ඔබටත් මේ අතේ වේදනාව තියෙවද?

බොහොමයක් රෝග තත්ත්ව සඳහා සුදුසු භෞත චිකිත්සක ප්‍රතිකාර ක්‍රම පිළිබඳව අප වෙබ් අඩවිය මගින ඔබව දැනුවත් කළා. අද එලෙසම වූ පීඩාකාරී රෝග තත්ත්වයක් පිළිබදව දැනුවත් කිරීමටයි මේ සූදානම. එනම් පේන්ෆුල් ආක් සින්ඩ්‍රෝමය (Painful arc syndrome) යන තත්ත්වයයි. මේ තත්ත්වය කුමක්ද යන්න බොහෝවිට වටහා ගැනීම අපහසු වන නිසාම රෝග තත්ත්වයට නිසි ප්‍රතිකාර ලබාගැනීම ප්‍රමාද වීම වුවද වුය හැකියි.

පේන්ෆුල් ආක් සින්ඩ්‍රෝම තත්ත්වයේදී රෝගියාගේ අත ශරීරයෙන් ඉවතට ඔසවන විට මැද පරාසය තුලදී වේදනාවක් හට ගැනීම දැකිය හැකියි. එනම් අත ශරීරයෙන් ඉවතට ඔසවන චලනයේ ආරම්භයේත් එම චලනයේ අවසානයේත් වේදනාව හට නොගනී. මෙම රෝගයේ විශේෂත්වය එයයි. 

පේන්ෆුල් ආක් සින්ඩ්‍රෝමය ඇති වීමට හේතු

සාමාන්‍යයෙන් අපේ අත ශරීරයෙන් ඉවතට එසවීමට ආරම්භය ලබාදෙන්නට උපකාරි වන්නේ සුප‍්‍රා සපයිනේටස් පේශියයි. පහත සඳහන් හේතූ නිසා අත ශරීරයෙන් ඉවතට ඔසවන විට මැද පරාසය තුලදී වේදනාව හට ගනී. 

  • සුප‍්‍රා ස්පයිනේටස් පේශියේ කණ්ඩරාවේ ආසාධනය (supra spinouts tendinitis)
  • සුප‍්‍රා ස්පයිනේටස් පේශියේ කන්ඩරාව කැල්සීනීභවය
  • සබ් ඇක්රෝමියල් බර්ස
  • ව්‍යුහය ආසාධනය
  • ප්‍රගණ්ඩස්ථියේ ගේ‍්‍රටර් ටියුබරෝසිටි අනතුරට පත්වීම (Grater tuberosity of Humerus) යනාදිය පෙන්වා දිය හැක. 

මෙම තත්ත්වය ඇති රෝගීන් භෞතචිකිත්සකවරු වෙතට යොමු කෙරේ. එවිට ඔවුන් රෝගියා ඇගයීමකට ලක් කොට, කළ යුතු භෞතචිකිත්සක ප‍්‍රතිකාර තීරණය කරයි. එම ප‍්‍රතිකවලදී ප‍්‍රථමයෙන් තාප ප‍්‍රතිකාර ලබාදේ. ඒ සඳහා කෙටි තරංග (short waves), අධෝරක්ත කිරණ (Infa Red) ලබාදීම ප‍්‍රතිකාර ලෙස යොදා ගනී. බොහෝ විට යොදාගන්නේ කෙටි තරංග (short waves) ක්‍රමයයි. මෙමගින් ශරීරය අභ්‍යන්තරයට තාපය ලබාදේ. එම තාපය මගින් එම පේශියේ වේදනාව සහ තද ගතිය නැතිව යයි. 

මේ තත්ත්වයේදී යොදා ගන්නා භෞතචිකිත්සක ක‍්‍රම අතර වැදගත්ම ක්‍රමය වනුයේ අල්ට‍්‍රා සවුන්ඩ් (ultra sound) ප‍්‍රතිකාරයයි. අධි ධ්වනි ශබ්ද තරංගයක් වන මෙමගින් සුප‍්‍රා ස්පයිනේටස් පේශියේ කන්ඩරාවේ ආසාධනය හෝ කැල්සනීභවනය වී ඇති තත්ත්වය නැති කරගත හැක. මිනිස් කනට ඇසෙන ශබ්ද තරංග වල පරාසය වන්නේ  20 හර්ට්ස් වල සිට හර්ට්ස් 20000 (20Hz 20000Hz) ය. මෙහිදී යොදා ගන්නා ශබ්ද තරංගය හර්ට්ස් 20000 ට වැඩි අධි ධ්වනි තරංග යයි.

යාන්ත‍්‍රීකරණ තරංගයක් වන මෙමගින් කණ්ඩරාවේ ඇති නොයෙකුත් බැඳීම්, අපද්‍රව්‍ය බිඳ දමයි. රෝගියාට සහනයක් ලැබේ. වේදනාව නැතිව යයි. බෙහෝ භෞතචිකිත්සකයන් මේ වේදනාව නැති කිරීමට TENS (Transcutaneous vagus nerve stimulation/Electrical Nerve Stimulator) යන්ත‍්‍රයද උපකාරී කර ගනියි. මෙහිදී කුඩා ඉලෙක්ට්‍රෝන දෙකක් රෝගියාගේ උරහිසේ අලවා එමගින් කුඩා විද්‍යුත් ධාරාවක් ශරීරයට ලබාදී වේදනාව නැති කර දමයි. මේ කිසිවක් හානිකර දේ නොවේ. 

තවදුරටත් රෝගියාට සන්ධි චලනය කරවන ව්‍යායාම (Mobilizing exercises) කඝ යුතුය. තවද දුර්වල වූ පේශියට පේශී ශක්තිමත් කරවන ව්‍යායාම (strengthening exercises) දිය යුතුය. 

යම් කිසි බලයකට එරෙහිව අත ශරීරයෙන් ඉවතට එසවීමෙන් එය කළ හැක. දිවයින පුරා ව්‍යාජ භෞතචිකිත්සකයන් විශාල ප‍්‍රමාණයක් සිටින බැවින් ඔබගේ භෞතචිකිත්සකවරයාගේ වෛද්‍ය සභාවේ ලියාපදිංචි අංකය විමසන්න. 

 

විශේෂඥ මතය, අදහස සහ මූලික සටහන:

ආචාර්ය ජාලිය උඩුවැල්ල

– භෞතචිකිත්සක අධිකාරී, රිජ්වේ ආර්යා ළමා රෝහල, කොළඹ

 

 


 

අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here