගන්න.
සම්බන්ධතාවය මේ විදිහට ගොඩ නගා ගන්න..
- පංති භාර ගුරුවරයාගේ දුරකථන අංකය හෝ SMS කෙටි පනිවිඩ සක්‍රිය කරන්න.
- ඒ විතරක් නොවෙයි…හැම දෙමව්පියෙකු සහ ගුරුවෘත්තිකයෙකුම කොවිඞ් 19 වසංගත තත්වය ගැන දැන සිටීම ඉතාම වැදගත්.රෝගය ගැන උපදෙස් වෛද්‍ය වෘත්තිකයෙකුගෙන් ලබා ගන්න පුලුවනි.
දුරස්ථ බව
දරුවන්ටත් සමාජ දුරස්ථබව ආරක්ෂා කිරීමට පුරුදු කරන්න.එය පංතියේදී පමණක් නොව පාසල් පද්ධතියේ හැම තැනකදීම වැදගත් බවත් කියා දෙන්න.
රථවාහනවල ගමන් කරන විට වගේම වැසිකිලි, කැසිකිලි පාවිච්චියේදීත් තමන්ගේ ආරක්ෂාව ගැන සිහිපත් කරන්න.නිතරම සබන් යොදා අත් සෝදන්න එහෙම නැත්නම් hand sanitizer භාවිතා කිරීමට පුරුදු කරන්න.මේ විදිහට දරුවා කටයුතු කරනවාදැයි නිවසේ පටන්ම නිරීක්ෂනය (Monitor)කරන්න.
සනීපාරක්ෂාව
වැසිකිලිවල පිරිසිදුබව ඉතාම වැදගත්. මේ වෙනුවෙන් PHENOL/ Cresol වැනි විෂබීජ නාශක දියර භාවිතා කරන්න.
දරුවන්ට නිතරම තමන්ගේ මුහුණ,ඇස් ඇල්ලීමේ පුරුදු ඇති.නිතරම මුහුණ ඇල්ලීම නොකල යුතු බව කියා දෙන්න. එවන් අවශ්‍යතාවයක් ඇති වුනොත් අත සෝදා ගෙන හෝ sanitizer භාවිතයෙන් පසුව තම අවශ්‍යතාවය කර ගැනීමට කියා දෙන්න.
කිසිම විටෙක sanitizer ඇස්වලට ගෑවෙන්න ඉඩf දෙන්නත් ඒවායේ සුවඳ බැලීමත් නොකල යුතු බැව් කියා දෙන්න.
දරුවා නිතර ස්පර්ශ කරන පෘෂ්ට සහ දේවල් හොදින් පිරිසිදු කරන්න. ඒ වෙනුවෙන් අවශ්‍ය දේවල් සපයා දෙන්න.
දරුවාට තැනින් තැන කෙල ගැසීමට ඉඩ දෙන්න එපා.
මුව වැසුම්-Mask
දරුවාට මුව වැසුම් කීපයක් ලබා දෙන්න.ඒවා සනීපාරක්ෂක අන්දමින් භාවිතා කරන අන්දම කියා දෙන්න.රෙදි වලින් සකස් කරන ලද මුව වැසුම් මේ වෙනුවෙන් යෝග්‍යයි.සෞඛ්‍ය කාර්ය මණ්ඩල භාවිතා කරන මුව ආවරණ මේ වෙනුවෙන් අවශ්‍ය වෙන්නේ නැහැ.එහෙම වුනොත් මේ මුව ආවරණ මිලට ගැනීමට නොහැකි දරුවන් සහ දෙමව්පියන් අතර යම් සැකයක් ඇති වෙන්න පුලුවනි.
දවස පුරා එකම මුව වැසුම භාවිතා කිරීම අපහසු විය හැකියි.දහඩිය නිසා මුව ආවරණ මාරු කිරීමට අවශ්‍යයි. ඒවා මාරු කිරීමට වගේම මාරු කරන ලද මුව වැසුම් වෙනම බෑගයක දමා ගෙන ඒමට හුරු කරන්න.
පාසල් යැවීම
හැම දවසකදීම පාසල් යවන්න පෙරාතුව උදේ අසනීප ගතියක් තිබෙනවාදැයි දරුවාගෙන් විමසා බලන්න.එහෙම ඇත්නම් සුවය ලැබෙන තෙක් පාසල් යවන්න එපා.එය ඔබේ දරුවාට මෙන්ම හැම දරුවෙකුගේම ආරක්ෂාවට වැදගත්.පාඩම පසුව ඉගෙන ගත හැකියි.සුවය ඊටත් වඩා වැදගත්.
දරුවා පාසල් නොගිය දින වැඩ කොටස් ලබා ගැනීමට ක්‍රමවේදයක් සකස් කරන්න.
කොවිඞ් 19 වෛරස තත්වය සුලු චර්යාවෙනස්කම් මගින් සිදු කරන්න පුලුවනි.ඒ වෙනුවෙන් සැම දෙනාම එක්ව එකාවන්ව කටයුතු කිරීම ඉතා වැදගත්
මහනුවර මහ රෝහලේ ක්ෂුද්‍ර ජීවවේදය සහ ආසාදන පිළිබඳ විශේෂඥ වෛද්‍ මහේන් කොතලාවල මහතා විසින් දක්වන ලද අදහස්..
