ගැහැණු දරුවන් විවාහය ගැන හිතන්නේ තම පියාගේ චරිතය අනුවයි.
ගැහැනු දරුවෙකුගේ පුංචි කාලයේ පටන්ම හිතේ ඇති වෙන අනාගත සිහිනයක් තිබෙනවා. ඒ බව ඔවුන් වැඩි කැමැත්තක් දක්වන සෙල්ලම් වලින් පවා පෙනෙනවා. පිරිමි දරුවන් බෝල ගහන්න, වාහන එලවන්න වැඩි කැමැත්තක් දක්වන අතරවාරයේදී ගැහැණු දරුවන් බෝනික්කන් සමග සෙල්ලම් කිරීමට වැඩි උනන්දුවක් දක්වනවා. මේ සෙල්ලම් තුලින් පවා ඔවුන් වෙතින් ප්‍රදර්ශනය වෙන්නේ අනාගතයේ පවුලක් ලෙසින් ජීවත් වීමට ඔවුන්ගේ යටි හිතේ නිදන්ගතව තිබෙන කැමැත්තයි.
මොහොතක් සවන් දෙන්න…
පුංචි ගැහැනු දරුවන් බෝනික්කන් සමග සෙල්ලම් කරද්දී වගේම සෙල්ලම් ගෙවල් නිර්මානය කරන විට ඔවුන්ට නොදැනෙන සේ මොහොතක් සවන් දෙන්න. ඔවුන් වෙතින් සම්පූර්නයෙන්ම පිලිඹිමු වෙන්නේ ඔබේම නිවසේ හැසිරීම් රටාව බැව් ඒ ඇසිල්ලකින් තේරුම් ගැනීමට ඔබට හැකියාවක් ලැබේවි.
ප්‍රතිචාරත් දරුනු වෙන්න පුලුවනි…
සමහර විට ඔබේ දියනිය වගේම පිරිමි දරුවනුත් මේ සෙල්ලම් ගෙදරට සහභාගී වෙනවා.එතැනදී පියාගේ භුමිකාවත් මේ පුංචි සෙල්ලම් ගෙදර තුළ නිර්මානය වෙන්න පුලුවනි. අපේ බාල කාලයේදී අසල්වැසි නිවසක ගැහැණු දරුවන් සෙල්ලම් ගෙයක් නිර්මානය කරමින් පැය ගණනක් සෙල්ලම් කරනවා. ඔවුන්ගේ සෙල්ලම් ගෙය හැමදාම අවසාන වුනේ මත්පැන් බී නිවසට එන පිරිමි දරුවා විසින් නිවස කඩා දැමීමෙන්. මේ සිදුවීම අසල්වැසි පවුලේ සාමාන්‍ය රටාවක්. ඔවුන්ගේ පියා හැන්දෑවට නිවසට පැමිනෙන රටාවට අනුවම මේ දරුවන් විසින් ඔවුන්ගේ සෙල්ලම් ගෙදර නිර්මානය කරනවා.ඒ අතර බෝනික්කන්ට පහර දෙනවා. නිවසේ මව ලෙසින් භුමිකාව නිරූපනය කරන මවටත් පහර දෙනවා. මෙම මානසිකත්වය විශේෂයෙන්ම ගැහැණු දරුවන් සමග ඔවුන්ගේ අනාගතයටත් බලපානවා.
මම හොයන්නේ අපේ තාත්තා වගේ සැමියෙක්…
පවුලක් තුළ ඉතාම යහපත් ලෙසින් ගනුදෙනු කරන පියෙකු සිටිනවා නම් දියනියක විසිනුත් ඇගේ අනාගත සහකරු වෙතින් තම පියා වැනි ගතිගුණ ඇති සහකරුවෙක් දැකීමට කැමැත්තක් දක්වනවා.ඒ වගේම බාල කාලයේ පටන්ම පවුලක් ලෙසින් ජීවත් වෙන අනාගත ආශාවක් ඇගේ යටි හිතේ ගොඩ නැගෙනවා.
හදිසියේවත් තාත්තා වගේ නොවුනොත්..?
ඒ වගේම බාල කාලයේ පටන්ම අපේක්ෂා කළ තම පියාගේ චරිතය සහකරුගෙන් නුදුටුවොත් ඇයට මානසිකවත් යම් ගැටුම්කාරි තත්වයකට පත් වෙන්න පුලුවනි. ඒ නිසාම නිතරම තම පියා වගේම තම මවගේ චරිතය අනාගතයේදී තමන්ගේ සහකරු හෝ සහකාරිය වෙතින් අපේක්ෂා කිරීම එතරම් සුදුසු නැහැ. නිතරම තම මව/ පියාට සමාන කර සිතන්න සහ ඒ හැසිරීම් රටාවම අපේක්ෂා කිරීමත් එතරම් සුදුසු දෙයක් නොවේ.
එහෙම නම් මොකද කරන්නේ…?
සමාජයේදී පුද්ගල හැසිරීම් එකිනෙකනාට වෙනස්. නමුත් අන්තර් පුද්ගල සම්බන්ධතාවයන්හිදී අපි ඒ හැම දෙනාටම ගැලපෙන පරිදි හැසිරෙන්න අවශ්‍යයි. විවාහ සංස්තාවේදී මේ වටපිටාව තවත් සංකීර්ණයි. සමහර අවස්ථාවලදී විවාහයක් සිදු වෙන්නේ නාදුනන පුද්ගලයන් දෙදෙනෙකු අතර වෙන්නත් පුලුවනි. ඒ නිසා තමන්ගේ මව හෝ පියාගේ චරිතය ඔවුන්ගෙන් අපේක්ෂා කරන්න බැහැ.ඒ නිසා තරුණ දරුවන්ට අනාගත පවුල් ජීවිතයේදී පුද්ගලයන් සමග ගනුදෙනු කරන ආකාරයත් පැහැදිලිව කියා දීම ඉතාම වැදගත්.
හැබැයි…තම පියා පවුල තුළ ඉතාම පීඩාකාරී චරිතයක් වුනොත් විශේෂයෙන්ම දියනිවරුන්ට අනාගතයේදී විවාහ වීමට තිබෙන අපේක්ෂාවන් නොදැනීම ගිලිහී යෑමට ඉඩ තිබෙනවා. ඇතැම් දියනිවරැන් පියා මුල් කර ගෙන පවුල තුළ විදින විඳවන මව ගැන ඇති වෙන සංවේදී සිත නිසාම අනාගතයේදී විවාහ නොවී තනිකඩව සිටින්නට තරම් තීන්දු තීරණ ගත් අවස්ථාවන් ගැන නිහඩ වාර්තා තිබෙනවා. ඇතැම් දියනිවරුන්..අපේ අම්මා විඳින දුක දැක්කාම මට නම් විවාහයක් ගැන හිතන්නත් බැහැ. ඒ තරමටම කලකිරෙනවා..
පවුල ප්‍රසන්න විය යුතුයි..
ඒ නිසා නිතරම දරුවන්ට පවුල වූ කලි ප්‍රසන්න නිවසක් කරන්න.ඔවුන් අනාගතය මුල් කර ගෙන තමන්ගේ මානසිකත්වය ගොඩ නගා ගන්නේ අද දවසේ තම දෙමව්පියන් විසින් ගෙවන ජීවිතය අනුව විය හැක.ඒ නිසා නිතරම පවුලක් තුළ අඹු සැමියන් අතර පවත්නා සමගිය ආදර්ශ කර ගෙන විශේෂයෙන් දියණිවරුන් තමාගේ අනාගත පවුල් ජීවිතය ගැන අපේක්ෂාවන් ගොඩ නගා ගනිති. ඒ නිසා දරුවන් කුඩා කාලයේ පටන් පවුල යනු ප්‍රසන්න ඒකකයක් වීම ඉතාමත් වැදගත්.
