- Advertisement -

බෝවන රෝගවලින් දරුවන් රැකගන්න ඔබේ වගකීම හඳුනාගන්න

-

අන් කවරදාටත් වඩා සෞඛ්‍ය වෙත විශේෂ අවධානයක් යොමුවීම පසුගිය වසර පුරාවට ලෝකය පුරාම දක්නට ලැබුණා. විශේෂයෙන්ම අපේ පුංචි දරුවන් රෝග තත්ත්වයන්ගෙන් ආරක්ෂා කර ගැනීමට නොයෙක් ආකාරයේ උපක්‍රම මව්පියන් සොයන්නට වෙහෙස වුණා. ඒ හෙට ලොව බාරගන්නට සිටින අපේ පුංචි පැටවුන් ආරක්ෂා කර ගැනීම වැඩිහිටි අපේ මූලිකම අරමුණ නිසයි 

දරුවන් යනු ඔබ අප සැමගේ වගකීමක් වන නිසාම ඔවුන්ගේ ආරක්ෂාව පිළිබඳ නිරන්තර සැලකිලිමත් වීම වැඩිහිටි සැමගේම වගකීමක්. වර්තමානයේ උද්ගත වී ඇති අභියෝගාත්මක තත්ත්වය හමුවේ දරුවන්ගේ සනීපාරක්ෂාව සහිත සුරක්ෂිත ඉගැනුම් පරිසරයක අවශ්‍යතාවය අන් කවරදාටත් වඩා ඉස්මතුවී ඇත.  විශේෂයෙන්ම පාසල් නැවතත් විවෘත වී ඇති පසුබිමක දරුවන්ගේ සෞඛ්‍යාරක්ෂාව පිලිබඳ දෙමව්පියන්ගේ අවධානය වෙනදාටත් වඩා යොමුව ඇති බව පැවසිය යුතුමය. දරුවන් නිවසේ වෙසෙන කාලය තුළ ඔවුන්ගේ සෞඛ්‍යාරක්ෂාව පිලිබඳව දෙමාපියන් අවධානයෙන් සිටියත් පාසැල තුළ, පෙර පාසැල තුළ ගත කරන කාලය දරුවන්ට මෙන්ම දෙමව්පියන්ටද තරමක අභියෝගාත්මක එකකි. එනිසාම දරුවන් පාසැල වෙත යැවීමට තවමත් දෙමව්පියන් තරමක මැලිකමක් දක්වන බව නොරහසකි. නමුත් දරුවන්ගේ අධ්‍යාපනය එලෙස මගහැරෙන්නට ඉඩදීමද නුදුරු දිනකදීම ඔබ සිතනවාටත් වඩා විශාල අවධානමකට දරුවා ඇද දමනවා විය හැකිය. එනිසා ඔවුන්ගේ සෞඛ්‍යාරක්ෂාව ගැන දැඩි අවධානයක් දෙන අතරතුරදීම අධ්‍යාපන කටයුතු අතපසු නොවන්නට ඔවුන් පෙළඹවීම දෙමව්පිය ඔබගේ වගකීමකි. 

- Advertisement -

බැක්ටීරියා ආසාදන යනු පාසල් යන වයසේ දරුවන්ගේ සෞඛ්‍යාරක්ෂාවට දැඩි ලෙස තර්ජන එල්ල කරන රෝගවාහක තත්ත්වයකි. දුවන පනින වයසේ දරුවන් බොහෝවිට විෂබීජවලට නිරාවරණය වීම ඉහළ මට්ටමක පවතින නිසාම ඉක්මනින්ම බැක්ටීරියා අසාදනවලට ලක්වීමේ අවධානමක් ද පවතී. එලෙසම පාසල් කාලය තුළ දෙමව්පියන් ලෙස ඔබේ අවධානය දරුවා වෙනුවෙන් ලබා දීමේ හැකියාවක් නොමැති නිසාම ඔවුන් වෙත ළඟාවන අසාදන තත්ත්වයන් පිළිබඳව ඔබට අවබෝධයක් නොමැති වීම සාමාන්‍ය කරුණකි. එනිසාම පෙර සූදානම සෑම විටම ඔබේ දරුවා රෝග තත්ත්වයන්ගෙන් අරක්ෂා කරගනිමින් අවධානම අඩු කරවයි.

විශේෂයෙන්ම බෝවන රෝග බහුල මෙවැනි සමයක නිරන්තරයෙන්ම දරුවා ගැන අවධානයෙන් සිටීම වැදගත් වන අතර පාසලේ සිට නිවසට ආ මොහොතේම ඔවුන් පිරිසිඳු කිරීමට වගබලාගත යුතුය. එලෙසම ඔවුන්ගේ චර්යාවේ කිසියම් අසනීප සහගත බවක් දැනුනු වහාම වෛද්‍ය උපදෙස් වෙත යොමුවීම වැදගත් වන අතර දරුවා සමග එදිනෙදා පාසලේ තොරතුරු විමසමින් පිළිසඳරක යෙදීමටද අමතක නොකරන්න. යම් හෙයකින් ඔවුන්ගේ සෞඛ්‍යාරක්ෂාවට තර්ජනයක් විය හැකි කිසිවක් වුවහොත් එය මුලදීම හඳුනා ගැනීමේ අවස්ථාව එවිට ඔබට හිමිවේ. එලෙසම ප්‍රතිශක්තිය වඩවන ආහර වෙත දරුවා යොමු කරවීමද වැදගත්ය.

පිරිසිඳුකමේ අගය ගැන සෑමවිටම දරුවා දැනුවත් කරන්න. පවතින තත්ත්වය හමුවේ සියලු පාසල් නිසි සෞඛ්‍යාරක්ෂිත ක්‍රමවේදයන්ට අනුව පවත්වාගෙන යාම ඔබට තරමක් පහසුවක් වුවත් එහි ඇති වටිනාකම ගැන නිරන්තරයෙන් දරුවන් දැනුවත් කරන්න. පාසලට ඇතුළු වීම පෙර පාසලෙන් සපයා ඇති පහසුකම් යටතේ දෑත් පිරිසිඳු කරගැනීමට උපදෙස් දෙන්න. කෑමට පෙර, කෑමට පසු නිවැරදිව දෑත් සේදීමේ අවශ්‍යතාවය පෙන්වා දෙන්න. විවේක කාලය තුළ සෙල්ලම් කිරීමෙන් අනතුරුව නැවතත් පන්තියට පැමිණීමට පෙර දෑත් හොඳින් පිරිසිඳු කරගන්න ලෙස කියාදෙන්න. සෑමවිටම තමන්ගේ සෞඛ්‍යාරක්ෂාව පිලිබඳ සැලකිලිමත් වීමේ වටිනාකම ඔවුන්ට පහදා දෙන්න. වෙනදාට වඩා අවට වටපිටාව රෝගකාරක විෂබීජවලින් පිරී ඇති බව කියාදෙන්න. 

දරුවන්ගේ අධ්‍යාපනය, අනාගතය හමුවේ මෙවැනි අභියෝගයකට මුහුණ දීමේ අවශ්‍යතාවය විනා ඊට බියව නිවසටම වී සිටීම ප්‍රයෝගික නොවන බව තේරුම්ගත් ඇට්ලස් ආයතනය දරුවන්ගේ සෞඛ්‍යාරක්ෂාව ගැන සලකමින් දෙමුපියන්ගේ සිත් තුළ ඇතිවන්නා වූ බිය නැතිකර දමමින් කාලයට ගැළපෙන අගනා විසඳුමක් සොයාගෙන ඇති බව අපි සතුටින් මතක්කර සිටින්නෙමු. ඒ අනුව ඇට්ලස් සමගම ශ්‍රී ලංකාවේ ප්‍රථම වරට බැක්ටීරියා නාශක ලිපිද්‍රව්‍ය පෙළක් හඳුන්වාදී ඇත. ලංකාවේ විශාලතම ලිපිද්‍රව්‍ය සන්නාමය ලෙස ඇට්ලස්  ආයතනය දරුවන්ට සුරක්ෂිත ඉගැනුම් පරිසරයක් නිර්මාණය කළ හැකි පාසල් උපකරණ රැසක් මෙලෙස හඳුන්වාදීමෙන් දරුවන් වෙනුවෙන් තවදුරටත් පුරෝගාමී මෙහෙවරක් ඉටුකරමින් සිටින්නේය.

ඒ අනුව ශ්‍රී ලංකා නැනෝ තාක්ෂණික ආයතනය (SLINTEC) සමග අත්වැල් බැඳගනිමින් ඇට්ලස්  ආයතනය විසින් නිෂ්පාදනය කරන ලද මෙම පොත් සහ පෑන් පෙළ බැක්ටීරියා නාශක නවීන තාක්ෂණයෙන් සවිබල ගන්වා ඇත. ඇට්ලස් අභ්‍යාස පොත්වල පිට කවරයේ වානිෂ් ස්ථරයේ සහ ඇතුළත පිටුවල අඩංගු සුවිශේෂී බැක්ටීරියා නාශක සංයෝගය එම පෘෂ්ඨයන් මත ගැටෙන බැක්ටීරියාවන් පැය 24ක් ඇතුළත 99.9%ක්ම විනාශ කර දමන බව VERITAS පාරිභෝගික සහ නිෂ්පාදන කාර්යාංශය මගින් තහවුරු කර ඇති අතරම මෙම නිෂ්පාදන පෙළ පසුගියදා කොළඹ ජාත්‍යන්තර පොත් ප්‍රදර්දර්ශනයේදී නිළ වශයෙන් හඳුන්වා දී ඇත. 

වසර 60කට අධික කාලයක් තිස්සේ මෙරට මිලියන ගණනක් වූ දරුවන්ගේ අධ්‍යාපනයට නිබඳ සවියක් වූ ඇට්ලස් සමගම විසින් හඳුන්වාදෙන මෙම නිෂ්පාදන පෙළ ඔබේ දරුවාගේ සෞඛ්‍යාරක්ෂාව සම්බන්ධයෙන් මෙතෙක් ඔබ තුල පවතී ගැටලුවට සහනයක් වන බව නොරහසකි. එනිසා අදම ඔබේ දරුවාත් බැක්ටීරියා වලින් අමතර ආරක්ෂාවක් ලබා දෙන මෙම පොත් සහ පෑන් පෙළ වෙත යොමු කිරීමට කටයුතු කරන්න. සෞඛ්‍යාරක්ෂිතව සිටිමු. බැක්ටීරියා ආසාදනවලින් වළකිමු.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article