මාසික ඹසප් වීම

 මාසික ඔසප් ගැන දැණුවත් බවක් නොතිබුනොත්  ගැහැණු ළමයින් තැති ගන්නවා..

දියණියක් මල්වර වීම සමග අති උත්කර්ෂවත් අවස්ථාවක් ලෙස සැමරුවත් සැබැවින්ම දියනියක දණුවත් කළ යුතු බොහෝ දේ ගැන අම්මලාට අමතකයි.නමුත් දෙමව්පියන් විදිහට හැම දෙනෙකුගේම අවදානය දියණියට යොමු වීම වගේම ඔසප් චක්‍රයේ ආරම්භවීමත් සමග ඇගේ ජීවිතයේ ඇති වෙන වෙනස්කම් ඉදිරියේ මුහුණ දිය යුතු ආකාරය ගැනත් ඇයට වටහා දීම ඉතාම වැදගත්.. 

මල්වර වීමෙන් පසුව නැවත මාසිකව ඔසප්වීම සාමාන්‍ය සංසිද්ධියක් වුනත් මේ වයසේ දැරියන් ඒ ගැන බියට පත් වෙනවා.ඒ නිසා දෙමව්පියන් විසින් මෙවැනි ජීව විද්‍යාත්මක සිදුවීම් ගැන තමන්ගේ දරුවන්ට පැහැදිලිව කියා දීම වැදගත්. මවක විසින් මේ සිදුවීම් දියණියට පැහැදිලිව තේරුම් කිරීම අවශ්‍යයි.

මාසික ඹසප් වීමේ වේදනාකාරී අත්දැකීම විඳින්න වෙනවා..

දැරියක් මල්වර වීමෙන් පසු මුල් කාලයේදි ඔසප් වීමේ වේදනාවන් ඒ තරම් දරුනු නැහැ.සාමාන්‍ය වේදනාවක් එය සුළු වේදනා නාශකයකින් පාලනය කර ගන්න පුලුවනි.නමුත් ඇතැම් කාන්තාවන්ට ඉතා දරුණු විදිහට මාසික ඔසප් වීම වේදනාකාරීව බලපාන්න පුලුවනි. ගර්භාෂගත විවිධ රෝග නිසා මෙවැනි තත්වයන් ඇති වෙන්න පුලුවනි. නමුත් වයස අවුරුදු 25 ට අඩු නව යොවුන් වයසේ ගැහැණු දරුවන්ට එවැනි ගර්භාෂගත සංකුලතාවයන් අඩුයි.

ඒ වගේම ඔසප් චක්‍රය සමග බැදී තිබෙන මිථ්‍යාවන් කීපයක් අදටත් අපේ දෙමව්පියන් අතර පවතිනවා.

  • අපේ පැරණි මතයන්ට  අනුව අන්නාසි, පැපොල් වැනි දේ ගැබිණි මව්වරුන්ට දෙන්නේ නැහැ.ඒ වගේම මාසික ඔසප් අවස්ථාවන්හිදී පැපොල් සහ අන්නාසි ආහාරයට ගැනීම නිසා රුධිරය වැඩියෙන් පිටවෙන බවට තිබෙන විශ්වාසය තිබෙනවා. මේ පිළිබඳව ඔබතුමාගේ අදහස..

ඉහත පළතුරු වර්ග සහ ඔසප් රුධිරය පිටවීමේ ධාරිතාවය අතර කිසිදු සත්‍යතාවයක් නැහැ.

  • බිත්තර,මස්,කරවල ආහාරයට ගැනිමෙන් ඔසප් රුධිරය අප්‍ර`සන්න ගන්ධයකින් තිබෙනවාද..?

ඔසප් තරලයේ පවතින ගන්ධයට ආහාර වලින් කිසිම බලපෑමක් ඇති වෙන්නේ නැහැ. ඒ නිසා ඔසප් දිනයන්හි මස්,මාළු, කරවල, බිත්තර ආහාරයට ගැනීමෙන් ඔසප් තරලයේ විශේෂ දුර්ගන්ධයක් ඇති වෙන්නේ නැහැ.

  • අපේ විශ්වාසයන්ට අනුව ඔසප් රුධිරයට අදෘශ්‍යමාන අහිතකර බලවේග ආකර්ශනය වෙතැයි වූ පිලිගැනීම නිසා තනියම දිය ස්නානය කරන තැන් වල සිටීම ගැන ඇති සත්‍යතාවය…

ඔසප් දිනයේ ස්නානය කිරීමේ කිසිම ගැටළුවක් නැහැ.පොදු ස්ථානවල ස්නානය කිරීමේ යම් ගැටළුවක් තිබෙනවා. විශේෂයෙන් නාන තටාක වැනි තැන්වල මේ දිනයන්හි ස්නානය කිරීමෙන් අපිරිසිදු රුධිරය නාන තටාකයට එකතු වෙන්න පුලුවනි.

ඒ වගේම ඔසප් වීම නිසා පිරිමින්ට සාපේක්ෂව කාන්තාවන් නීරක්තියට ගොදුරු වීමේ වැඩි ප්‍රවනතාවයක් තිබෙනවා.මාසිකව සිදු වෙන ඔසප් වීම නිසා සිදු වෙන රුධිරය පිට වීම නීරක්තියට බලපානවා.

නීරක්තියට පත් වීමේ ලක්ෂණ

  • සුදුමැලිබව
  • මහන්සිය
  • හිසරදය
  • හුස්ම ගැනීමේ අපහසුතාවය
  • අවධානය සහ මතක තබා ගැනීමේ අපහසුතාවය
  • ඉගෙනීමේ උදාසීන බව

බොහෝ දෙමව්පියන් ගැහැණු දරුවන්ගේ ආහාර පිලිබඳව පෝෂණය ගැන දක්වන අවධානය අඩුයි.අතීතයේදී පවා වැඩියෙන් ආහාර පංගුව ලැබුනේ පවුලේ පිරිමි දරුවාටයි. නමුත් ගැහැණු දරුවන්ගේ ආහාරයේ යකඩ පිළිබඳව වැඩි අවධානයක් දැක්වීම ඉතාම වැදගත්.නීරක්තියට පත් දරුවන්ට යකඩ අතිරේක ලබා දීම සහ  දිනපතා පෝෂණීය ආහාර පිලිබඳව වැඩි අවධානයක් දැක්වීම වැදගත්. 

යකඩ අඩංගු ආහාර අතරට එක් වෙන්නේ…

සාමාන්‍ය එදිනෙදා ජීවිතයේ අපට හොඳින් හුරු පුරුදු ආහාර අතර 

  • මස්
  • මාළු වර්ග
  • රනිල කුලයේ එළවළු- බෝචිං , මුං ඇට , කව්පි , සෝයා
  • තද කොළ පැහැති පලා වර්ග- නිවිති , කංකුං 
  • පළතුරු

ඒ වගේම යකඩ අවශෝෂනය නොවන විදිහට අපේ ආහාර රටාව හැඩ ගැසී තිබීමත් යකඩ ඌනතාවයට හේතුවක්. ප්‍රධාන ආහාර වේලෙන් පසුව  තෙක් තේ , කෝපි  පානය කිරීම නුසුදුසුයි. එවිට යකඩ අඩංගු ආහාර මොන තරම් ගත්තත් සිරුරට යකඩ අවශෝෂනය අවශ්‍ය පරිදි සිද්ධ වෙන්නේ නැහැ.

ප්‍රධාන ආහාර වේලට පසුව විටමින් ක්‍ අඩංගු පළතුරු ආහාරයට ගත්තොත් ඉක්මනින් යකඩ අවශෝෂනය  පහසු වෙනවා. මේ නිසා ආහාරයෙන් පසුව දොඩම් , දෙහි  , පේර වැනි විටමින් ක්‍ බහුල පළතුරක් හෝ යුෂ ආහාරයට ලබා දිය හැක.

කොකු පණු රෝගයත් නීරක්තියට හෙතුවක් දැන් මේ රෝගය බොහොම අඩුයි. නමුත් වසරකට වරක් පණු බෙහෙත් ලබා දීම ප්‍රමාණවත් වුනත් අවදානම් කලාපවල දරුවන්ට මෙම කාලසීමාව වසරකට දෙවතාවක් ලෙසින් නිර්දේශිතයි. ඊට අමතරව ආහාරයට පෙර සහ , වැසිකිළි යෑමෙන් පසු අත් සේදීම, පළතුරු සෝදා ආහාරයට ගැනීම වැනි ප්‍රාථමික සෞඛ්‍ය පුරුදු නිසි පරිදි අනුගමනය කිරීමත් අවශ්‍යයි.

 

විශේෂඥ මතය, අදහස සහ මූලික සටහන:

ප්‍රසව හා නාරි විශේෂඥ පිළිබඳ විශේෂඥ වෛද්‍ය සහ නාරි සහ ප්‍රසව රෝග පිළිබඳ විශේෂඥ වෛද්‍ය සංගමයේ සභාපති  ( 2016 ) ගාමිනී පෙරේරා මහතා 

 

 

 


 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here